Ayat Alkitab yang Popular daripada JOHAN 13

Kongsi

Riita ümchaü min ngi raq namshiq ma aming anye she kuq tiipha ara: Namshiq ka riimang riichan maq shongnga ronglaq. Ngi raq namshiq ka jamkho lungwii kang, kiikhiisii hali, namshiq liipan niimin, riilung riiwii maq sirong laq. Namshiq liipan na, riimang riichan maq singa wan lili riihan jiila, nanok tarü raq, namshiq ka i jaqshisetiim dea nguta misap.”

Ngi ka namshiq Tatiwe, kiimaq namshiq ma Shrinketi we raq ümchaü namshiq hokphi ka jamkho hetse kuq kang, kiikhiisii hali namshiq liipan niimin, weshi raq weshi hok ka hekuq lili rong laq. Ngi raq namshiq ma ara jaqsham maq tlang kuq wan tiikang arka, namshiq riimin akhiisii hali misham laq, nguta tiichhikuq tiikang.

Kiijiishe, “Ngi raq ümchaü jamlai jaq wa sham kuq tiikang, arka ümniiraq ümchaü ka takmaü mirhaü. Shatmaq, jai miishetiq misap haü,” nguta Jesuq raq apaiq bom ka treto.

Ngi raq chongtiikang arka tengteng: Dise ka atijong we thaq na ajong riimak. Kiimaq tsasoqti we ka, apaiq thaüti we thaq na ajong riimak.

Riita, ümchaü sanha, namshiq raq ara chongkuq tiikang tengteng bomtsi arka sap lan she. Jurwa ara bomtsi ara lang lanta mishong nga han, kriiti ka pinthum khoqriiq shishiiq miishe misi han!

Kriikha miishe, apaiq ka dungsea chang chamrii tho wa tiido raüta, adü wa akhea thum ka chhutto. Raüta thüto. Raüta, han tatke chang khea ashi ka, achhü na minsaq samto. Raüta, apaiq raq winpin jong ashi na kham ka thiito. Raüta, kham maq ajaqshisetiim hok ka, weshishi maq hekuqto. Raüta, achhü na aminsam hantatke chang khea kiimaq, tsangshiq hokphi kra tiiwe tatkuq wan wan raüta, tsangshiq wiita tiikham heikuqto.