Ngochang - 2004 UBS (NT) Non Drama

<div class="version vid373 iso6393acn" data-vid="373" data-iso6393="acn">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Dwis Toq Cho</div><div class="r">(Mat 28.1-10; Mak 16.1-8; Yoh 20.1-10)</div><div class="p"> 1Dvdaus dah cangxeih vnyeih, nvpsangh noq yah hau vmesbih jens gas, gohtoeu vmesbih jens yah dvgeh nyamoq sont toh dah xangh coeu chi lha lop pheh tsain e loh. 2Jweh lyis lop mas dah lukzains toeu phanh toh zis nyvng las, 3lop mas wvng loh lyis eq Yhensain Yesu dah mvng lyis ma tsain nyvng. 4Housoeh svsoh tsain mauh nyeis lyis, yoeuh aq, bvng dah dyi wuot dah dius aiq yuk, nyamoq vyvm mas yap joq. 5Hauh vmesbih jens gyuk yos zoh lyis yah nyeisjvng mas tsain gop joq lyis, hauh aiq yuk nyamoq lyis taiq zis gas, Dwis nyeis soeu lhyi shei bang mas chamus xo nyeis goh lah? Nyang heimha ma nyeis lo, dwis toq loh goeus. 6Galile mas nyeis shih yoq lyis nyang namoq lyis khasoeh taiq toh zis lyis soh geh.#Mat 16.21, 17.22-23, 20.18-19; Mak 8.31, 9.31, 10.33-34; Luk 9.22, 18.31-33 7Cangsoeu Lo gas yaunos dap bang dah loq mas kyauh tyamp zis xauh las, tapzains mas taplhangh tyamp zis xauh thang lhyi somh vnyeih lyis dwis toq das, ge taiq toh, ge.</div><div class="p"> 8Housoeh nyamoq gas nyang taiq dang lyis tsain soh. 9Lop masyah doms loh las hauh cho dvnganh, dvci dvyuk moq yahge gohtoeu dah bang lyis tsain taiq kyoh. 10Lvgyo jens lyis hauh loeuskyoh bang gas, Magdala Mari, Yaku ungwes Mari, Yoana yahge gohtoeu vmesbih jens tsain nghuot. 11Nyamoq taiq dang gas lvdyoq mvnyei taiq teh dvnghuot las ma tsain jingh. 12Nghuot laus eq Petru gas toq las lop pheh wuih e. Lop mas jweh las gop yoeuh lyis lyet misseh dvjoq lo zis nyvng yvmvyah mauh las nyah yhen pheh tauh loh.</div><div class="s1">Ema-u Pheh Loh Cho mha</div><div class="r">(Mak 16.12-13)</div><div class="p"> 13Hauh nyeihyo nyang, Yerusalem masyah nyhet main ko we dah Ema-u wukhau pheh dius aiq yuk loh nyeis. 14Hauh nhaiqtang eq hau bweh lai loh dah cho lhyi taiq goh loh. 15Housoeh taiq goh nyeis lyis Yesu nyang nvmtanh jweh thuq los las, nyamoq dvgeh loh. 16Nghuot laus eq nyah aiq yuk gas Yesu nghuot zis ma seq das xiklyis nyoq hwah nhang. 17Nyang nyah aiq yuk lyis taiq zis gas, Nah aiq yuk gyung suh uhjyangh chah bvhwa lhah goh las nhaiqngis goh lah, ge. 18Khleopa ge soeu nyang lyis phuk taiq zis gas, Nvng gas Yerusalem mas dah boenghwus nghuot las, khvlyens bweh dah cho lhyi nvng kyingh ma seq dvmus lhyeh, ge.</div><div class="p"> 19Nyang nyei zis gas, chah cho gah, ge.</div><div class="p">Nyah aiq yuk taiq zis gas, Nazaret wukhau mha dah Yesu cho nghuot. Nyang gas lvpe nghuot las, Mangso yahge dius xikkhonh mas kuot dah muh yahge taiq dang mas yomsoq bos soeu nghuot. 20Hauh soeu lhyi phudyei uhjyung jens yahge ngamoq dah guon bang yah sat das xiklyis kyauh tyamp las, tapzains mas tsain taplhangh tyamp. 21Nyang gas Israel dius nyau lyis khyuot yoeus das soeu nghuot, oen ngamoq nghamhloms. Hauh thoq lyis haih cho bweh zis gvshih somh nyeih bos goeus. 22Ngamoq mas dah vmesbih dvyhamh nvpsangh yah e lha, 23Nyah mvng ma nyvng las tauh los lyis, Nyang gas dwis nyeis, ge loeuswons bang yah nyvng xoeuq dah cho los tsain taiq kyoh las nyamoq mauh nyeis. 24Housoeh las ngamoq yah nyeis bang dvyhamh lop mas e yoeuh lyis eq, hauh vmesbih jens taiq teh nyvng nghuot laus eq nyamoq, nyang lyis ma nyvng, ge taiq ge, ge.</div><div class="p"> 25Nyang nyah aiq yuk lyis taiq zis gas, Lvpe jens dah dang dvnganh yvlyis yoh lomsjingh das joeui ma bos, nhaiqlom than bang eh, 26Khristu gas housoeh teh shanghsenh kham lha nyah phunk mas yoh wvng das ma nghuot lhyeh, ge lho lha, 27Moshe masyah xi lha lvpe jens dvnganh dah dang mas, nyang yah sen lha lhaih toh dang lyis nyang nyah aiq yuk lyis phui kyoh.</div><div class="p"> 28Nyah aiq yuk loh nyeis dah wukhau nvm mas jweh lyis, nyang lai loh das teh doeus las, 29nyah aiq yuk gas nyang lyis, Ngah aiq yuk yah dvgeh wukhau mha thoeng goh: buis wvng goeus, mau eq chuot goeus, ge nyang lyis khyoeuq. Housoeh las thoeng das xiklyis nyah aiq yuk yah loh. 30Womjus mas nyamoq yah dvgeh tsung toh uhlyis, ohlhyoq lyis yoeus las shvmanh thang lhyi khyiq las nyah aiq yuk lyis dyei. 31Hauh uhlyis nyah aiq yuk nyoq bangh los las, nyang Yesu nghuot zis lyis tsain seq. Housoeh las nyang gas nyah aiq yuk jyank masyah dyuk loh. 32Nyah aiq yuk dvyuk yah dvyuk taiq goh zis gas, Nyang cho mha yah aiq yuk yah dvgeh taiq goh los las, lhaihtoh dang vjyuk phant uhlyis, yah aiq yuk dah nhaiqlom nyi soeh ngeh vnghuot lah, ge.</div><div class="p"> 33Nyah aiq yuk gas hauh shishenh lyis nyang, Yerusalem wus pheh tauh loh las dvci dvyuk moq gas gohyhamh bang yah dvgeh nyeis zis lyis loh nyvng. 34Huom nyeis bang eq, Yhensain ka jyoengh dwis toq goeus, Simon dah nyoq mas eq nyvng xoeuq, ge taiq.</div><div class="p"> 35Nyah aiq yuk eq cho mha bweh zis yahge ohlhyoq khyiq yvmas, nyang nghuot cho yoh seq cho lhyi tsain taiq kyoh.</div><div class="s1">Changlo jens Yesu lyis Nyvng</div><div class="r">(Mat 28.16-20; Mak 16.14-18; Yoh 20.19-23; Lgy 1.6-8)</div><div class="p"> 36Housoeh tsain taiq goh nyeis lyis, nyamoq dah vgungs mas Yesu yap las nyamoq lyis taiq zis gas, Namoq nyenstap nyeis bas jungh, ge.</div><div class="p"> 37Nghuot laus eq changlo jens gas sidyos lyis nyvng, ge nghamh las gyuk nyeis. 38Nyang nyamoq lyis taiq zis gas, Chamus chiq nyeis goh lah? Chamus ehnyet khamkhvv goh lah? 39Ngah loq ngah khyei lhyi yoeuh geh, ngos lyis zwi yoeuh geh, ngos gas gungs gyingh nyang nghuot. Sidyos gas ngos lyis nyvng teh shohyau shohkhyiq ma bos, ge.</div><div class="p"> 40Haih zis taiq lho lha, nyang nyamoq lyis nyah loq yahge nyah khyei chixoeuq. 41Hauh bang gaus las ma yoh jingh shih, dvmauh nyeis shih lyis, nyang nyamoq lyis taiq zis gas, Namoq heimha zonoms dvja ja vyoh lah, ge. 42Nyamoq gas nyang lyis kank dah oengdoq dvchink yahge dyoyhei dvtap dyei lyis, 43Yhensain ka yoeus las nyamoq xikkhonh mas zo.</div><div class="p"> 44Nyang nyamoq lyis taiq zis gas, Moshe dah Lyi mas eq, lvpe jens dah maussauh mas yahge Chungh Dang maussauh mas ngos lyis toeuq las lhaih ya lhaih toh dang nyuk los chah ngos namoq yah dvgeh nyeis khoq yoq lyis taiq dah dang gas, haih cho nyang nghuot.</div><div class="p"> 45Housoeh las lhaihtoh dang seqgyo das xiklyis nyamoq dah seqgyo cho lhyi phank dyei. 46Nyang taiq zis gas, Lhaihtoh dang heisoeh ge: Khristu gas shanghsenh zis xauh las somh vnyeih lyis shei masyah dwis toq chah: 47Yerusalem masyah xi lha, dius nyau khanghmuh lyis yaunos yoh khyuot dyei dah nhaiqlom thaiq cho lhyi nyah nyings mas yoh taiq kyoh das. 48Namoq eq haih cho dvnganh dah kanghjyoeng tsain nghuot. 49Yoeuh aq, ngah Uwus dah dangthoengh joq zis yah dvyhangteh, ngos namoq lyis nhang kat dyei das. Housoeh las namoq gas nyhang mha dah yomsoq ma xauh yoeus dvchank, Yerusalem mas nyeis shih geh, ge.#Lgy 1.4</div><div class="s1">Yesu lyis Maukhung pheh</div><div class="r">(Mak 16.19-20; Lgy 1.9-11)</div><div class="p"> 50Hauh thang lhyi nyamoq lyis Bethani jweh shoq shwih loh las, nyah loq toeu lha nyamoq lyis shvmanh dyei.#Lgy 1.9-11 51Housoeh shvmanh dyei nyeis uhlyis, nyang gas changlo jens yah gang las maukhung mha toqh yoeus zis xauh goeus. 52Housoeh las nyamoq gas nyang lyis paiq las svsoh gausyis zis yah Yerusalem wus pheh tsain tauh loh. 53Housoeh Mangso lhyi chunghtoq las chungh zis yah Yhenmuh mas tsain nyeis nyeis. Amen.</div>
 </div>
 </div>
</div>

Ngochang Common Language Bible © Bible Society of Myanmar, 2010.

Dvdaus dah cangxeih vnyeih, nvpsangh noq yah hau vmesbih jens gas, gohtoeu vmesbih jens yah dvgeh nyamoq sont toh dah xangh coeu chi lha lop pheh tsain e loh. Jweh lyis lop mas dah lukzains toeu phanh toh zis nyvng las, lop mas wvng loh lyis eq Yhensain Yesu dah mvng lyis ma tsain nyvng. Housoeh svsoh tsain mauh nyeis lyis, yoeuh aq, bvng dah dyi wuot dah dius aiq yuk, nyamoq vyvm mas yap joq. Hauh vmesbih jens gyuk yos zoh lyis yah nyeisjvng mas tsain gop joq lyis, hauh aiq yuk nyamoq lyis taiq zis gas, Dwis nyeis soeu lhyi shei bang mas chamus xo nyeis goh lah? Nyang heimha ma nyeis lo, dwis toq loh goeus. Galile mas nyeis shih yoq lyis nyang namoq lyis khasoeh taiq toh zis lyis soh geh. Cangsoeu Lo gas yaunos dap bang dah loq mas kyauh tyamp zis xauh las, tapzains mas taplhangh tyamp zis xauh thang lhyi somh vnyeih lyis dwis toq das, ge taiq toh, ge.
Housoeh nyamoq gas nyang taiq dang lyis tsain soh. Lop masyah doms loh las hauh cho dvnganh, dvci dvyuk moq yahge gohtoeu dah bang lyis tsain taiq kyoh. Lvgyo jens lyis hauh loeuskyoh bang gas, Magdala Mari, Yaku ungwes Mari, Yoana yahge gohtoeu vmesbih jens tsain nghuot. Nyamoq taiq dang gas lvdyoq mvnyei taiq teh dvnghuot las ma tsain jingh. Nghuot laus eq Petru gas toq las lop pheh wuih e. Lop mas jweh las gop yoeuh lyis lyet misseh dvjoq lo zis nyvng yvmvyah mauh las nyah yhen pheh tauh loh.


Hauh nyeihyo nyang, Yerusalem masyah nyhet main ko we dah Ema-u wukhau pheh dius aiq yuk loh nyeis. Hauh nhaiqtang eq hau bweh lai loh dah cho lhyi taiq goh loh. Housoeh taiq goh nyeis lyis Yesu nyang nvmtanh jweh thuq los las, nyamoq dvgeh loh. Nghuot laus eq nyah aiq yuk gas Yesu nghuot zis ma seq das xiklyis nyoq hwah nhang. Nyang nyah aiq yuk lyis taiq zis gas, Nah aiq yuk gyung suh uhjyangh chah bvhwa lhah goh las nhaiqngis goh lah, ge. Khleopa ge soeu nyang lyis phuk taiq zis gas, Nvng gas Yerusalem mas dah boenghwus nghuot las, khvlyens bweh dah cho lhyi nvng kyingh ma seq dvmus lhyeh, ge.
Nyang nyei zis gas, chah cho gah, ge.
Nyah aiq yuk taiq zis gas, Nazaret wukhau mha dah Yesu cho nghuot. Nyang gas lvpe nghuot las, Mangso yahge dius xikkhonh mas kuot dah muh yahge taiq dang mas yomsoq bos soeu nghuot. Hauh soeu lhyi phudyei uhjyung jens yahge ngamoq dah guon bang yah sat das xiklyis kyauh tyamp las, tapzains mas tsain taplhangh tyamp. Nyang gas Israel dius nyau lyis khyuot yoeus das soeu nghuot, oen ngamoq nghamhloms. Hauh thoq lyis haih cho bweh zis gvshih somh nyeih bos goeus. Ngamoq mas dah vmesbih dvyhamh nvpsangh yah e lha, Nyah mvng ma nyvng las tauh los lyis, Nyang gas dwis nyeis, ge loeuswons bang yah nyvng xoeuq dah cho los tsain taiq kyoh las nyamoq mauh nyeis. Housoeh las ngamoq yah nyeis bang dvyhamh lop mas e yoeuh lyis eq, hauh vmesbih jens taiq teh nyvng nghuot laus eq nyamoq, nyang lyis ma nyvng, ge taiq ge, ge.
Nyang nyah aiq yuk lyis taiq zis gas, Lvpe jens dah dang dvnganh yvlyis yoh lomsjingh das joeui ma bos, nhaiqlom than bang eh, Khristu gas housoeh teh shanghsenh kham lha nyah phunk mas yoh wvng das ma nghuot lhyeh, ge lho lha, Moshe masyah xi lha lvpe jens dvnganh dah dang mas, nyang yah sen lha lhaih toh dang lyis nyang nyah aiq yuk lyis phui kyoh.
Nyah aiq yuk loh nyeis dah wukhau nvm mas jweh lyis, nyang lai loh das teh doeus las, nyah aiq yuk gas nyang lyis, Ngah aiq yuk yah dvgeh wukhau mha thoeng goh: buis wvng goeus, mau eq chuot goeus, ge nyang lyis khyoeuq. Housoeh las thoeng das xiklyis nyah aiq yuk yah loh. Womjus mas nyamoq yah dvgeh tsung toh uhlyis, ohlhyoq lyis yoeus las shvmanh thang lhyi khyiq las nyah aiq yuk lyis dyei. Hauh uhlyis nyah aiq yuk nyoq bangh los las, nyang Yesu nghuot zis lyis tsain seq. Housoeh las nyang gas nyah aiq yuk jyank masyah dyuk loh. Nyah aiq yuk dvyuk yah dvyuk taiq goh zis gas, Nyang cho mha yah aiq yuk yah dvgeh taiq goh los las, lhaihtoh dang vjyuk phant uhlyis, yah aiq yuk dah nhaiqlom nyi soeh ngeh vnghuot lah, ge.
Nyah aiq yuk gas hauh shishenh lyis nyang, Yerusalem wus pheh tauh loh las dvci dvyuk moq gas gohyhamh bang yah dvgeh nyeis zis lyis loh nyvng. Huom nyeis bang eq, Yhensain ka jyoengh dwis toq goeus, Simon dah nyoq mas eq nyvng xoeuq, ge taiq.
Nyah aiq yuk eq cho mha bweh zis yahge ohlhyoq khyiq yvmas, nyang nghuot cho yoh seq cho lhyi tsain taiq kyoh.


Housoeh tsain taiq goh nyeis lyis, nyamoq dah vgungs mas Yesu yap las nyamoq lyis taiq zis gas, Namoq nyenstap nyeis bas jungh, ge.
Nghuot laus eq changlo jens gas sidyos lyis nyvng, ge nghamh las gyuk nyeis. Nyang nyamoq lyis taiq zis gas, Chamus chiq nyeis goh lah? Chamus ehnyet khamkhvv goh lah? Ngah loq ngah khyei lhyi yoeuh geh, ngos lyis zwi yoeuh geh, ngos gas gungs gyingh nyang nghuot. Sidyos gas ngos lyis nyvng teh shohyau shohkhyiq ma bos, ge.
Haih zis taiq lho lha, nyang nyamoq lyis nyah loq yahge nyah khyei chixoeuq. Hauh bang gaus las ma yoh jingh shih, dvmauh nyeis shih lyis, nyang nyamoq lyis taiq zis gas, Namoq heimha zonoms dvja ja vyoh lah, ge. Nyamoq gas nyang lyis kank dah oengdoq dvchink yahge dyoyhei dvtap dyei lyis, Yhensain ka yoeus las nyamoq xikkhonh mas zo.
Nyang nyamoq lyis taiq zis gas, Moshe dah Lyi mas eq, lvpe jens dah maussauh mas yahge Chungh Dang maussauh mas ngos lyis toeuq las lhaih ya lhaih toh dang nyuk los chah ngos namoq yah dvgeh nyeis khoq yoq lyis taiq dah dang gas, haih cho nyang nghuot.
Housoeh las lhaihtoh dang seqgyo das xiklyis nyamoq dah seqgyo cho lhyi phank dyei. Nyang taiq zis gas, Lhaihtoh dang heisoeh ge: Khristu gas shanghsenh zis xauh las somh vnyeih lyis shei masyah dwis toq chah: Yerusalem masyah xi lha, dius nyau khanghmuh lyis yaunos yoh khyuot dyei dah nhaiqlom thaiq cho lhyi nyah nyings mas yoh taiq kyoh das. Namoq eq haih cho dvnganh dah kanghjyoeng tsain nghuot. Yoeuh aq, ngah Uwus dah dangthoengh joq zis yah dvyhangteh, ngos namoq lyis nhang kat dyei das. Housoeh las namoq gas nyhang mha dah yomsoq ma xauh yoeus dvchank, Yerusalem mas nyeis shih geh, ge.


Hauh thang lhyi nyamoq lyis Bethani jweh shoq shwih loh las, nyah loq toeu lha nyamoq lyis shvmanh dyei. Housoeh shvmanh dyei nyeis uhlyis, nyang gas changlo jens yah gang las maukhung mha toqh yoeus zis xauh goeus. Housoeh las nyamoq gas nyang lyis paiq las svsoh gausyis zis yah Yerusalem wus pheh tsain tauh loh. Housoeh Mangso lhyi chunghtoq las chungh zis yah Yhenmuh mas tsain nyeis nyeis. Amen.

Dengar LUKA 24