Ayat Alkitab yang Popular daripada Genesis 21

Kongsi

Ngayon, biniyayaan ng PANGINOON si Sara at tinupad ang kanyang sinabi gaya ng kanyang ipinangako.

Ngayon, narinig ng Diyos ang iyak ng bata. Kaya sinabi ng anghel ng Diyos kay Hagar mula roon sa langit, “Ano ang gumugulo sa iyo Hagar? Huwag kang matakot; narinig ng Diyos ang iyak ng anak mo. Tumayo ka at ibangon mo ang bata, dahil gagawin kong malaking bansa ang kanyang mga lahi.”

Nagbuntis si Sara at nanganak ng lalaki kahit matanda na si Abraham. Isinilang ang sanggol sa panahon na sinabi noon ng Diyos.

Sinabi ni Sara, “Pinatawa ako ng Diyos, at kahit sinong makarinig ng tungkol sa nangyari sa akin ay matatawa rin.

Ngunit sinabi ng Diyos sa kanya, “Hindi mo dapat ikalungkot ang tungkol kay Ismael at kay Hagar na alipin mo. Sundin mo ang sinabi ni Sara dahil si Isaac na iyong anak ang pagmumulan ng ibibilang na lahi mo.

At tungkol naman kay Ismael na anak ni Hagar na iyong alipin, bibigyan ko rin siya ng maraming lahi at magiging isang bansa rin sila, dahil anak mo rin siya.”