Chhòng-sè-kì 4

Kai-ún kap A-pek

1Hit-ê lâng kap i ê bó͘ Hā-oa tâng-pâng, Hā-oa chiū hoâi-īn siⁿ Kai-ún#4.1 “Kai-ún” ì-sù sī “tit--tio̍h”., kóng, “Góa tùi Siōng Chú ê pang-chān tit-tio̍h chi̍t ê hāu-siⁿ.” 2Āu-lâi Hā-oa koh siⁿ Kai-ún ê sió-tī A-pek. A-pek sī kò͘-iûⁿ--ê, Kai-ún sī choh-sit--ê. 3Kè chi̍t tōaⁿ sî-kan, Kai-ún the̍h chi̍t-kóa thó͘-tōe ê chhut-sán hiàn hō͘ Siōng Chú. 4A-pek mā chiong iûⁿ-kûn tiong thâu-chiūⁿ-siⁿ koh pûi ê iûⁿ hiàn hō͘ Siōng Chú. Siōng Chú ì-ài A-pek kap i ê lé-mi̍h, 5m̄-kú bô kah-ì Kai-ún kap i ê lé-mi̍h. Kai-ún chiū chin siū-khì, pìⁿ-bīn. 6Siōng Chú tùi Kai-ún kóng, “Lí sī teh siū-khì sím-mi̍h? Lí sī-án-chóaⁿ pìⁿ-bīn? 7Lí nā hêng-ûi chèng-ti̍t, kiám m̄-sī ōe tit-tio̍h chiap-la̍p?#4.7 “kiám m̄-sī ōe tit-tio̍h chiap-la̍p?” mā thang e̍k-chòe “góa chū-jiân ōe chiap-siū lí ê chè-mi̍h.” Nā bô, chōe tī mn̂g-kháu tng-tán lí; i beh khòng-chè lí, lí tio̍h kā i chè-ho̍k.”

8 Kai-ún tùi i ê sió-tī A-pek kóng, “Lán lâi-khì iá-tōe#4.8 “Lán lâi-khì iá-tōe” sī chiàu chi̍t-kóa kó͘-e̍k-pún hoan-e̍k; goân-bûn bô chit-kù..” Tī iá-tōe ê sî, Kai-ún kong-kek i ê sió-tī, kā i thâi-sí.

9Siōng Chú tùi Kai-ún kóng, “Lí ê sió-tī A-pek tī tó-ūi?”

I kóng, “Góa m̄ chai. Góa kiám sī teh kò͘-siú góa ê sió-tī ê lâng?”

10Siōng Chú kóng, “Lí ná ōe chòe chit-khoán tāi-chì? Lín sió-tī ê huih tùi tōe--ni̍h tùi góa ai-kiò. 11Lí thâi-sí lín sió-tī, tōe khui-chhùi chiap-siū i ê huih. Taⁿ lí beh tùi thó͘-tōe siū chiù-chó͘. 12Lí chèng-choh, bōe-tàng tit-tio̍h siu-sêng; lí beh tī tōe-chiūⁿ liû-lî-sit-só͘.”

13 Kai-ún tùi Siōng Chú kóng, “Góa ê hêng-hoa̍t siuⁿ tāng, góa tam-tng bōe khí. 14Lí kin-á-ji̍t kóaⁿ góa lī-khui chit-ê tōe, bōe-tàng koh kìⁿ lí ê bīn; góa sì-kòe phiau-liû, tú-tio̍h góa--ê ōe kā góa thâi-sí.”

15Siōng Chú tùi i kóng, “Kì-jiân án-ni, thâi-sí Kai-ún--ê, ōe siū chhit pē ê pò-èng.” Siōng Chú chiū kā Kai-ún chòe chi̍t ê kì-hō, chiah bián tú-tio̍h i ê lâng kā i thâi-sí. 16Kai-ún chiū lī-khui Siōng Chú, khì tòa tī I-tiân ê tang-pêng Lô-tek ê tōe-khu.

Kai-ún ê Hō͘-tāi

17 Kai-ún kap i ê bó͘ tâng-pâng; i ê bó͘ hoâi-īn siⁿ Í-lo̍k. Āu-lâi Kai-ún khí chi̍t chō siâⁿ, ēng i ê kiáⁿ ê miâ kā hit-chō siâⁿ hō-miâ kiò-chòe Í-lo̍k. 18Í-lo̍k siⁿ Í-ná, Í-ná siⁿ Bí-hō͘-ngá-lī, Bí-hō͘-ngá-lī siⁿ Má-thó͘-sat-lī, Má-thó͘-sat-lī siⁿ La-be̍k. 19La-be̍k chhōa nn̄g ê bó͘; chi̍t ê kiò-chòe A-tāi, chi̍t ê kiò-chòe Sé-la. 20A-tāi siⁿ Ngá-pat, sī iû-bo̍k bîn-cho̍k ê chó͘-sian. 21I ê sió-tī Iû-pat, sī tôaⁿ-khîm pûn-siau ê lâng ê chó͘-sian. 22Sé-la siⁿ Thó͘-pat Kai-ún, sī chè-chō tâng, thih ta̍k-khoán khì-khū ê lâng ê chó͘-sian; Thó͘-pat Kai-ún ê sió-bē sī Ná-má.

23 La-be̍k tùi i nn̄g ê bó͘ kóng:

A-tāi kap Sé-la, thiaⁿ góa kóng;

La-be̍k ê bó͘, tio̍h sòe-jī thiaⁿ:

Lâng siong góa, góa beh thâi i;

siàu-liân-lâng hāi góa, góa beh hō͘ i sí.

24Thâi Kai-ún ê pò-èng nā-sī chhit pē,

thâi-sí La-be̍k ê pò-èng it-tēng chhit-cha̍p-chhit pē.

Sài-te̍k kap Í-ná-sū

25 A-tong koh kap i ê bó͘ tâng-pâng; i ê bó͘ siⁿ-kiáⁿ, kā i hō-miâ kiò-chòe Sài-te̍k#4.25 “Sài-te̍k” ì-sù sī “hō͘ i”.; in-ūi i kóng, “Siōng-tè koh sù góa chi̍t ê kiáⁿ, lâi tāi-thòe hō͘ Kai-ún thâi-sí ê A-pek.” 26Sài-te̍k āu-lâi mā siⁿ-kiáⁿ, kā i hō-miâ kiò-chòe Í-ná-sū; hit-sî lâng chiah khai-sí kiû-kiò Siōng Chú ê miâ.

सध्या निवडलेले:

Chhòng-sè-kì 4: TTVR

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

The Bible Society in Taiwan

現代台語譯本羅馬字版बद्दल अधिक जाणून घ्या

Chhòng-sè-kì 4

Chhòng-sè-kì 4
मधील लोकप्रिय बायबल वचने

बायबल:

Chinese, Min Nan

Version: 現代台語譯本羅馬字版 - TTVR

Chhòng-sè-kì 4

Chhòng-sè-kì 4

Chhòng-sè-kì 4 मधील लोकप्रिय बायबल वचने

बायबल:

Chinese, Min Nan

Version: 現代台語譯本羅馬字版 - TTVR

Chhòng-sè-kì 4

Chhòng-sè-kì 4
मधील लोकप्रिय बायबल वचने