Ayat Alkitab yang Popular daripada Mako 11

Kongsi

Akumunge ene i sipu nimbu siembo: ‘Olio ˻Pulu Yemone paa sike lipe taponjimbemonga ‘Teamili.’ nimulú mele sike manda aku sipu temolo.’ molo ‘Nimulú kinie sike aku sipe wendo ombá.’ ningu˼ tondolo munduku pilkulie Pulu Yemo kinie ungu ningu mawa tenge mele pali Pulu Yemone sike tenjimbemonga kanu uluma sike wendo ombá.” nirimu.

Nane ene paa sike nimbu sikirumu: Yambo tene ‘nane nimbú mele paa sike wendo ombá.’ nimbe konopu talo tepa naa pepili ne ma pangimundu “Ungú toko nomu kusana sukundu pui!” nimbé kinie yu nimbé mele paa sike wendo ombá.

“‘Ulu pulu keri temuluma olionga Lapa, mulu koleana molemomone ‘We manie pupili, siye kolambo.’ nipili.’ ningu, Pulu Yemo kinie ungu ningu angilkulie yambomane ene teko kenjingímunge konopu keri panjiku molonge uluma ‘We manie pupili. Siye kolamili.’ niengila.

Yesusini pundu topa nimbendo: “Pulu Yemone nanga ungumu sike pilimbe˻monga nimbú mele ‘Paa sike wendo ombá.’ ningu˼ tondolo munduku piliengi!

Ene mane sipelie nimbendo: “Pulu Yemonga bokuna ungu te i sipe nilimo: ‘Yambomane nanga ulkemondo “Koleamanga pali yambo talapemane Pulu Yemo kinie ungu nilimolo ulkemo.” ningí.’ kanumu ene naa pilimeleye? Ungu aku sipe molemo nakolo enene i ulkemo ‘wa nolemele yamboma lopi teko molemele ulkemo’ mele ningu pilkulie aku siku telemele.” nirimu.

Kumbi lelko puringi yambomane kepe akilku puringi yambomane kepe naka lelko unju ambololiku pukulie ningindu: “‘Yunge imbi ola molopili.’ niemili! ‘Pulu Ye Yawene lipe mundurumuna yunge kongonomo tenjimbe okomo yemo molopa konjipili!’

Olionga anda kolepa ye nomi kingi Depisi˻ni kalopa lirimu yemo˼ ye nomi kingi molomba tekemo yemo Pulu Yemone tepa konjipe ‘Yu tondolo pupili.’ nipili. Mulu koleana ola yu imbi ola molopili!” niliku puringi.