If you have would like a copy of this version please contact info@davarpartners.org

Text: Garhwali New Testament, CC-BY-SA-4.0, The Love Fellowship. -- Audio: Garhwali New Testament Audio Bible, CC-BY-SA-4.0, Davar Partners International, The Love Fellowship, 2021

Garhwali New Testament

Garhwali - Common Language Version BSI (NT) Drama

Garhwali New Testament(गढवली नयो नियम), 2020 by The Love Fellowship is licensed under a Creative Commons Attribution-ShareAlike 4.0 International License.

यीशु ल अपड़ा चेलों मा बोलि, यांका बारा मा कि सदनी परमेश्वर बट्टी प्रार्थना कन, अर हिम्मत नि छोड़ण चयणी च इलै वेल यु मिसाल दींनि, “कै शहर मा एक न्याय कन वलो रौंदो छो जु न त परमेश्वर से डरदु छो अर न ही लुखुं कि परवाह करदो छो।” वे शहर मा एक विधवा भि रांदि छै ज्वा वेमा बार-बार ऐ के बुल्दी छै “मेरू न्याय चुकै के मि तैं दुश्मन बट्टी बचौ।” वेल भौत दिनों तक त उन ही मांणी पर आखिर मा विचार कैरी के वेल बोलि, हालांकि मि परमेश्वर से नि डरदु अर न ही मनिख्युं कि परवाह करदु तब भि या विधवा मि तैं सतौंणी रांदि इलै मिल ई को न्याय चुकाण कखि इन नि हो कि बार-बार ऐ के आखिर मा मेरी नाक मा दम कैरी द्यो। प्रभु यीशु ल बोलि, “यु अन्यायी न्यायी बत्ति सबक सीखा?” परमेश्वर अपड़ा चुणयां लुखुं कु जु दिन रात वेका संमणी रूंदा छिन न्याय करलो वे वेकी मदद कन मा देर नि करलो? मि तुम मा बुल्णु छौं “उ तुरंत ऊंको न्याय चुकालो इलै तब मि मनिख कु नौंनो आलो त मि तैं धरती पर कथग लोग मिलला जु मि पर विश्वास करला?”

अर वेल ऊं लुखुं से जु अपड़ा बारा मा सुचदा छा कि हम धर्मी छा अर दूसरों तैं तुच्छ समझदा छा या मिसाल दींनि द्वी आदिम यरूशलेम शहर का मन्दिर मा परमेश्वर बट्टी प्रार्थना कनु कु गैनी एक फरीसी छो अर हैंको चुंगी लींण वलो छो। फरीसी खड़ो हवे के अपड़ा मन मा इन कै परमेश्वर बट्टी प्रार्थना कन लगि गै हे परमेश्वर मि तेरु धन्यवाद करदु कि मि दुसरा लुखुं कि तरौं अंधेर कन वलो अन्यायी अर व्यभिचारी नि छौं अर न ही चुंगि लींण वला कि तरौं छौं। मि हप्ता मा द्वी बार उपवास रखदु, मि अपड़ी सैरी कमै कु दसवां हिस्सा तुम तैं दींदु। पर चुंगि लींण वला ल दूर खड़ो हवे के स्वर्ग की तरपां देखी भि नि चाह, पर अपड़ा दुःख का दगड़ी अपड़ी छाति पीट-पीट कै बोलि, “हे परमेश्वर मि एक पापी छों मि पर दया कैर अर मि तैं माफ कैर” विश्वास कैरा, सच मा यु चुंगी लींण वला (परमेश्वर बट्टी) धर्मी घोषित किये जांण पर घौर लौटि, न की उ फरीसी, किलैकि हरेक, जु खुद तैं बड़ो बणांदों च, छुटो बणै दिये जालो पर “जु आदिम खुद बट्टी नम्र हवे जांदु उ ऊंचो उठै जांद।”


फिर लोग नौन्याळु तैं वेमा लाणा रैनी कि यीशु ऊंका मुंड मा हथ रखि के आशीष द्यो, पर चेलों ल लोग घुड़कि दींनि। यीशु ल यु देखि कै गुस्सा मा ऊंकु बोलि, “बच्चों तैं मि मा आंण द्या ऊंकु मना नि कैरा किलैकि उ ही लोग जु बच्चों जन विश्वासयोग्य अर विनम्र छिनी परमेश्वर का राज्य ऊंको ही च, जु यूं बच्चों का जन च।” मि तुम मा सच बुल्ण छौं कि, “जु कुई परमेश्वर का राज्य तैं बच्चों जन अपणालो वेल ही परमेश्वर का राज्य मा जै सकण।”


कै मुखिया ल वे तैं पूछि, “हे उत्तम गुरु जी अनन्त जीवन कु वारिस हूंणु कु मि क्य काम कैरू?” यीशु ल वे तैं उत्तर दे के बोलि, “तु की बात कु मि कु अच्छो अर उत्तम बुल्णी छै? कुई उत्तम नि च भस परमेश्वर तैं छोड़ी के कुई अच्छो नि च।” तु परमेश्वर की आज्ञाओं तैं त जंणदी ही छै, हत्या नि कन, व्यभिचार नि कन, चोरी नि कन, झूठी गव्है नि दींण, कै तैं अपड़ा फैदा कु कै तैं धोखा नि दींण अपड़ा बुबा अर ब्वे कु आदरमान कन। वेल बोलि, “गुरु जी यूं सभियूं आज्ञाओं तैं मि बचपन बट्टी मंणदी अयुं।” यीशु ल वे तैं देखि, अर वेकु बोलि, “एक काम च जु त्वे तैं अभि भि कन जरूरी च जु कुछ धन सम्पति तेरु च वे तैं बेचि के गरीबों तैं बांटि दे, अर त्वे तैं स्वर्ग का राज्य मा धन मिललो अर मेरू चेला बण के मेरा पिछनैं हवे जा।”
वेल ई बात तैं सूंणि त वेका मुक पर उदासी छै गै अर उ दुखी हवे के चलि गै किलैकि उ भौत सेठ छो।
यीशु ल देखि के बोलि, “धनवान लुखुं को परमेश्वर का राज्य मा जांण भौत मुश्किल च।” धनवान लुखुं को परमेश्वर का राज्य मा जांण भौत मुश्किल च पर, “ऊंट कु सुई का नाका मा बट्टी निकली जांण आसान च।” जब चेलों ल यु सूंणि, “जु इन च त कुई भि अपड़ा पापों की सजा बट्टी बचि नि सकद।” यीशु ल ऊंकी तरपां देखि के बोलि, “यु मनिख्युं बट्टी नि हवे सकद पर परमेश्वर कु सब कुछ संभव च।” पतरस ल यीशु तैं पूछि, “हम त तेरु चेला बंणि के सभि कुछ छोड़ी के तेरा पिछनै औंणा छा।” यीशु ल ऊंमा बोलि, “मि तुम मा सच बुल्णु छौं इन कुई नि च जैल परमेश्वर का राज्य कु अपड़ो घौर, भैय बैणा, ब्वे-बुबा, बाल बच्चा, छोड़ी दींनि।” अर यु बगत पर सताव का दगड़ा स्वर्गलोक मा कई गुणा जादा मिलालो अर अनन्त जीवन पाला।


फिर वेल बारहों तैं दगड़ा लिजै के ऊंमा बोलि, “देखा यरूशलेम शहर जांदी बगत बट्टा मा जथग बात मि मनिख कु नौंनो का बार मा परमेश्वर का तरपां बट्टी बुल्ण वलो ल लिखीं छिन ऊं सभि पूरी होलि।” किलैकि मि अन्यजातियों का हथ मा सौंपी द्याला। अर उ मेरू मजाक ऊडाला, अर वेको अपमान करला, वे पर थुकला। अर उ मि तैं खत्म कैरी द्याला, अर मि तिसरा दिन का बाद ज्यूँदो हवे जौलु। पर ऊंल यूं बातों मा बट्टी कुई भि बात नि समझी अर या बात ऊं बट्टी छिपी रै अर जु बुलै छो उ ऊंकी समझ मा नि ऐ।


जब उ यरीहो शहर का नजीक पौंछि त एक अंधा सड़क का किनारा बैठी कै भीख मंगणु छो। वेल भीड़ कु हिटण कि आवाज सूंणि त तब उ पुछण लगि गै “यु क्य हूंणु च” ऊंल वे तैं बतै “यीशु नासरत वलो जांणु च।” तब वेल धै लगै के बोलि, “हे यीशु, राजा दाऊद का वंशज मि पर दया कैरा।” जु अगनैं-अगनैं जांणा छा लुखुं ल वे तैं डाँटि कि चुप रौ पर उ और भि जादा चिल्लांण लगि गै “हे प्रभु, राजा दाऊद कि संतान मि पर दया कैर” तब यीशु ल खड़ो हवे के आज्ञा दींनि कि वे तैं मि मा ल्यावा अर जब उ नजीक ऐ त यीशु ल वे तैं पूछि। “तु क्य चाँदि कि मि त्वे कु कैर” अंधा ल वेकु बोलि “गुरु जी यु कि मि दिखण लगि जौं।” यीशु ल वेकी आंखों तैं छवे के बोलि, “दिखण लग, तेरु विश्वास ल जु मि पर च त्वे तैं बचैयेले।” तब उ तुरंत दिखण लगि गै अर परमेश्वर बढ़ै करदी वेका पिछनै चलण लगि गै अर सभि लुखुं ल यु देखि के परमेश्वर कु गुणगान कैरी।

Dengar लूका 18