Ayat Alkitab yang Popular daripada Lucas 15

Kongsi

Ne iyan dà haazà neisip din ne zutun midtandang sikandin med-ulì. Ne meziyù pa sikandin ne nepantew en dutun te amey zin. Ne utew nehizu haazà is amey zin he ed-ahà kandin. Ne mibpelelag̵uy is amey zin he edsinug̵ung kandin ne migkepkepan ne midhezekan sikandin te amey zin.

Su heini is anak ku, iring te minatey sikandin ne g̵untaan neuyag̵an. Netazin sikandin ne g̵untaan neturedu en.’ Ne zutun nebibu zan.

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Iyan tumù ne ed-ulì e zed diyà te amey ku, ne iyan egkeg̵iyen ku ziyà te kandin is: Amà, dekelà utew is salè ku ziyà te Megbevayà wey zini te kenikew te amey ku.

‘Amà,’ egkag̵i haazà is kenakan, ‘utew zekelà is salè ku ziyà te Megbevayà wey ziyan te kenikew te amey ku. Kenà ad dait he ed-isipen nu pa maan he anak nu. Ne himuwe e zà he sevaha te menge sulug̵uen nu.’

“Penenglitan, is sevaha keniyu ke zuen din nenggatus he ayam he kerehidu, ne netazin is sevaha zutun, hengkey is ed-ul-ulahan din? Siguradu egkeewaan din haazà is kesiyawan wey siyew he ebpemenabtab su ebpengahaan din haazà is sevaha he netazin taman te egketuredu zin.