Ayat Alkitab yang Popular daripada Lucas 12

Kongsi

Ne sikiyu zaan, kinahanglan he mebpekevantey kew su siak is Kakey te Menusiyà, ebpekeuma a te uras he wazè niw isipa he ebpekeuma a.”

Iyan niw ul-ulaha is ibpeulaula keniyu te Megbevayà he iyan edhadì keniyu ne ibeg̵ey zin diyà te keniyu is langun he egkinehenglanen niw.

Ne migkag̵i si Jesus diyà te menge etew te, “Purungi niw ventayi is ulaula niw su wey wazà keleleg̵ed diyan te keniyu. Su is ibmeupiya te untung te etew, kenà ebpuun te mezakel he menge azen.”

Ne ke hendei is egketeg̵uan te ketig̵eyunan niw ne zutun daan is gehinawa niw.”

Ne minsan sengemenu is kegkenug̵uni te etew te untung din, wazà minsan hengkey he paag̵i he egkesumpatan din te minsan deisey zà.

Ne migkag̵i si Jesus diyà te menge sumusundan din te, “Ne tenged kayi egkeg̵iyen ku keniyu te menge sumusundan ku he kenè kew meseeng te egkeenen he igkeuyag niw. Ne kenè kew zaan meseeng te ugelingen he idsun-ud te lawa niw.

Ne iyan kew pe be is minsan ke edtigselimbahan te ebilang is bulvul niw ne netuenan din en is kezakel. Umba, kenè kew mahandek su lavew kew he mahal ziyà te kandin kenà te minsan utew mezakel he menge tagbis.”

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Isipa niw is menge uwak; kenè dan ebpemula; kenè dan edrag̵un ne wazè dan daan lawig he ederengdengan dan. Ne minsan pa zutun ebpengelintau is Megbevayà te egkekaan dan. Ne iyan kew pe be is etew he lavew pa he mahal ziyà te kandin kenà is menge uwak!

Kenè kew meseeng! Kenè niw iyan isipa ke hengkey is egkekaan niw wey egkeinum.

Is sagbet, ne wazè din bali; egkeehè ta g̵untaan ne kenè en utew egkeug̵et ne egkeg̵angu en, ne ebinsulan en. Iyan, ke edhimuwen te Megbevayà he mekempet minsan heini is menge sagbet, iyan kew pe be kenè din daan meveg̵ayi te igkeuugelingen! Maan is utew zeisek is kedsarig niw kandin?

Kunaan dan ke kenà egketuenan he tarù is kedtuu zan, iyan, is langun he midtembunan he ed-ul-ulahan te etew, ne egketuenan ded wey is minsan hengkey he nekeeles ne ibpeg̵awag̵awa g̵ihapun.