Génesis 5
5
Adánpita miraqkuna
1 Crónicas 1.1-4
1Kaychömi qellqashqa kaykan Adánpa tsurinkunapä y paykunapita miraqkunapäpis.
Runata kamar kikin niraqtam Tayta Dios kamarqan.#Mat. 19.4; Mar. 10.6. 2Ollqutapis warmitapis paymi kamarqan. Kamanqan junaqmi Tayta Dios nirqan paykuna runa kanqanta. Tsaypitam kay patsachö alli kawayänanpä bendisarqan.#Gén. 1.27-28.
3Pachak kimsa chunka (130) watayuq Adán kaykaptinmi tsurin Set yurirqan. Tsay tsurinqa taytan rikuqllam karqan. 4Tsurin Set yurinqanpita puwaq pachak (800) wata masrämi Adán kawarqan. Paypaqa tsurinkuna ollqupis y warmipis kayarqanrämi. 5Isqun pachak kimsa chunka (930) watayuq kaykarmi Adán wanurqan.
6Pachak pitsqa (105) watayuq Set kaykaptinmi tsurin Enós yurirqan. 7Tsaypitaqa Set kawarqan puwaq pachak qanchis (807) wata masrämi. Setpa tsurinkuna ollqupis y warmipis kayarqanrämi. 8Setqa isqun pachak chunka ishkay (912) watayuq kaykarmi wanurqan.
9Enós isqun chunka (90) watayuq kaykaptinmi tsurin Cainán yurirqan. 10Tsurin Cainán yurinqanpita Enós kawarqan puwaq pachak chunka pitsqa (815) wata masrämi. Enóspa tsurinkuna ollqupis y warmipis kayarqanrämi. 11Enósqa isqun pachak pitsqa (905) watayuq kaykarmi wanurqan.
12Cainán qanchis chunka watayuq (70) kaykaptinmi tsurin Mahalaleel yurirqan. 13Tsurin Mahalaleel yurinqanpita Cainán kawarqan puwaq pachak chusku chunka (840) wata masrämi. Cainánpa tsurinkuna ollqupis y warmipis kayarqanrämi. 14Cainán isqun pachak chunka (910) watayuq kaykarmi wanurqan.
15Mahalaleel joqta chunka pitsqa (65) watayuq kaykaptinmi tsurin Jared yurirqan. 16Tsurin Jared yurinqanpita Mahalaleel kawarqan puwaq pachak kimsa chunka (830) wata masrämi. Mahalaleelpa tsurinkuna ollqupis y warmipis kayarqanrämi. 17Mahalaleel puwaq pachak isqun chunka pitsqa (895) watayuq kaykarmi wanurqan.
18Jared pachak joqta chunka ishkay (162) watayuq kaykaptinmi tsurin Enoc yurirqan. 19Tsurin Enoc yurinqanpita Jared puwaq pachak (800) wata masrämi kawarqan. Jaredpa tsurinkuna ollqupis y warmipis kayarqanrämi. 20Jaredpis isqun pachak joqta chunka ishkay (962) watayuq kaykarmi wanurqan.
21Enoc joqta chunka pitsqa (65) watayuq kaykaptinmi tsurin Matusalén yurirqan. 22Enocqa Tayta Dios munanqannömi kawarqan. Tsurin Matusalén yurinqanpita kimsa pachak (300) wata masrämi kawarqan. Enocpa tsurinkuna ollqupis y warmipis kayarqanrämi. 23Enoc kawarqan kimsa pachak joqta chunka pitsqa (365) watam. 24Tayta Dios munanqannö kawanqanpitam Enocta Tayta Dios kawaykaqta pushakurqan.#Heb. 11.5; Jud. 14.
25Matusalén pachak puwaq chunka qanchis (187) watayuq kaykaptinmi tsurin Lamec yurirqan. 26Lamec yurinqanpita Matusalén kawarqan qanchis pachak puwaq chunka ishkay (782) wata masrämi. Matusalénpa tsurinkuna ollqupis y warmipis kayarqanrämi. 27Matusalénpis isqun pachak joqta chunka isqun (969) watayuq kaykarmi wanurqan.
28Lamec pachak puwaq chunka ishkay (182) watayuq kaykaptinmi tsurin yurirqan. 29Tsurin yuriykuptinmi Lamec nirqan: <<Kay patsata Tayta Dios maldicionashqa kaptinpis kay tsurïmi alli yanapamäshun arurpis alläpa mana ñakanantsikpä>>.
Tsaynö nirmi tsurinpa jutinta churarqan Noéta.#5.29 Noé ninanqa yanapakuq ninanmi. 30Noé yurinqanpita Lamec kawarqan pitsqa pachak isqun chunka pitsqa (595) wata masrämi. Lamecpa tsurinkuna ollqupis y warmipis kayarqanrämi. 31Lamecqa qanchis pachak qanchis chunka qanchis (777) watayuq kaykarmi wanurqan.
32Noé pitsqa pachak (500) watayuq kaykaptinmi tsurinkuna yuriyarqan. Tsay tsurinkunapa jutinkunam karqan Sem, Cam y Jafet.
सध्या निवडलेले:
Génesis 5: qxo
ठळक
सामायिक करा
कॉपी करा
तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन
© 2002, 2008, Wycliffe Bible Translators, Inc. All rights reserved.