Ayat Alkitab yang Popular daripada SAN MATEO 9

Kongsi

To bairo na bopacoo tʉjʉ, cʉ̃ buerãre oco bairo na ca-ĩiwĩ: —Camaja capaarã majuu cá-átinemoparã ãma Diore ca-apiʉjaparã. Nare cá-átinemoparã, nare ca-buioparã maca jicãarãacã ãma. To bairi Diore cʉ̃ jeniya, aperã nare cá-átinemoparã nare ca-buioparã na ca-aninemoparore bairo ĩirã. To bairona trigo weje ca-ape jũari paʉ nemoona tiere ca-jeeparã capaarã majuu paari majare boo, pairi weje ca-ano, wẽe yajire ĩirã. To bairi weje ʉpaʉre capaarã ca-jeenemoparãre ca-jenipe aniboro. To bairona ca-jenipe ãa Diore. Cʉ̃ jeniya camajare ca-buioparã, nare cá-átinemoparã na aninemoato ĩirã.

Dio Wadariquepʉ oco bairo tirʉmʉpʉ macana na ca-ĩi ucarica wamere tʉgooña majirã aánaja: “Aperãre bopaco tʉjʉrique macare yʉ boo. Waibʉcʉrãre joe buje mʉgo jooriquere yʉ booquẽe,” ca-ĩi ucayupa tirʉmʉpʉ macana. To bairi, “Ca-ñuurã jã ãa,” jocarãna ca-ĩi tʉgooñarãre na pii acʉ́ mee yʉ ca-baiwʉ. “Caroorije cá-ána jã ãa,” ca-ĩirã macare na pii acʉ́ yʉ ca-baiwʉ ati yepapʉre, na tʉgooñarique na wajoaato ĩi, na ca-ĩiñupʉ Jesú.

To bairi camajare capaarã majuu na tʉjʉ, na ca-bopaco tʉjʉwĩ, ca-tʉgooñarique pairã, dope bairo cá-áti majiquẽna na ca-ano maca. Oveja nuuricarã nare ca-cotei manare bairo na ca-bairo na ca-bopaco tʉjʉwĩ.

To bairo jãare na ca-ĩi jeniñarijere ca-apiwĩ Jesú. To bairo na ca-ĩiro apiri oco bairo na ca-ĩiwĩ: —Cariaquẽnare na ʉcoyequẽcʉmi ʉcoyeri majocʉ. Ca-riarã jetore na ʉcoyeimi.

Caroa quetire, Ʉpaʉ Dio cʉ̃ ca-aniere ca-buio teñawĩ Jesú yua. Macaa ca-ano cõo, ape macariacã camaja na ca-anopʉ neñapo buerica wiiripʉ ca-buio teñawĩ. To canacã wame ca-riaye cʉnare, ca-wijiorãre na ca-catío teñawĩ Jesú.