Ayat Alkitab yang Popular daripada Nengeulaula 17

Kongsi

Umba mibeelan din heini su wey tew sikandin mepen-ahà ne wey tew meturedu sikandin. Ne is Megbevayà, kenà daan meziyù te kada sevaha kenitew

Ne te sebsevaha zà he kepuun mibeelan din is langun he kelasi te etew ne in-eneb din sikandan kayi te tivuuk he kelibutan. Ne midtukud din he zaan is egketemanan te ed-ubpaan tew te menusiyà wey is timpu te ked-ubpè tew kayi.

Su heini he Megbevayà, iyan nenlimbag te kelibutan wey te minsan hengkey he tag̵ù din. Nengazen sikandin te langit wey tanà, ne kenà diyè dà ed-ubpà te menge simbahan he mibeelan te etew

Midtendek din en is andew keuzemà he zutun ed-imbistigahan din is tivuuk he menusiyà, ne metazeng daan is ked-imbistiga zin pinaag̵i te etew he mibpilì din. Impeehè din he tutuu heini is ebeelan din su haazà is etew, minatey ne mibanhew te Megbevayà!”

Ne g̵eina te menge anak kiw zin, iring kiw kandin. Ne tenged dutun kenè tew ed-isipen he is Megbevayà, sevaha he ledawan he vulawan wey selapì wey vatu he mideyzeyanan te etew he metau.