Ayat Alkitab yang Popular daripada Maatiyu 24

Kongsi

Halleende ɓeydoto haa yidde ɗuɗɓe ustoo. Ammaa munyuɗo haa re'irde o hisay.

Nden ɗum wa'ajinay Habaru Belɗum dow Laamu Allah koo toye nder duuniyaaru, ngam ɗum warta ceyda to leƴƴi fuu, nden re'uki duuniyaaru kin wara.

On nanay habaru konuuji gaɗeteeɗi haade mooɗon, e habaru konuuji gaɗeteeɗi ɓadaaki. To' on kulu, ngam doole ɗu'um waɗa, ammaa re'uki duuniyaaru e horii taw.

Lenyol ummanto lenyol, laamu ummanto laamu. Ɗum waɗay weelo kallungo e dimbol leydi to bigeeje feere‑feere. Ammaa ɗu'um fuu ɗum fuɗɗoode torraaji garayɗi.

Dow e ley ƴaɓɓoto, ammaa boliiɗe am ƴaɓɓataako haa abadaa.

Yimɓe ɗuɗɓe ngaroyay ɓe mbi'a kamɓe ngoni min, ɓe mbi'a, ‘Min woni Almasiihu,’ ɓe majjina yimɓe ɗuɗɓe.

“Nden ɓe ngaɗay'on nder juuɗe yimɓe torrayɓe'on, ɗum wara'on. Fuu lenyi duuniyaaru nganyay'on ngam on tokkuɓeyam. E carel ngel yimɓe ɗuɗɓe alay hoolaakiyam, e ɓe ngullootira, e ɓe nganyindira. Annabo'en fewre ɗuɗɓe ummoyto, ɓe majjina yimɓe ɗuɗɓe.

Sey Yeesu wi'iɓe, “Paamee to' goɗɗo majjina'on.

Ngam non, onon maa doole njooɗooɗon on ciryii ngam e carel ngel on andaa Ɓii Neɗɗo warata.

Njooɗee on ciryii, ngam on andaa carel ko Joomiraawo mooɗon warata.

“Walaa anduɗo nden ɗon nyalnde koo ngel ɗon carel ngel fii ɗum ɗon waɗata. Koo malaa'ika'en wonɓe dow andaa, koo Ɓiɗɗo on maa andaa, sey Nyaako Mo Dow tan andi.

Ngam Almasiihu'en fewre e annabo'en fewre mburtoyto, ɓe ngaɗa alaamaaji mawɗi e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Non no ɗum waɗi e jaamanu Annabi Nuhu, non maa wartoyki Ɓii Neɗɗo wa'ata. Nder balɗe ko ndiyam tufaana waɗa, yimɓe e nyaama, e njara, e te'a, e te'ee, haa carel ko Annabi Nuhu natti komiwal. Ɓe paamaayi haa ndiyam tufaana wari halkiɓe ɓe fuu. Non maa wartoyki Ɓii Neɗɗo wa'ata.