Ayat Alkitab yang Popular daripada Joh. 15

Kongsi

Inini ndiri muvhini, imwimwi muri matai. Uwo unogara mukati mwangu, neni ndiri mukati mwake, ndiye unobara michero yakawanda, ngokuti ngepabanze pangu imwimwi amungakoni kuita chiro.

Garai mukati mwangu neni mukati mwenyu. Kudai ngedai risikakoni kubara michero rega, risikagari mukati mwomuvhini, zvakadaro nemwi kudai musikagari mukati mwangu.

Kudai mwechigara mukati mwangu, nemazwi angu anogara mukati mwenyu, munozokumbira izvo zvomunoda, nazvo zvinozoitwa kwomuri.

Imwimwi amuzi kunditsanangura, asi ndakamutsanangura inini, ndikamuemesa kuti muende, mubare michero nokuti michero yenyu igare; kuti kunyazwi chiinyi chomunozokumbira kunaBaba ngezina rangu, vachipe kwomuri.

Akuna munhu unorudo rukuru kupinda urwu, kuti munhu afe ngepamusoro peshamwari dzake.

Matai eshe ari mukati mwangu asikabari michero, unoadusa, nawo eshe anobara michero unoatongora, kuti abare michero yakapinda kuwanda.

Uyu ndiwo mupango wangu, kuti mudane kudai ndini ndakamuda.

Ngeizvi Baba angu vanokudzwa, kuti mubare michero yakawanda, ngokudaro muite vadzidzi vangu.

“Inini ndiri muvhini wegwinyiso naBaba angu murimi.

Kunyazwi ndiani usikagari mukati mwangu, unorashwa kubanze kudai ngedai, rinofota; nematai vanoaunganidza, vaaposhere mumuriro nawo anotsva.

“Ndakaereketa izvi kwomuri, kuti kudakara kwangu kugare kwomuri, nokuti kudakara kwenyu kuzadzisike.

Kudai mwechingwarira mipango yangu, munozogara murudo rwangu, kudai ndini ndakangwarira mipango yaBaba angu nokugara murudo rwake.

Izvi ndinomupanga, kuti mudane umwe kunoumweni.

Kudai mwaiya vomunyika, nyika yaizoda vayo. Asi ngokuti amusiri vomunyika akadi, asi ndakamutsanangura kubva munyika, ndizvo nyika inomuzonda.