The Sundanese Bible (Suci Nganggo Basa Sunda Sadidinte 1991)

Suci Nganggo Basa Sunda Sadidinte

<div class="version vid2410 iso6393sun" data-vid="2410" data-iso6393="sun">
 <div class="book bkEXO">
 <div class="chapter ch2" data-usfm="EXO.2">
 <div class="label">2</div><div class="s">Musa medal</div><div class="p"> 1Aya hiji jelema kaom Lewi, nikah ka hiji istri sakaom keneh. 2Seug eta istri ngalahirkeun hiji anak lalaki. Orokna teh teuing ku kasep, tuluy disumputkeun. Sanggeus meunang tilu bulan, 3orok teh geus teu bisa disumput-sumput deui. Tuluy dipangnyieunkeun kandaga tina wawalinian, dibalur ku ter supaya teu asup cai. Sok orok teh diasupkeun kana eta kandaga, tuluy diteundeun di sisi walungan, di antara jujukutan anu jarangkung. 4Ceuceuna ngawaskeun ti kajauhan hayangeun nyaho kumaha orok teh pijadieunana.</div><div class="p"> 5Putri raja sumping arek ngebak di walungan, inang-inangna leuleumpangan turut-turut sisi. Ret putri ningali aya kandaga di bunian ku jujukutan, seug dipiwarang dicandak. 6Kandaga dibuka, eusina orok. Orok teh gogoaran, putri ngahelas pok sasauran, &#8221;Tangtu ieu teh orok urang Ibrani.&#8221;</div><div class="p"> 7Torojol ceuceu eta murangkalih marek ka putri tuluy miunjuk, &#8221;Kumaha upama ku abdi dipangmilariankeun awewe urang Ibrani anu nuju nyusuan?&#8221;</div><div class="p"> 8&#8221;Enya, jig,&#8221; waler putri. Leos nyi lanjang indit, teu lila geus datang deui jeung ibuna murangkalih tea. 9Saur putri, &#8221;Pangnyusuankeun ieu orok, engke ku kami digajih.&#8221; Murangkalih ku ibuna dibawa mulang, dirorok sakumaha biasa. 10Sanggeus rada ageung disanggakeun ka putri. Ku putri diangken putra. Ceuk putri dina manahna, &#8221;Ieu budak ku kami dibedol ti cai. Ngaranna kudu Musa.&#8221;</div><div class="s">Musa kabur ka Midian</div><div class="p"> 11Dina hiji poe sanggeus akil baleg Musa angkat nepangan bangsana, urang Israil. Katingalieun yen bangsana sakitu diteungteuinganana, digawekeun sakitu beuratna. Malah katingalieun aya urang Israil, bangsa anjeunna, anu dipaehan ku urang Mesir. 12Musa luak-lieuk. Sanggeus tetela yen moal aya anu nangenan, habek urang Mesir teh ku anjeunna dipaehan, mayitna diruang dina keusik. 13Poe isukna anjeunna ka dinya deui. Beh ningali dua jelema papada urang Israil keur garelut. Ku anjeunna dipisah, nu salahna dielingan, &#8221;Ku naon ka bangsa sorangan mahala?&#8221;</div><div class="p"> 14Eta jelema nambalang, &#8221;Na maneh teh dunungan kami? Rek jadi hakim? Rek maehan deuih ka kami, cara kamari maehan urang Mesir?&#8221; Musa ngagebeg sarta ceuk panggalihna, &#8221;Ana kitu perkara aing kamari maehan teh geus kautara!&#8221; 15-16Eta warta kadangu ku raja, seug raja ihtiar arek nelasan Musa. Tapi Musa ngejat manten ka tanah Midian, sarta rek terus matuh di ditu.</div><div class="p">Dina hiji poe Musa keur calik deukeut hiji sumur. Torojol aya mojang tujuhan, putra-putra imam di Midian anu jenenganana Yitro. Eta mojang-mojang tuluy narimba ngareusian jolang, rek nginuman domba-domba jeung embe-embe ramana. 17Torojol deui tarukang ngangon lalaki, mojang-mojang teh disuntrung-suntrungkeun. Ku Musa dibelaan, angonanana sina ngarinum. 18Ti dinya mojang-mojang teh baralik. Ku ramana dipariksa, &#8221;Sinarieun bisa tereh baralik?&#8221;</div><div class="p"> 19Tembalna, &#8221;Dibantuan ku hiji urang Mesir, anu ngabelaan ngalawan tarukang ngangon, mangnimbakeun, sareng manginumankeun ingon-ingon urang.&#8221;</div><div class="p"> 20Saur ramana, &#8221;Di mana ayeuna jelemana? Ku naon ditaringgalkeun? Teang, sina ka dieu urang ajak dahar.&#8221;</div><div class="p"> 21Musa kersaeun diandeg sarta terus matuh. Saterusna ku Yitro ditikahkeun ka Sipora, putrana, 22seug puputra, lalaki. Saur Musa sajeroning manah, &#8221;Aing di dieu teh ngumbara. Jadi ieu budak ngaranna kudu Gersom.&#8221;</div><div class="p"> 23Geus kitu lawas ti lawas raja Mesir pupus. Tapi urang Israil mah angger bae ripuh, mani tingjarerit menta tulung, sasambat ka Allah. 24Ku Allah kadangu sarta Mantenna emuteun kana perjangjiana-Na ka Ibrahim, Ishak, jeung Yakub. 25Kasangsaraan urang Israil ku Mantenna katingali sarta diperhatoskeun.</div>
 </div>
 </div>
</div>

Aya hiji jelema kaom Lewi, nikah ka hiji istri sakaom keneh. Seug eta istri ngalahirkeun hiji anak lalaki. Orokna teh teuing ku kasep, tuluy disumputkeun. Sanggeus meunang tilu bulan, orok teh geus teu bisa disumput-sumput deui. Tuluy dipangnyieunkeun kandaga tina wawalinian, dibalur ku ter supaya teu asup cai. Sok orok teh diasupkeun kana eta kandaga, tuluy diteundeun di sisi walungan, di antara jujukutan anu jarangkung. Ceuceuna ngawaskeun ti kajauhan hayangeun nyaho kumaha orok teh pijadieunana.
Putri raja sumping arek ngebak di walungan, inang-inangna leuleumpangan turut-turut sisi. Ret putri ningali aya kandaga di bunian ku jujukutan, seug dipiwarang dicandak. Kandaga dibuka, eusina orok. Orok teh gogoaran, putri ngahelas pok sasauran, ”Tangtu ieu teh orok urang Ibrani.”
Torojol ceuceu eta murangkalih marek ka putri tuluy miunjuk, ”Kumaha upama ku abdi dipangmilariankeun awewe urang Ibrani anu nuju nyusuan?”
”Enya, jig,” waler putri. Leos nyi lanjang indit, teu lila geus datang deui jeung ibuna murangkalih tea. Saur putri, ”Pangnyusuankeun ieu orok, engke ku kami digajih.” Murangkalih ku ibuna dibawa mulang, dirorok sakumaha biasa. Sanggeus rada ageung disanggakeun ka putri. Ku putri diangken putra. Ceuk putri dina manahna, ”Ieu budak ku kami dibedol ti cai. Ngaranna kudu Musa.”

Dina hiji poe sanggeus akil baleg Musa angkat nepangan bangsana, urang Israil. Katingalieun yen bangsana sakitu diteungteuinganana, digawekeun sakitu beuratna. Malah katingalieun aya urang Israil, bangsa anjeunna, anu dipaehan ku urang Mesir. Musa luak-lieuk. Sanggeus tetela yen moal aya anu nangenan, habek urang Mesir teh ku anjeunna dipaehan, mayitna diruang dina keusik. Poe isukna anjeunna ka dinya deui. Beh ningali dua jelema papada urang Israil keur garelut. Ku anjeunna dipisah, nu salahna dielingan, ”Ku naon ka bangsa sorangan mahala?”
Eta jelema nambalang, ”Na maneh teh dunungan kami? Rek jadi hakim? Rek maehan deuih ka kami, cara kamari maehan urang Mesir?” Musa ngagebeg sarta ceuk panggalihna, ”Ana kitu perkara aing kamari maehan teh geus kautara!” Eta warta kadangu ku raja, seug raja ihtiar arek nelasan Musa. Tapi Musa ngejat manten ka tanah Midian, sarta rek terus matuh di ditu.
Dina hiji poe Musa keur calik deukeut hiji sumur. Torojol aya mojang tujuhan, putra-putra imam di Midian anu jenenganana Yitro. Eta mojang-mojang tuluy narimba ngareusian jolang, rek nginuman domba-domba jeung embe-embe ramana. Torojol deui tarukang ngangon lalaki, mojang-mojang teh disuntrung-suntrungkeun. Ku Musa dibelaan, angonanana sina ngarinum. Ti dinya mojang-mojang teh baralik. Ku ramana dipariksa, ”Sinarieun bisa tereh baralik?”
Tembalna, ”Dibantuan ku hiji urang Mesir, anu ngabelaan ngalawan tarukang ngangon, mangnimbakeun, sareng manginumankeun ingon-ingon urang.”
Saur ramana, ”Di mana ayeuna jelemana? Ku naon ditaringgalkeun? Teang, sina ka dieu urang ajak dahar.”
Musa kersaeun diandeg sarta terus matuh. Saterusna ku Yitro ditikahkeun ka Sipora, putrana, seug puputra, lalaki. Saur Musa sajeroning manah, ”Aing di dieu teh ngumbara. Jadi ieu budak ngaranna kudu Gersom.”
Geus kitu lawas ti lawas raja Mesir pupus. Tapi urang Israil mah angger bae ripuh, mani tingjarerit menta tulung, sasambat ka Allah. Ku Allah kadangu sarta Mantenna emuteun kana perjangjiana-Na ka Ibrahim, Ishak, jeung Yakub. Kasangsaraan urang Israil ku Mantenna katingali sarta diperhatoskeun.

Dengar BUDALAN 2