Ayat Alkitab yang Popular daripada Lucas 10

Kongsi

Tentenuzi niw heini he mibeg̵ayan ku sikiyu te g̵ehem he minsan ke ebpekeg̵iek kew te uled wey venayew ne kenè kew edhereg̵en. Ne kenè kew zaan egkezaag te g̵ehem te ukag tew he si Setanas ne wazà minsan hengkey he ebpekekaid keniyu.

Iyan, migkag̵i si Jesus te, “Marta, utew mezakel is igkesemuki nu he kenà utew ebpulus. Sevaha zà is dekelà is pulus din he iyan mibpilì ni Maria ne kenà heini igkeawà diyà te kandin.”

Ne midtavak haazà is etew te, “Is Megbevayà he Nengazen tew, kinahanglan he iyan tew sikandin ebmahalen dini te g̵ehinawa tew. Iyan sikandin mahal zini te g̵ehinawa tew, isip tew, kedsavut tew, wey tivuuk he ulaula tew. Ne kinahanglan daan he ebpurungan tew is duma tew; ed-isipen tew sikandin he iring en te kenitew he g̵ehinawa.”

Ne migkag̵i sikandin diyà te kandan te, “Mezakel pezem is edawat te Meupiya he Tudtulanen. Iring sikandan te kamet he nelutuan en. Utew meluag is kamet, iyan, deisey kiw zà is ebpemenlegtey. Iampù niw ziyà te Nengazen he sug̵ua zin pa ziyà te kamet din is duma pa he ebpekelegtey.

Ne ke si Jesus diyà te menunudlù te, “Hentei zutun te tetelu he etew is nehimu he hustu he zuma zutun te midruug te menge tulisan?” Ne midtavak haazà is menunudlù te, “Iyan nehimu he hustu he zuma zutun te midruug te menge tulisan haazà is nehizu kandin he etew ne midtavang kandin.” Ne ke si Jesus te, “Iyan haazà ul-ulaha nu is iring dutun.”

Genat kew en, iyan, andam kew su edsug̵uen ku sikiyu ziyà te menge etew he kumekaid. Iring kew te menge nati he kerehidu ne sikandan ne iring te menge erimaung.