लुका 17
17
हेवा खोन्कि लेत्मा
मत्ति १८:६-७,२१-२२; मर्कुस ९:४२
1येसुआ अ़चुकाखेङ्पाचि म़लोचि, “म़नाचि हेवादा धान्मा चिन्माखाङ्मा य़ङ्चि अ़नुछ्याङा म़ता। मेन साङ्एदाङ्का मोवाको य़ङ्चि म़ता, मो म़ना अ़चाअ़त्मादा छुक। 2खाक्को म़नाआ ओ अ़चुप्पोचिदाङ्का अ़क्छा हेवा मुमेत्तुनालो, मोसोओ अ़पोत्दा चाचेम्खालुङ क़ङ्माकि धियाङ्वामादा वेन्मादिमा नुलोक लिओ। 3खोन्ओसा आप्पि चाप्चेत्तानिन्चिन, आम्निछाआ हेवा मुनालो रेन्तु, खोन्कि मो अ़हेवादाङ्का लानालो लेत्तुप़। 4आम्निछाआ खानाएदा अ़क लेन्दा सात्कादु हेवा मुकि सात्कादुङा खानाएदा लाताकि ‘अ़ङ्का अ़ङ्हेवादाङ्का लाङा’नि य़ङ्नालो आम्निछा लेत्तुप़।”
5छाम्माय़ङ्चिआ हाङ्पा अ़लोवा, “आन्काओ साकोङ्छ़ङ पोन्निप़नि!”
6खोन्कि हाङ्पाआ म़लासुलोचि, “खानानिन्एदा प़सैओ अ़ल़वा ओन्को आम्नुओ साकोङ्छ़ङ याक्याङ्नालो खानानिन ओ खेत्लाङ्बेतिताङ ‘खाना धेलान्चिन्कि धियाङ्वामादा लित्तान्चिन!’नि त़लोम्नालो मो काङ।
7 खानानिन्एदाङ्का अ़क्छाओ अ़हारुक बोयोङ छोकि माङ्नालो भेराचि चान्तुचिकि व़क्दाङ्का लाताहिदा अ़हाङ्पाआ मो अ़हारुक ‘च़क्नि बानाकि चासि युङाअ़इ’नि लो कि? 8दि मोसाआ मो अ़हारुक ‘अ़ङ्का चा कुक्ताङ्पुवाङ खोन्कि अ़ङ्का ब़त्सि चुम्सान्चिन्कि अ़ङ्का चाङादुङ्ङा चिन्ङातारि ब़राङ। खोन्किना ओन्ङा खाना चामादुङ्मा त़ऱ’नि अ़लोन कि? 9अ़हाङ्पाआ लोओ काचि मुओदा दि अ़हारुक आलाङ प़ कि? 10खोन्ओसा खानानिन्छाङ लोमाय़ङ्वात्नि झारा काचि त़मुम्चिउम्कि ओवात्नि य़ङानिन, ‘आन्कान्का चोन्मा अ़खान्तिन्काओ हारुक माआङ। मुमादोराङाओ आन्काओ काचि ओन्ङा आन्कान्का मुम्योम्काओ।’”
क़माधामा सारिमाआ चोङुचिओ दस्कापाङ म़नाचि
11येसु यरुसलेम्ह्यात्नि म़खाराङाहिदा सामरिया खोन्कि गालिल धिखाहुप्ओ अ़रा-अ़रा म़खारा। 12खोक्को अ़क्तात तेन्दा म़वाङाङाहिदा दस्कापाङ क़माधामा सारिमाआ चोङुचिओचि येसु तुप्सि म़ता। अ़थाया म़एवाकि मोचि पात्याङ्सा म़य़ङा, 13“काचिन्पा येसु, आन्कान्का सोमातुक्नि!”
14येसुआ मोचि म़खाचिकि म़लोचि, “खानानिन खारानिन्कि निनाम्हाङ काब़क्पाचिएदा खाङ मुसानिन्चिन।” खोन्कि मोचि म़खाराङाहिदाङा म़नुवाखारा।
15मोचिएदाङ्का अ़क्छा नुवाओ खान्चिन्कि अ़धिवाङ य़ङ्आ निनाम्हाङ्ओ अ़चुऩङ चोन्याङ्सा लासाबाना। 16खोन्कि मो येसुओ अ़चुलाङ्दा बोम्सान्चिन्कि आलाङ प़। मो अ़क्छा सामरियायाओ म़ना ओ।
17येसुआ म़सेनुचि, “दि दस्कापाङ्ङा म़नुवाओ माआङ कि? नि नौकापाङ खादा म़युङ्याङ? 18ओ निरावा सामरियायाओ म़नादाङ्का नि नौकापाङ निनाम्हाङ्ओ अ़चुऩङ लोङ्सि देकि मान्लाबान्चि?” 19खोन्किना येसुआ मो सामरियायाओ म़ना अ़लोवा, “पुवालोन्ताकि खारा, साकोङ्छ़ङ त़मुवाओसा खाना त़नुवायुङ्सा।”
निनाम्हाङ्ओ अ़चुहाङ्होन्ओ अ़तामा
मत्ति २४:२३-२८,३७-४१
20अ़क लेन फरिसिचिआ “निनाम्हाङ्ओ अ़चुहाङ्होन देम्खा ता?”निकिना येसु अ़सेना।
येसुआ म़लासुलोचि, “निनाम्हाङ्ओ अ़चुहाङ्होन ना दात्लो अ़तानिन। 21माङ्नालो म़नाचिआ निनाम्हाङ्ओ अ़चुहाङ्होन ‘ओदा युङ्याङ!’, माङ्लो ‘मोदा युङ्याङ!’नि य़ङ्मा ऩऱनिन। देकिनालो निनाम्हाङ्ओ अ़चुहाङ्होन ना आम्नुओ रादाङा याक्याङ।”
22खोन्किना येसुआ अ़चुकाखेङ्पाचि म़लोचि, “ओवाको ग़रि तायाङ, मोन्ग़रि खानानिन अ़ङ्का म़नाओ अ़छा अ़क लेन्नुछाङ खाङ्मा तोक्तुम दे नुओनि त़मिनिन, मेन खाङ्मा त़तोक्तिमिन। 23खोन्कि म़नाचिआ खानानिन ऩलोन, ‘खानुम, खो मोदा युङ्याङ!’ माङ्लो ‘खानुम, खो ओदा युङ्याङ!’ मेन मान्खात्दानिन, खोन्कि मोचि मान्त़ङ्दानुम्च़म। 24देकिनालो देत्नि नाम्चिम्पेलेक बान्हिदा नाम्चोक्दु अ़क्चोम्दाङ्का निचोम्तारि झिलिप्नि उप्तुदिसु, मोवात्निङा म़नाओ अ़छाओ अ़तामा लेन्छाङ झारासाआ अ़खाङ्याङ्लो लि। 25मेन बुया अ़ङ्का ब़द्धे दुखा आङ्मादोत खोन्कि ओ दुङ्दाओ म़नाचिआ ऩङाऩछित्ङा।
26 म़नाओ अ़छाओ अ़तामा नोआ # १७:२६
पुङ्चिपुक ६:५-८
खानुम। ओ लेन्दा लिसाओवात्निङा लि। 27नोआ अ़धिवा #१७:२७ पुङ्चिपुक ७:६-२४ खानुम।वाप्तेलाहुत्दा मान्वाङ्म़युक्तातारि म़नाचि म़चाङा, म़दुङाङा, साया म़काम्साङा खोन्कि साया म़काम्सुप़ङुचि, खोन्किना वाधुप ताकि मोचि झारा लुक्तुचि।
28 # १७:२८
पुङ्चिपुक १८:२०–१९:२५
खानुम। बुयाओ म़ना लोत्ओ अ़ग़रिदाछाङ मोवात्निङा लिसाओ। म़नाचि म़चाङा खोन्कि म़दुङाङा, म़खिराङा खोन्कि म़इनाङा, म़लित्ताङा खोन्कि खिम्चि म़मुङुचि। 29मेन लोत सदोम सहरादाङ्का लोन्ताओ लेन नाम्चोक्दुङ्का मि खोन्कि गन्धक धाकि मोदाओ म़नाचि झारा लुक्तुचि। 30अ़ङ्का म़नाओ अ़छाओछाङ अ़ङ्खाङ्मुमान्चिन्ओ लेन्दा मोवात्निङा लि। 31मो लेन साङ खिम्ओ अ़छोङ्छान्दु याक्याङ, अ़खाम्माखुयाचि अ़खिम्हुत्यु म़याक्याङ्नालो मोचि लासि मो ह्युना अ़धानिन्ने। खोन्कि मोवात्निङा साङ व़क्दा युङ्याङ, मो अ़खिम्दा अ़लानिन्खात्निन्ने। 32लोत्ओ अ़खिम्हाङ्मा देत्नि लुक्ताओ मित्तानुम।#१७:३२ पुङ्चिपुक १९:२६ खानुम। 33साङ्आ अ़ह़ङ्म़ङ रात्मालाप्तु, मोसाआ मो मासु। मेन साङ्आ अ़ह़ङ्म़ङ मासु, मोसाआ अ़नुछ्याओ ह़ङ्म़ङ तोक्तु। 34अ़ङ्का खानानिन लोनानिन, अ़ङ्का म़नाओ अ़छा ताङाओ मो खाखुत ह़वाङ म़नाचि अ़क्तात इम्खादा इम्चियुङ्चि, अ़क्छा निनाम्मादुत्नि खात्तुङ खोन्कि नि छिरुङ्दाङ। 35ह़वाङ मेत्छामाचि अ़क्नि चा चेम्चिङ्चिहिदा अ़क्छा निनाम्मादुत्नि खात्तुङ खोन्कि नि छिरुङ्दाङ। 36[ह़वाङ म़नाचि व़क्दा याक्चिङ्चिहिदा अ़क्छा निनाम्मादुत्नि खात्तुङ खोन्कि नि छिरुङ्दाङ।”]#१७:३६ खाखाक्को बुयाओ छाप्लाखाचिदा ३६ अ़खिप मात्द़ङ।
37खोन्किना काखेङ्पाचिआ येसु अ़सेना, “हाङ्पो, ओवाको काचिचि खादा म़लि?” येसुआ मोचि म़लासुलोचि, “खादा साक़त्वा युङ, मोदा कापेन्माचिछाङ म़कोप्नान्चिन।”
सध्या निवडलेले:
लुका 17: bap
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© Wycliffe Bible Translators, Inc. All rights reserved.
