Pele-Ata

<div class="version vid969 iso6393ata" data-vid="969" data-iso6393="ata">
 <div class="book bkJHN">
 <div class="chapter ch13" data-usfm="JHN.13">
 <div class="label">13</div><div class="s">Iesu Mu'uinu ta Molomolou Tava'a</div><div class="p"> 1Ioxe, voxo tila noxi'a ta Iutaia isosovosou voxo sou Lataua Iou Muvaxai'a uxali uao, la Iesu mulavusou lexe anu voxo noxou a mune'e 'alai. Voxo sou u'umesou lia no lia 'o, ia ulivu ulai noxou Momu. Anu mumasaxai'a ane'i ta na'u no lia 'o, la sou Anu mulosieixu alauna noxou mukalusi mulai noxi'a. 2#Luk 22:3; Ioa 13:27No mine ane'i mipita sou i'ani, la Satani mulosou Iudasi Isikarioti, Saimoni 'olu xavutala masua sou lexe anu u'italonu no avo'a ta mitema. 3#Ioa 3:35; 16:28Iesu mulavu lexe Momu mu'italonu mimii latala mukalusi no avolu mo anu molu noxou mo ulivu ulai noxou, 4la sou Anu muavuti mutulu sou muxexeenu tokolomo noxou. Anu muxexeenu mukalu, la muno'u lavalava vile sou iiasiiasi no anu la mutupokonu no vaimolu. 5La munixiu lexa mulu'e no anu latotope vile. Munixiu mukalu, la musokou sou mu'uinu tava'a ta molomolou xe uiasoiasou no anu lavalava sou iiasiiasi e mutupokonu 'ole. 6Mu'uinu tava'a xe mune'e muxali noxou Saimoni Pita, la anu muvikalanu aloxo 'o, &#8220;Tila, lovoxaa la sou nini nauinu tava'ilo?&#8221; 7Iesu mukolinu aloxo 'o, &#8220;Mii ma'ia ane eni a'oxo'oxonu 'o nini nalavusou uasi. Ia ili'i la sou nini nalavusou.&#8221; 8Ia Pita muvikalanu la aloxo 'o, &#8220;Mamu, nauinu tava'ilo uasi.&#8221; Anu muvikalanu la aloxo 'o, &#8220;Ia lexe eni auinu tava'ine uasi, la umomomo sou nenge nengei taxaxai tapita uasi.&#8221; 9Saimoni Pita muvikalanu aloxo 'o, &#8220;Tila, aloxo ne la nauinu tava'ilosi uasi. Nauinu avolo ilou kisilo kalumo.&#8221; 10#Ioa 6:64, 70-71; 15:3Iesu muvikalanu la aloxo 'o, &#8220;Itema ane mu'ulo mukalu la umomomo sou u'ulo la uasi. Anu uuinu tava'usi. Xo vasimolu ne malemalenga. Ia ngingi malemalenga'inge mukalu, ia ngingi latala ne uasi.&#8221; 11Xo Iesu mulavusou lexe vile no taiine'i ne, u'italonu no avo'a ta mitema, la sou Anu muvikalane'i lexe ane'i latala ne malemalenga ukalusi uasi.</div><div class="p"> 12Anu mu'uinu tava'a mukalu la mutaa tokolomou, la sou mulivu mulai muxolu no tanixu. Anu muavuti la mutali'isi'a aloxo 'o, &#8220;Ngingi ngelavusou mii ma'ia ane eni e'oxonu noxinge 'o? 13Ngingi ngamoxo'ilo lexe itema sou ulosinge lavulavu mo tilasinge. Anu laixe sou lexe ngingi ngamoxo'ilo aloxo ne. Xo eni amitema aloxo ne. 14#Mat 20:28; Luk 22:27Aloxo eni tilasinge mo itema sou ulosinge lavulavu e'uinu tava'inge la ngingi nga'uinu ta menexinge tava'a ngatongato'o kalumo. 15#Pil 2:5; Kol 3:13; 1Pi 2:21Eni e'oxou aloxo ne sou ngingi ngamaisou la ngamulinu aloxo 'o eni e'oxo noxinge. 16#Mat 10:24Eni avikalangengi manina musuku. Itema sou xaixai vile ne, anu utila noxou tilasou uasi. Mo itema sou upalupalusou ne, utila noxou anu ane mupalusou ne uasi. 17Ngingi ngelavusou mimii e eni elosiengixu mukalu. Ia lexe ngingi nga'oxonu la Lataua ualusinge. 18#Lex 41:9Eni avivikalasinge ngingi latala uasi. Ia eni elavusi'a ta mitema ane eni esosovosi'a. Ia kaukavu vile muai no nano no Lavuku Tavuna teinu muxali manina. Mikaukavunu aloxo 'o, &#8216;Itema ane nexi noxou tava'isuxu la'ilali 'o ne, anu sou utaxapalisilo.&#8217; 19#Ioa 14:29; 16:4Mii ane uxali noxilo uao, la eni avikalangengixu tei. Mo sou mii ane ne uxali, la ngingi ngamulaxu tangengi lexe itema ane ne enisi. 20#Mat 10:40Eni avikalangengi manina musuku. 'Ena'ei ane u'osa sou uno'u itema ane eni epalusou, la anu u'osa sou uno'ilo kalumo.&#8221; La 'ena'ei ane u'osasilo mo uno'ilo, la anu u'osasou 'ei ane mupalusilo ene'e.</div><div class="s">Iudasi Anu sou U'italonu Iesu no Avo'a ta Mitema sou 'Oto'oto</div><div class="r">(Mat 26:20-25; Mak 14:17-21; Luk 22:21-23)</div><div class="p"> 21Iesu muvikalane'i aloxo ne mukalu, la tanu lili manina la sou muvikalane'i lamana aloxo 'o, &#8220;Eni avikalangengi manina musuku. Vile no taiingengi ne, anu asou u'italoleli no avo'a ta mitema.&#8221; 22Ta molomolou milomusou aloxo ne, la ane'i mimatakisi'a ngato'o. La tane'i lili lexe 'ena'ei no taiine'i ne manina. 23Molomolou vile ane anu mumasaxau musuku a uxoxolu 'alai no pa'umolu. 24Saimoni Pita muavuti la iou mukeau la mumunu mulai noxou aloxo 'o, &#8220;Natali'isou lexe anu mulemulu 'ena'ei manina?&#8221; 25Molomolo ane Iesu mumasaxau musuku ne, mutao mulai ili'i no tumalou Iesu la mumunu aloxo 'o, &#8220;Tila, 'ena'ei manina ne?&#8221; 26Anu mukoline'i aloxo 'o, &#8220;Anu moosou ane eni atoonu veleti u'una no latotope ia alosou, la anu ane.&#8221; Anu muvikala aloxo ne mukalu, la muno'u veleti matovinu vile la mutoonu mu'una no latotope. Mutoonu mukalu la mulosou Iudasi Isikarioti, anu Saimoni 'olu. 27#Ioa 13:2Alaxu vilesisi Iudasi muno'u veleti mukalu, la Satani mu'una noxou. Iesu mulavu aloxo ne, la muvikalanu aloxo 'o, &#8220;Mii ma'ia ane nini nemasaxa lexe na'oxonu, la napasipaa na'oxonu.&#8221; 28Ta molomolou ane ilo'a mi'ani'ani no luu ne, ilavusou lexe tava'u loxovaa la sou Iesu muvikalanu aloxo ne uasi. 29Xo anu usaxila'u lamoli'a la sou se'i noxi'a mikalavoi lexe Iesu mupalusou sou ulai ulotoxa'a la'ilali sou voxo tila ne. Xe se'i mikalavoi lexe anu ulai sou uloto mimii sou uitixa'a ane'i ane xa'a mimii uasi. 30Iudasi muno'u veleti mukalu, la alaxu vilesisi la mulai no ale. Anu mulutu mulai no ale la tani isivoxo.</div><div class="s">Iesu Mulosi'a ta Molomolou Lapuloto Alavua</div><div class="p"> 31 # Ioa 12:23 Anu mulai no ale mukalu la Iesu muvikalane'i aloxo 'o, &#8220;Vaimomo 'o, ta mitema i'itinu Itema 'Olu ualasou la sou ta mitema i'itinu Lataua ualasou no anu mii ma'ia Itema 'Olu mu'oxonu. 32#Ioa 17:5Lexe ta mitema i'itinu Lataua ualasou noxou Itema 'Olu ne, la Lataua kalumo Anu molu u'itinu Itema 'Olu ualasou. Anu u'itinu ualasou alaxu vilesisi. 33#Ioa 7:33-34Ta molomoloxeni. Nenge nenge'a taxolu maxuveeni uasi. La ngingi ngakamulileli. Ia ngaxalisilo uasi. Xo eni evikalane'i ta tatila noxi'a ta Iutaia ia avikalangengixu la aloxo 'o, &#8216;No tuala e eni alai no anu ne, umomomo sou ngingi ngalai no anu uasi.&#8217; 34#Ioa 15:12, 17; 1Ioa 3:23; 2Ioa 1:5Ia eni alosinge lapuloto alavua aloxo 'o. Ngingi ngamasaxainge ngato'o. Aloxo eni emasaxainge 'o, la sou ngingi kalumo ngamasaxai'a ta menexinge. 35Ngingi ngamasaxai'a ta menexinge, la sou ta mitema imaisinge la ilavusou lexe ngingi ta molomolo noxilo.&#8221;</div><div class="p"> 36Ioxe Saimoni Pita muavuti la mutali'isou aloxo 'o, &#8220;Tila, nini nalai ne'ei?&#8221; Anu mukolinu aloxo 'o, &#8220;Tuala e eni alai no anu ne, umomomo sou nini namulileli no 'a vaimomo uasi. Io ili'i la sou nini namulileli.&#8221; 37Pita mutali'isou la, &#8220;Tila, lovoxaa la sou eni amulineni vaimomo la ua? Eni emasaxa lexe eni asolisine.&#8221; 38Iesu muvikalanu la aloxo 'o, &#8220;Nini nevikala lexe nini nasolisilo ne manina? Eni avikalaneni manina musuku. Koko'a u'ava uao la nini nasingisilo alaxu tatalu.&#8221;</div>
 </div>
 </div>
</div>

Ioxe, voxo tila noxi'a ta Iutaia isosovosou voxo sou Lataua Iou Muvaxai'a uxali uao, la Iesu mulavusou lexe anu voxo noxou a mune'e 'alai. Voxo sou u'umesou lia no lia 'o, ia ulivu ulai noxou Momu. Anu mumasaxai'a ane'i ta na'u no lia 'o, la sou Anu mulosieixu alauna noxou mukalusi mulai noxi'a. No mine ane'i mipita sou i'ani, la Satani mulosou Iudasi Isikarioti, Saimoni 'olu xavutala masua sou lexe anu u'italonu no avo'a ta mitema. Iesu mulavu lexe Momu mu'italonu mimii latala mukalusi no avolu mo anu molu noxou mo ulivu ulai noxou, la sou Anu muavuti mutulu sou muxexeenu tokolomo noxou. Anu muxexeenu mukalu, la muno'u lavalava vile sou iiasiiasi no anu la mutupokonu no vaimolu. La munixiu lexa mulu'e no anu latotope vile. Munixiu mukalu, la musokou sou mu'uinu tava'a ta molomolou xe uiasoiasou no anu lavalava sou iiasiiasi e mutupokonu 'ole. Mu'uinu tava'a xe mune'e muxali noxou Saimoni Pita, la anu muvikalanu aloxo 'o, “Tila, lovoxaa la sou nini nauinu tava'ilo?” Iesu mukolinu aloxo 'o, “Mii ma'ia ane eni a'oxo'oxonu 'o nini nalavusou uasi. Ia ili'i la sou nini nalavusou.” Ia Pita muvikalanu la aloxo 'o, “Mamu, nauinu tava'ilo uasi.” Anu muvikalanu la aloxo 'o, “Ia lexe eni auinu tava'ine uasi, la umomomo sou nenge nengei taxaxai tapita uasi.” Saimoni Pita muvikalanu aloxo 'o, “Tila, aloxo ne la nauinu tava'ilosi uasi. Nauinu avolo ilou kisilo kalumo.” Iesu muvikalanu la aloxo 'o, “Itema ane mu'ulo mukalu la umomomo sou u'ulo la uasi. Anu uuinu tava'usi. Xo vasimolu ne malemalenga. Ia ngingi malemalenga'inge mukalu, ia ngingi latala ne uasi.” Xo Iesu mulavusou lexe vile no taiine'i ne, u'italonu no avo'a ta mitema, la sou Anu muvikalane'i lexe ane'i latala ne malemalenga ukalusi uasi.
Anu mu'uinu tava'a mukalu la mutaa tokolomou, la sou mulivu mulai muxolu no tanixu. Anu muavuti la mutali'isi'a aloxo 'o, “Ngingi ngelavusou mii ma'ia ane eni e'oxonu noxinge 'o? Ngingi ngamoxo'ilo lexe itema sou ulosinge lavulavu mo tilasinge. Anu laixe sou lexe ngingi ngamoxo'ilo aloxo ne. Xo eni amitema aloxo ne. Aloxo eni tilasinge mo itema sou ulosinge lavulavu e'uinu tava'inge la ngingi nga'uinu ta menexinge tava'a ngatongato'o kalumo. Eni e'oxou aloxo ne sou ngingi ngamaisou la ngamulinu aloxo 'o eni e'oxo noxinge. Eni avikalangengi manina musuku. Itema sou xaixai vile ne, anu utila noxou tilasou uasi. Mo itema sou upalupalusou ne, utila noxou anu ane mupalusou ne uasi. Ngingi ngelavusou mimii e eni elosiengixu mukalu. Ia lexe ngingi nga'oxonu la Lataua ualusinge. Eni avivikalasinge ngingi latala uasi. Ia eni elavusi'a ta mitema ane eni esosovosi'a. Ia kaukavu vile muai no nano no Lavuku Tavuna teinu muxali manina. Mikaukavunu aloxo 'o, ‘Itema ane nexi noxou tava'isuxu la'ilali 'o ne, anu sou utaxapalisilo.’ Mii ane uxali noxilo uao, la eni avikalangengixu tei. Mo sou mii ane ne uxali, la ngingi ngamulaxu tangengi lexe itema ane ne enisi. Eni avikalangengi manina musuku. 'Ena'ei ane u'osa sou uno'u itema ane eni epalusou, la anu u'osa sou uno'ilo kalumo.” La 'ena'ei ane u'osasilo mo uno'ilo, la anu u'osasou 'ei ane mupalusilo ene'e.


Iesu muvikalane'i aloxo ne mukalu, la tanu lili manina la sou muvikalane'i lamana aloxo 'o, “Eni avikalangengi manina musuku. Vile no taiingengi ne, anu asou u'italoleli no avo'a ta mitema.” Ta molomolou milomusou aloxo ne, la ane'i mimatakisi'a ngato'o. La tane'i lili lexe 'ena'ei no taiine'i ne manina. Molomolou vile ane anu mumasaxau musuku a uxoxolu 'alai no pa'umolu. Saimoni Pita muavuti la iou mukeau la mumunu mulai noxou aloxo 'o, “Natali'isou lexe anu mulemulu 'ena'ei manina?” Molomolo ane Iesu mumasaxau musuku ne, mutao mulai ili'i no tumalou Iesu la mumunu aloxo 'o, “Tila, 'ena'ei manina ne?” Anu mukoline'i aloxo 'o, “Anu moosou ane eni atoonu veleti u'una no latotope ia alosou, la anu ane.” Anu muvikala aloxo ne mukalu, la muno'u veleti matovinu vile la mutoonu mu'una no latotope. Mutoonu mukalu la mulosou Iudasi Isikarioti, anu Saimoni 'olu. Alaxu vilesisi Iudasi muno'u veleti mukalu, la Satani mu'una noxou. Iesu mulavu aloxo ne, la muvikalanu aloxo 'o, “Mii ma'ia ane nini nemasaxa lexe na'oxonu, la napasipaa na'oxonu.” Ta molomolou ane ilo'a mi'ani'ani no luu ne, ilavusou lexe tava'u loxovaa la sou Iesu muvikalanu aloxo ne uasi. Xo anu usaxila'u lamoli'a la sou se'i noxi'a mikalavoi lexe Iesu mupalusou sou ulai ulotoxa'a la'ilali sou voxo tila ne. Xe se'i mikalavoi lexe anu ulai sou uloto mimii sou uitixa'a ane'i ane xa'a mimii uasi. Iudasi muno'u veleti mukalu, la alaxu vilesisi la mulai no ale. Anu mulutu mulai no ale la tani isivoxo.

Anu mulai no ale mukalu la Iesu muvikalane'i aloxo 'o, “Vaimomo 'o, ta mitema i'itinu Itema 'Olu ualasou la sou ta mitema i'itinu Lataua ualasou no anu mii ma'ia Itema 'Olu mu'oxonu. Lexe ta mitema i'itinu Lataua ualasou noxou Itema 'Olu ne, la Lataua kalumo Anu molu u'itinu Itema 'Olu ualasou. Anu u'itinu ualasou alaxu vilesisi. Ta molomoloxeni. Nenge nenge'a taxolu maxuveeni uasi. La ngingi ngakamulileli. Ia ngaxalisilo uasi. Xo eni evikalane'i ta tatila noxi'a ta Iutaia ia avikalangengixu la aloxo 'o, ‘No tuala e eni alai no anu ne, umomomo sou ngingi ngalai no anu uasi.’ Ia eni alosinge lapuloto alavua aloxo 'o. Ngingi ngamasaxainge ngato'o. Aloxo eni emasaxainge 'o, la sou ngingi kalumo ngamasaxai'a ta menexinge. Ngingi ngamasaxai'a ta menexinge, la sou ta mitema imaisinge la ilavusou lexe ngingi ta molomolo noxilo.”
Ioxe Saimoni Pita muavuti la mutali'isou aloxo 'o, “Tila, nini nalai ne'ei?” Anu mukolinu aloxo 'o, “Tuala e eni alai no anu ne, umomomo sou nini namulileli no 'a vaimomo uasi. Io ili'i la sou nini namulileli.” Pita mutali'isou la, “Tila, lovoxaa la sou eni amulineni vaimomo la ua? Eni emasaxa lexe eni asolisine.” Iesu muvikalanu la aloxo 'o, “Nini nevikala lexe nini nasolisilo ne manina? Eni avikalaneni manina musuku. Koko'a u'ava uao la nini nasingisilo alaxu tatalu.”

Dengar Ioanesi 13