Ayat Alkitab yang Popular daripada Lucas 24

Kongsi

Ne edsug̵uen ku zini te keniyu is Wag̵as he Mulin-ulin he impesarig te Amey ku he Megbevayà. Iyan, dini kew tag̵ad te inged he Hiruselim taman te kenè kew pa egkevulusan te g̵ehem din he ebpuun te langit.”

Su si Jesus, ne wazè en kayi su nevanhew en. Tentenuzi niw ke hengkey is migkag̵i zin keniyu hein diyè kew pa te Geliliya

Ne zutun, human dan mekilala si Jesus su nemelmeleg̵an dan te ed-ahà. Iyan, netekew maawà dutun si Jesus diyà te ked-ehè dan. Ne mibpelelag̵à haazà is dezuwa he etew he egkag̵i te, “Umba ves utew ta nesuati g̵eina ziyà te zalan te ebpemineg is kedseysayi zin kenita zuen te Lalag te Megbevayà.”

Ke sikandin te, “Ibpesavut duen te insurat he Lalag te Megbevayà he kinahanglan he siak is hadì he mibpilì te Megbevayà, ne edhimetayan a ne seled te tetelu he andew zutun ne ebenhawen a te Megbevayà. Ne ibpesavut daan dutun he kinahanglan he edsug̵uen ku sikiyu te kebpenudtul te Meupiya he Tudtulanen. Ebpuunan niw is kebpenudtul niw zini te Hiruselim ne ieneb niw heini ipesavut te tivuuk he kelibutan. Ipesavut niw he kinahanglan he ed-iniyug̵an te menge etew is memezaat he ulaula ne human dan ebpeseyluwa te Megbevayà.

Nekeuma zan dutun ne neehè dan he in-awè en sikan is batu he inlekeb dutun te surung he penlevengà. Ne mid-ahuk dan dutun ne ebpenlenglenguwen dan kes lawa te Nengazen he si Jesus ne wazè en dutun.