التكوين 2
2
بداية العالم
اخلاڮة العالم- القصة الثانية
1وبهاذي الطريقة اوفاو السماوات ولارض وذا كامل اللي فيهم. 2وعاڮب يلين اوفا مولانا من شغلتو كامل، استراح فاليوم السابع . 3وبارك مولانا اليوم السابع وڮال اعلنو مخصصلو، بيهلي اوفا فيه من خلڮ العالم. 4هاذي هي قصة السماوات ولارض وقت اخلاڮتهم: اليوم اللي خلڮ الله تعالى لارض والسماوات 5ما كانت أي اربيعة خالڮة اعلى لارض، ولا كان املي أي اصدر فات انبت، بيهلي الله تعالى مافات فهاذا الوقت مشّا اسحاب اعلى لارض، ولا كان فات اخلڮ أي آرڮاج يحرث التراب. 6يغير كان يوخظ من لارض فهاذا الوقت عين من الما تسڮي التراب. 7وعاڮب ذاك خلڮ الله تعالى الراجل من التراب وانفخ فاخنافرو الحياة وعاد الراجل نفس حية. 8وعاڮب ذاك اغرس الله تعالى اصدر فابليدة زينة فعدن فالشرق وفم عاد عايش الراجل اللي خلڮ. 9ونبت الله تعالى من لارض كل نوع من الصدر الزين و صالح للوكيل. وكانت فوسط هاذي لبليدة الزينة صدراية تعطي الحياة وصدراية اخرا تعطي معرفة الصالح والطالح. 10وكان فم نهر يمشي فهاذي لبليدة الزينة اللي فعدن اياك يسڮيها، وكان هاذا النهر يتفرعو منو 4 فروع. 11أسم لأول هو فيشون وهو اللي يوخظ احذا ارض الحويلة كاملة بل امنين فيه الذهب. 12والذهب اللي فم من نوعية زينة، وفم املي ازين لبخور واحجار العقيق. 13وأسم الثاني هو جيحون وهو اللي يوخظ احذا ارض كوش كاملة. 14وأسم الثالث هو دجلة ويوخظ شرق أشور. والرابع أسمو الفرات.
15واڮبظ الله تعالى الراجل ودارو فهاذي لبليدة الزينة اللي فعدن اياك يحرثها ويرعاها. 16ووصا الله تعالى الراجل وڮالّو: اتڮد توكل اللي تبغي من الصدر ذي لبليدة اللي فعدن. 17يغير ذيك الصدراية اللي تعطي المعرفة امبين الصالح والطالح، لا توكل منها، بيهلي الوقت اللي توكل منها لاهي اتموت .
18وڮال الله تعالى: ماهو زين يبڮا الراجل وحدو، ولذاك لاهي انخلڮلو مُعِين اياك يشارك حياتو امعاه. 19وخلڮ الله تعالى من التراب كل حيوان فلحريثة وكل اطيور السما. وعاڮب ذاك جابهم كاملين للراجل اياك يشوف شلاهي يسمّي كل واحد منهم. وكل مرة يسمّي واحد من المخلوقات يعود ذاك أسمو. 20وسما الراجل الحيوانات كاملين اللي يُربّاو واطيور السما كاملين وحيوانات لخلا كاملين ، يغير ما اجبر امبينهم واحد يعاونو ويشابهلو. 21و رڮّد الله تعالى الراجل ارڮاد امتين، وفوقت ارڮادو، اڮبظ الله تعالى ظلعة من اظلوعو وغطا بلها بالجل . 22وعاڮب ذاك خلڮ الله تعالى من الظلعة اللي اڮبظها من الراجل امرة وڮدمهالو. 23وڮال الراجل: ظرك ، هاذي اعظم من اعظامي ولحمة من لحمي، ولاهي انسميها امرة بيهَلي انڮبظت من امرئ. 24ولذا السبب يخلي الراجل بوه وأمو ويلتصڮ بأعيالو، ويعودو عايلة وحدة. 25وكانو الراجل وأعيالو كلهم عريان، يغير ما كانو يستحاو.
सध्या निवडलेले:
التكوين 2: الحسانية
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2024 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/