Ayat Alkitab yang Popular daripada Kufita 2

Kongsi

Nɔ Ilaaɔ̃ wa gbɔ weewea nŋa nɔ wa ye gigii akabuuɛ iyi í dĩ do Aburahamu, do Izaaki, do Zakɔbu. Ilaaɔ̃ í cɔ inɛi Izirɛli ŋa nɔ í ce araare nŋa.

Ajɔ wa koo ajɔ wa baa nɔ ilaalui Ezibitiu í na í ku. Waati bɛɛbɛ inɛi Izirɛli ŋa à wasi ku weewea à waa dɔ̃ anu na aru ku jɛ nŋa. Anu ku dɔ̃ nŋau wa bɔ hee lelei Aɔ̃.

Waati iyi amau í la, í soo í koo í na ama inaaboi Faraɔ̃, nɔ í baa í jɛ bɛi amaɛ. Nɔ í sɔɔ Moizi, domi í ni, hai inɔ inyii ǹ baa wa.

Ama inaaboi Faraɔ̃u í sɔ̃ iyeu í ni, so amau ihɛ̃ i nɛò i koo i maa naam amɔ nɔ n maa n sãɛ. Nɔ abou í gba amau wa naa amɔ.

Iyi í kpɛ keeke ŋɔi ama inaaboi Faraɔ̃ í bɔ ku wɛ ido bɛ. Nɔ mudɛ̃ɛ woo ce icɛɛ ŋa, à waa nɛ si itĩi idou, nɔ ama inaaboi Faraɔ̃u í yɛ kɔlɔu si aninii njee ŋa. Ŋɔi í bɛ inɛ akã nŋa í ni koo soo wa.

Waati iyi Moizi í na í la, ajɔ nŋu gɔ í bɔ inɛi Ebɛɛ ŋa iyi à jɛ dimiɛ ku cɔ. Nɔ í yɛ icɛ kugaabu ŋa iyi à dasi ŋa. Nɔ gbakã í yɛ inɛi Ezibiti gɔ wa cã inɛi Ebɛɛ gɔ. Ŋɔi í cɔ cingaa ihɛ̃ do cingaa ihɔ̃, kù yɛ inɛ kãma. Nɔ í cã inɛi Ezibitiu í kpaa í singaɛ si sãa.