Fúcihum 5
5
Búbajum Adam káŋ bu nꞌNówe
1Wasaferi mee mara fiil fara Adam uwee. Nan Atúuha átuut mee an, akaanookaan akaa búnogoor nu ho. 2Nátuut amaañen nꞌakoña, násoonieniil, narogiil « bugan » no fo funak fan átuuhiil mee.
3Nan Adam abaj mee símit ceme nꞌsímit gafaakan nꞌguñen (130), nabaj aleeh amaañen anogoore nu ho. Nakaanool gajow arogool « Seet. » 4Seet abajibaj, Adam nabaak benen símit siceme futok nꞌsífaajiir (800) nabugoor guleeh gumaañen nꞌukoña. 5Adam acehe, ho babajer símit siceme futok nꞌsibaagiir nꞌsímit gafaakan nꞌguñen (930).
6Seet nan abaj mee símit ceme nꞌsímit futok (105) nabaj Enos. 7Enos abajibaj, Seet nabaak benen símit siceme futok nꞌsífaajiir nꞌsímit futok nꞌsíruba (807), nabugoor guleeh ásuupoor. 8Seet acehe, ho babajer símit siceme futok nꞌsibaagiir nꞌsímit guñen nꞌsíruba (912).
9Enos nan abaj mee símit gafaŋ gubaagiir nꞌguñen (90), nabaj Kenaan. 10Kenaan abajibaj, Enos nabaak benen símit siceme futok nꞌsífaajiir nꞌsímit guñen gaat (815), nabugoor guleeh gumaañen nꞌukoña. 11Enos acehe, ho babajer símit siceme futok nꞌsibaagiir nꞌsímit futok (905).
12Kenaan nan abaj mee símit gafaŋ gúfaajiir nꞌsímit guñen (70) nabaj Mahalalel. 13Mahalalel abajibaj, Kenaan nabaak benen símit siceme futok nꞌsífaajiir nꞌsímit gafaŋ gúruba (840), nabugoor ásuupoor. 14Kenaan acehe, ho babajer símit siceme futok nꞌsibaagiir nꞌsímit guñen (910).
15Mahalalel nan abaj mee símit gafaŋ gúfaajiir nꞌsímit futok (65), nabaj Yered. 16Yered abajibaj, Mahalalel nabaak benen símit siceme futok nꞌsífaajiir nꞌsímit gafaakan nꞌguñen (830), nabugoor guleeh gumaañen nꞌukoña. 17Mahalalel acehe, ho babajer símit siceme futok nꞌsífaajiir nꞌsímit gafaŋ gubaagiir nꞌguñen gaat (895).
18Yered nan abaj mee símit ceme nꞌsímit gafaŋ gúfaajiir nꞌsíruba (162), nabaj Henok. 19Henok abajibaj, Yered nabaak benen símit siceme futok nꞌsífaajiir (800), nabugoor ásuupoor. 20Yered acehe, ho babajer símit siceme futok nꞌsibaagiir nꞌsímit gafaŋ gúfaajiir nꞌsíruba (962).
21Henok nan abaj mee símit gafaŋ gúfaajiir nꞌfutok (65), nabaj Matusela. 22Matusela abajibaj, Henok nalagen bulago Atúuha wátiiŋe símit siceme sífaajiir (300), nabugoor guleeh gumaañen nꞌukoña. 23Henok buroŋool búroom bo peepe abaje símit siceme sífaajiir nꞌsímit gafaŋ gúfaajiir nꞌfutok (365). 24Nalagen bulago Atúuha mꞌburoŋool peepe. Naliim mara Atúuha aŋarool bu fatiya bacehut.
25Matusela nan abaj mee símit ceme nꞌsímit gafaŋ gubaagiir nꞌfutok nꞌsíruba (187), nabaj Lemek. 26Lemek abajibaj, Matusela nabaak benen símit siceme futok nꞌsíruba nꞌsímit gafaŋ gubaagiir nꞌsíruba (782), nabugoor ásuupoor. 27Matusela acehe ho babajer símit siceme futok nꞌsibaagiir nꞌsímit gafaŋ gúfaajiir nꞌfutok nꞌsibaagiir (969).
28Lemek nan abaj mee símit ceme nꞌsímit gafaŋ gubaagiir nꞌsíruba (182), nabaj aleeh amaañen. 29Narok : « Ume abilolaal mee gáyolen mꞌmutaf mara eŋar guñenolaal nunaafaal etaam yan Acehériit mee aranka mee. » Yo ecil mee nakaanool gajow arogool Nówe (yo yommee : gáyolen). 30Nówe abajibaj, Lemek nabaak benen símit siceme futok nꞌsímit gafaŋ gubaagiir nꞌguñen gaat (595), nabugoor guleeh gumaañen nꞌukoña. 31Lemek acehe, ho babajer símit siceme futok nꞌsíruba nꞌsímit gafaŋ gúfaajiir nꞌguñen gaat nꞌsíruba (777).
32Nówe nan abaj mee símit siceme futok (500), nabaj Seem, Haam nꞌJaafet.
सध्या निवडलेले:
Fúcihum 5: gsl
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2023 (Active), Wycliffe Bible Translators, Inc. All rights reserved.