Mateo 13
13
1Lusiku lwenulo Yesu wafumaga ku numba na wikalaga ha nguka ya nyanza. 2Na mbuto zivilingaga hawakwe kusika wingilaga mu wato na wikalagamo, na mbuto zyose zimaga ha nguka. 3Haho wavawilaga mingi mu mikolani wahaya:
Muvivi wafumaga kuja kukaviva. 4Na aho wavagi aliviva, zimo zyagwilaga mu nzila na manoni gizaga na gazilyaga. 5Na zimo zyagwilaga kwitale uko zikavile na vulongo wingi, na kunguno zyavagi zikavile na vulongo wingi zyamelaga itungo lili. 6Alisi aho limi lyafumaga, zyavavukaga, na kunguno zyavagi zikavile na mizi zyanyalaga. 7Na zimo zyagwilaga mu mingʼhwa, 8na mingʼhwa gakulaga na gazipinehezaja. Alisi zimo zyagwilaga mu vulongo vusoga na zyambaja fisumo, zingi igana, zingi makumi mkaga, zingi makumi adatu. 9Homwene ali na matwi ga kwigwa, adegeleke.
10Na vahemba vamwegelaga, vuhaya, Kuki uliyomba 11navo mu mikolani? Alisi wavitavukaga, uhaya, Inwe mwapivagwa kumanicha mbisila ya vutemi wʼilunde, alisi avo vakapivilwe. 12Kwisi homwene ali nacho akongeziwa, nawe akuvi nacho cha vuyaga na masese; alisi homwene akavile nacho, icho ali nacho akupuziwa. 13Kunguno yeniyi ndiyomba navo mu mikolani, kwisi nulu valivona vakavile kuvona, na nulu valigwa vakavile kwigwa, 14ninga kumanicha ngʼo. Na mu venava vufumbuzi wamwa Yesaya wafikilile, vulihaya,
Kwigwa mukwigwa, alisi kumanicha ngʼo;
Kuvona mukuvona, alisi kuvona ngʼo.
15Kwisi moyo gwa va chalo cheniki gwalambile na vakavile kwigwa sisoga na matwi,
Na minso gavo vagatindizizye,
Kwigela ngʼo vavone na minso,
Na vigwe na matwi,
Na vamaniche na moyo,
Na vapiluke moyo,
Na nene navapizye.
16Alisi gelukilwa minso ginwe, kwisi galivona, na matwi 17ginwe, kwisi galigwa. Kwisi yalole ndimuwila inwe ati, vafumbuzi vingi na vagololoku vatamanilagwe kugavona genaya inwe muligavona, alisi vakagawine, na kwigwa genaya inwe muligigwa, alisi vakagigilwe.
18Lelo mugudegeleke mukolani:
19Homwene aligwigwa Muhayo gwa vutemi vuduhu kumanicha, aliza hawakwe mwenuyo Muvi na alisonza gwenugo gwavivilwe mu moyo gwakwe, mwenuyu ali kitisi izyo zyavivilwe ha nzila. 20Alisi izyo zyavivilwe kwitale zili kitisi mwenuyo homwene aligwigwa Muhayo na aligwanukula wangu na kudeha. 21Alisi akavile na mizi mugati nawe na alijama itungo ido duhu, alisi ulu galivuka maluduko ninga kupeziwa kunguno ya Muhayo, haho aligayilizya. 22Izyo zyavivilwe mu mingʼhwa zili kitisi mwenuyo homwene aligwigwa Muhayo, na myanya zya, liwelelo na vuyengani wa nsavo ziligupinehezya Muhayo na gulidila vuduhu fisumo. 23Izyo zyavivilwe mu vulongo vusoga zili kitisi mwenuyo aligwigwa Muhayo na aligumanicha; mwenuyo alifyambya fisumo, umo igana, ungi makumi mkaga, ungi makumi adatu.
24Na wavalangisaja mukolani gungi, uhaya, Vutemi wʼilunde vulimwikola munhu homwene wavivaga mbiyu nsoga mu mugunda gwakwe. 25Alisi aho vanhu valalaga, wizaga mwanisi wakwe na wavivaga mbiyu zya 26ngese mugati na ngano; na wajaga. Alisi aho mumelo 27gwakulaga na gwavisulaga, haho ngese yigelaga. Alisi vakumba vakwe vamwegelaga mwene numba, vumuwila, Guku, ukavivile mbiyu nsoga mu mugunda gwako, lelo ngese zyafumilehe? Alisi alivawila, Mwanisi witile yeniyi. 28Vakumba valimuwila, Ulikova tuje 29tukazigesele na kuzikuminga? Alisi wavawila, Byololo, kwigela ngʼo muzidubule ngano hamohene na ngese. 30Muleke zyose ivili zikule hamohene kusika hakwimbula; na itungo lya kwimbula nkuvawila vimbuzi, Musogole hambele ngese na muzitunge miligo na muzitwime, alisi ngano muzipone mu nhungugu zyane.
31Na mukolani gungi wavalangisaja, uhaya, Vutemi wʼilunde vuliyikola mbiyu ya haradali, hoyene munhu wayisolaga na wayivivaga mu mugunda gwakwe. 32Yili ndo kukila mbiyu zyose, alisi ulu yakulaga yuvi nhanya kukila miti yose ya makuvi, guvi muti, na manoni gʼilunde guwiza guwikala mu matambi gago.
33Mukolani gungi wavawilaga, Vutemi wʼilunde vulilikola itumbyo, holyene mukima walisolaga na walisangilizaja na ngelo idatu zya vufuma, kusika vose watumbaga vuliko.
34Yeniyi yose Yesu waziwilaga mbuto zya vanhu mu mikolani, na vuduhu mikolani akayombile navo ninga muhayo gumo ngʼo; kigele muhayo gufikile hogwene gwayombilwe na mufumbuzi, alihaya,
35Nkuyomba mu mikolani, nkuziyomba hozyene zyavisilwe vukumbu na kutundwa kwa liwelelo.
36Haho wayidahaja mbuto na wingilaga mu numba; na vahemba vakwe vamwegelaga, vuhaya, Utulotolele mukolani gwa ngese mu mugunda. 37Alisi witavukaga, uhaya, Muvivi wa mbiyu nsoga ali Mwana wa Munhu. 38Alisi mugunda guli liwelelo, na mbiyu nsoga vali vana va vutemi; alisi ngese vali vana va mwenuyo Muvi, na mwanisi homwene wayivivaga ali Shetani. 39Kwimbula kuli isilo lya liwelelo, alisi vimbuzi vali vamalaika. 40Kitisi ngese zilikumingwa na kutwimwa, sisyo 41sisyene yikuviho hʼisilo lya liwelelo lyenili. Mwana wa Munhu akuvatumizya vamalaika vakwe, na vakukuminga mu vutemi wakwe magayilizyo gose na venavo 42hovene valita tuvi; na vakuvaponezya mu ngʼanzo ya moto, mwenumo kukuviko kulila na kusya mino. Haho vagololoku vakuyekema kitisi limi mu vutemi wa Vava wavo. 43Homwene ali na matwi ga kwigwa, adegeleke!
44Vutemi wʼilunde vuliyikola nsavo yavisilwe mu mugunda hoyene munhu wayikugaga na wayivisaga, na mu kuyidehela alija ukaguzya gose ali nago, na ugugula mugunda gwenugo.
45Hangi vutemi wʼilunde vulimwikola munhu musuluzya homwene wazikovage lulu nsoga. 46Alisi aho wayivonaga yimo ya mupango muhanya muno, wajaga na wagaguzaja gose ago wavagi nago, na wayigulaga yeniyi.
47Hangi vutemi wʼilunde vuliwikola vukila waponezivagwa mu nyanza na wakumingaga masomba ga mitindo yose. 48Alisi aho vokalaga vavudutilaga ku nguka, na vikalaga na vagasolelelaga masoga mu fiseme, alisi mavi vagatagaga. 49Sisyo yikuvi hʼisilo lya liwelelo. Vamalaika vakufuma na vakuvalekanya vavi na vagololoku, 50na vakuvaponezya mu ngʼanzo ya moto, mwenumo kukuviko kulila na kusya mino.
51Mumanikizye yose yeniyi? Valimuwila, Ndio. 52Alisi wavawilaga, Kunguno yeniyi uyo mumanicha fitabu homwene wahembekagwa kunguno ya vutemi wʼilunde, alimwikola mwene numba homwene alifumya mu mbika yakwe fipya na fya kale.
53Na yakwilaga, aho Yesu wamalaga mikolani yeniyi wafumagako. 54Na aho wafikaga mu kaya umo wakulilaga wavahembekaga mu sinagogo yavo, syenisyo vose vakumaja na vayombaga, Mwenuyu wapivilwa 55kuhe masala genaya na nguzu zyenizi? Mwenuyu akavile mwana wa museremala? nina akavile kwitanwa 56Maria? na vazunaye vakavile Yakobo na Yosefu na Simoni na Yuda? na valumbuye vakavileho vose hamohene niswe? Haho kuhe mwenuyu wagapivilwa 57gose genaya? na vagayilizaja kunguno yakwe. Alisi Yesu wavawilaga, Mufumbuzi akagayivagwa isima sumbwa mu chalo chakwe mwenekili na mu numba yakwe yene. 58Na akitile henaho milimo mingi ya nguzu kunguno ya ivengwe lyavo.
सध्या निवडलेले:
Mateo 13: Nym51
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
Nyamwezi New Testament © Bible Society of Tanzania, 1951.
