يُحَنَّ 7

دٜىٰرْطِرَاࢡٜ عِيسَى نُطِّنَايْ مٛ

1ࢡَاوٛ مَنْ، عِيسَى وَانْشِ لٜسْدِ غَلِيلِ، نغَمْ عٛيِطَانٛ يَحُغٛ لٜسْدِ يَحُدِيَ، نغَمْ يَحُودُعٜنْ طٛنّٛ طَࢡَّ مبَرُغٛ مٛ؞ 2وَکَّتِ مَنْ، جُولْدٜ يَحُودُعٜنْ وِعٜتٜىٰندٜ جُولْدٜ بُکَّاجِ ࢡَدَکٜ#ڢَرِلَّاجِ لٜوِعٜنْ 23‏:34؛ تٛوکْتَاکِ تَوْرٜىٰتَ 16‏:13؞، 3دٜىٰرْطِرَاࢡٜ مَاکٛ مبِعِمٛ‏: «دِلُّ دِغَ نٛکُّورٜ ندٜعٜ، يَحْ حَا لٜسْدِ يَحُدِيَ، نغَمْ حَا ݠُکَرَعٜنْ مَاطَ بٛو نغِعَ کُوطٜ طٜ عَحُووَتَ؞ 4وَلَا مٛ سُوطَتَا حٛورٜ مُوطُمْ تٛ عٛيِطِ يِمْࢡٜ نغِعَ مٛ؞ ندٜ نِي عَطٛنْ حُووَ کُوطٜ طٜعٜ، وَنغِنْ حٛورٜ مَ حَا يِمْࢡٜ؞» 5کٛو دٜىٰرْطِرَاࢡٜ مَاکٛ مَا، نُطِّنَايْ مٛ؞ 6عِيسَى وِعِ ࢡٜ‏: «وَکَّتِ عَمْ وَطَايْ تَوٛنْ؞ عَمَّا نغَمْ مٛوطٛنْ، وَکَّتِيرٜ کٛو ندٜيٜىٰرٜ ڢُو، ندٜ ڢٛتُّندٜ؞ 7دُنِيَارُ وَاوَتَا وَࢩُغٛ عٛنْ، عَمَّا ندُ وَࢩَتَمْ مِنْ، نغَمْ مِطٛنْ سٜىٰدَنٛ ندُ نٛ کُوطٜ مَارُ طٜ کَلُّطٜ؞ 8نجٜحٜ حَا جُولْدٜ عٛنٛنْ کَمْ، مِنْ مِسِوَا يَحُغٛ، نغَمْ وَکَّتِ عَمْ وَطَايْ تَوٛنْ؞» 9ࢡَاوٛ عٛوِعِ ࢡٜ طُمْ، کَنغْکٛ عٛلُتِّ حَا لٜسْدِ غَلِيلِ؞

عِيسَى حَا جُولْدٜ بُکَّاجِ

10ندٜ دٜىٰرْطِرَاࢡٜ عِيسَى نجٜحِ حَا جُولْدٜ، کَنغْکٛ بٛو عٛيٜحِ تٛنْ؞ عٛوَنغَنَايْ يِمْࢡٜ، عَمَّا عٛيٜحِ بٜى سِرِّ؞ 11يَحُودُعٜنْ طٛنّٛ تٜڢَ مٛ ندٜرْ مٛوࢡْرٜ جُولْدٜ، ࢡٜطٛنّٛ ࢨَمَ‏: «تٛيْ مٛ؟» 12يِمْࢡٜ ندٜرْ مٛوࢡْرٜ مبٛلْوِ دٛوْ مَاکٛ طُوطُّمْ بٜى سٛڢْندَاغٛ؞ وٛطْࢡٜ طٛنّٛ مبِعَ‏: «عٛ غٛطّٛ غِطّٛ مبٛوطٜىٰنغَ؞» عَمَّا وٛطْࢡٜ بٛو طٛنّٛ مبِعَ‏: «نَا نٛنْ سَمْ، عٛطٛنْ مَجِّنَ يِمْࢡٜ؞» 13عَمَّا وَلَا مٛ وٛلْوِ دٛوْ مَاکٛ بٜى بَنغُطُمْ، نغَمْ ࢡٜطٛنْ کُلَ مَوْࢡٜ يَحُودُعٜنْ؞

14ندٜ رٜىٰتَ ࢩَلْطٜ جُولْدٜ شَالِ، عِيسَى نَسْتِ حَيْکَلِيرُ، ڢُطِّ عٜکِّتِنْغٛ يِمْࢡٜ؞ 15يَحُودُعٜنْ کَيْطِنِ، مبِعِ‏: «نٛيْ عٛحٜࢡْرِ عَنْدَلْ بِنْدِ، کَنغْکٛ مٛ جَنغَايْ؟» 16عِيسَى جَابِ ࢡٜ‏: «کٛ مِعٜکِّتِنْتَ عِوَايْ حَا عَمْ، عَمَّا طُمْ عِوِ حَا اَللَّه نٜلْطٛ يَمْ؞ 17تٛ غٛطّٛ يِطِ وَطُغٛ مُويٛ اَللَّه، عٛعَنْدَنْ تٛ عٜکِّتِنٛلْ عَمْ عِوِ حَا اَللَّه مَلَّ تٛ مِطٛنْ وٛلْوَ نغِطَ عَمْ؞ 18کٛو مٛيْ وٛلْوِ نغِطَ مُمْ، طٛنْ طَࢡَّنَ حٛورٜ مُمْ تٜدُّنغَلْ؞ عَمَّا کٛو مٛيْ طَࢡِّ تٜدِّنْغٛ نٜلْطٛ طُمْ، عٛ غٛونغَاجٛ، وَلَا سٛويْندٜ عَدِلَاکُ ندٜرْ مَاکٛ؞ 19نَا مُوسَى حٛکِّ عٛنْ تَوْرٜىٰتَ نَ؟ عَمَّا وَلَا کٛو غٛوتٛ مٛوطٛنْ طٛوْتَنْتٛ کَ؞ کٛنِ عٛنْ طَࢡَّتَ مبَرُغٛ يَمْ؟» 20مٛوࢡْرٜ جَابِمٛ‏: «عَ غِنَّاطٛ‏! مٛيْ طَࢡِّ مبَرُغٛ مَ؟» 21عِيسَى جَابِ ࢡٜ‏: «مِحُووِ کُوغَلْ غٛوتَلْ تَنْ، عٛنْ ڢُو عٛنْ کَيْطِنِ؞ 22مُوسَى عُمْرِ عٛنْ جُولْنٛلْ#7‏:22 جُولْنٛلْ مَلَّ ندٜمْنٛلْ؞ – عَمَّا عُمْرٛورٜ ندٜ عِوَايْ دِغَ مُوسَى، ندٜ عِوِ دِغَ کَاکِرَاࢡٜ – نغَمْ مَاجُمْ عٛنْ طٛنْ نجُولْنَ ࢡِنغٜلْ غٛرْغٜلْ ࢩَلَادٜ سِوْتٛرْدٜ#لَاتَانٛوجِ 17‏:10؛ ڢَرِلَّاجِ لٜوِعٜنْ 12‏:3؞؞ 23تٛ عٛنْ طٛنْ نجُولْنَ غٛطّٛ ࢩَلَادٜ سِوْتٛرْدٜ، نغَمْ تَا عٛنْ لُوتَ عُمْرٛورٜ مُوسَى، کَدِ نغَمْ طُمٜ عٛنْ تِکَّنِ يَمْ نغَمْ مِيَمْطِتِنِ ࢡَنْدُ غٛطّٛ ڢُو ندٜرْ ࢩَلَادٜ سِوْتٛرْدٜ#يُحَنَّ 5‏:9؞؟ 24تَا کِيتٜ ڢٛدّٜ کٛ غِتٜ نغِعَتَ، عَمَّا کِيتٜ کِيتَ عَدِلِيحَ؞»

عِيسَى وٛنِ اَلْمَسِيحُ نَ؟

25وٛطْࢡٜ ندٜرْ يِمْࢡٜ عُرُسَلِيمَ مبِعِ‏: «نَا کَنغْکٛ وٛنِ مٛ ࢡٜطَࢡَّتَ نغَمْ مبَرُغٛ؟ 26ندَا عٛطٛنْ وٛلْوَ بٜى بَنغُطُمْ، عَمَّا ࢡٜمبِعَايْ مٛ کٛو طُمٜ؞ کَدِ عَرْدِيࢡٜ مٜىٰطٜنْ عَنْدِتِ ڢَکَتْ کَنغْکٛ وٛنِ اَلْمَسِيحُ نَ؟ 27تٛ اَلْمَسِيحُ وَرِ، وَلَا عَنْدَنْطٛ حَا عٛعِوِ، عَمَّا غٛرْکٛ عٛو کَمْ، عٜنْ عَنْدِ حَا عٛعِوِ؞»

28ندٜنْ عِيسَى طٛنْ عٜکِّتِنَ يِمْࢡٜ ندٜرْ حَيْکَلِيرُ بٜى سَوْتُ، عٛطٛنّٛ وِعَ‏: «عٛنْ عَنْدِ يَمْ، عٛنْ عَنْدِ حَا مِعِوِ؞ مِوَرَايْ بٜى نغِطَ عَمْ، عَمَّا نٜلْطٛ يَمْ عٛ غٛونغَاجٛ؞ کَنغْکٛ، عٛنْ عَنْدَا مٛ؞ 29مِنْ، مِعَنْدِمٛ، نغَمْ مِعِوِ حَا مَاکٛ، کَنغْکٛ نٜلِ يَمْ؞» 30ندٜنْ ࢡٜطَࢡِّ نَنغُغٛ مٛ، عَمَّا وَلَا مٛ مٜىٰمِمٛ، نغَمْ وَکَّتِ مَاکٛ يٛتَّاکِ تَوٛنْ؞ 31طُوطْࢡٜ ندٜرْ مٛوࢡْرٜ نُطِّنِمٛ، ࢡٜطٛنّٛ مبِعَ‏: «تٛ اَلْمَسِيحُ وَرِ، عٛوَطَنْ کَايٜىٰڢِيجِ کٛ ࢡُرِ غٛرْکٛ عٛو نَ؟»

عَيْنٛوࢡٜ حَيْکَلِيرُ تٜڢِ نَنغُغٛ عِيسَى

32ڢَرِسَعٜنْ نَنِ نغُرْنغُرْتٛلْ مٛوࢡْرٜ دٛوْ عِيسَى، ندٜنْ ࢡٜنَرِّ بٜى مَوْࢡٜ لِمَنْعٜنْ، ࢡٜنٜلِ عَيْنٛوࢡٜ حَيْکَلِيرُ نغَمْ نَنغُغٛ عِيسَى؞ 33عِيسَى وِعِ‏: «مِطٛنْ وٛنْدِ بٜى مٛوطٛنْ وَکَّتِ سٜطَّ تَوٛنْ، ندٜنْ مِلٛرٛ حَا نٜلْطٛ يَمْ؞ 34عٛنْ تٜڢَتَمْ، عَمَّا عٛنْ تَوَتَا يَمْ، نغَمْ عٛنْ مبَاوَتَا يَحُغٛ حَا نغٛنَنْمِ؞» 35يَحُودُعٜنْ ࢨَمْࢨَمْتِرِ‏: تٛيْ عٛتَمِّ يَحُغٛ حَا عٜنْ مبَاوَتَا تَوُغٛ مٛ؟ عٛتَمِّ دِلُّغٛ حَا لٜسْطٜ طٜ يَحُودُعٜنْ سَنغْکِتِيࢡٜ شَکَ يُنَنِنغْکٜعٜنْ#7‏:35 يُنَنِنغْکٜعٜنْ مَلَّ غِرٜکْعٜنْ؞ نغٛنِ نغَمْ عٛعٜکِّتِنَ يُنَنِنغْکٜعٜنْ نَ؟ 36عٛوِعِ‏: «عٛنْ تٜڢَتَمْ، عَمَّا عٛنْ تَوَتَا يَمْ، نغَمْ عٛنْ مبَاوَتَا يَحُغٛ حَا نغٛنَنْمِ؞» طُمٜ وٛلْدٜ ندٜعٜ يِطِ وِعْغٛ؟

مَاجٜ ندِيَمْ نغٜىٰتَمْ

37ࢩَلَادٜ تِمِّنِرْدٜ جُولْدٜ، کَيْرٜ ࢡُرِ ࢩَلْطٜ غٛطّٜ سَمْطِنٜىٰغٛ؞ ࢩَنْدٜ مَنْ عِيسَى عُمِّ، دَرِ؞ عٛوٛلْوِ بٜى سَوْتُ، عٛوِعِ‏: «کٛو مٛيْ طٛمْطِ، وَرَ حَا عَمْ، يَرَ#ڢَرِلَّاجِ لٜوِعٜنْ 23‏:36؞، 38کٛو مٛيْ نُطِّنِ يَمْ، بَنَ کٛ دٜڢْتٜرٜ وِعِ، مَاجٜ ندِيَمْ نغٜىٰتَمْ عِلَنْ دِغَ ندٜرْ مَاکٛ#عٜزٜکِيٜلْ 47‏:1؛ جٜکَرِيَ 14‏:8؞؞» 39عِيسَى وَطِ بَلْندٛلْ نغٛلْ دٛوْ رُوحُ مٛ نُطِّنْࢡٜ مٛ تَمِّ حٜࢡُغٛ؞ سَاعِ مَنْ ࢡٜکٜࢡَايْنٛ رُوحُ تَوٛنْ، نغَمْ عِيسَى سِوَا نَسْتُغٛ تٜدُّنغَلْ؞

يِمْࢡٜ لُورِ دٛوْ حَالَ عِيسَى

40ندٜ يِمْࢡٜ ندٜرْ مٛوࢡْرٜ نَنِ بٛلّٜ طٜعٜ، ࢡٜمبِعِ‏: «ڢَکَتْ، کَنغْکٛ عٛ اَلنَّبِيجٛ مٛ عٜنْ ندٜىٰنَتَ؞» 41وٛطْࢡٜ مبِعِ‏: «کَنغْکٛ وٛنِ اَلْمَسِيحُ؞» وٛطْࢡٜ ڢٜىٰرٜ ڢَحِنْ مبِعِ‏: «کَدِ، دِغَ غَلِيلِ اَلْمَسِيحُ عِوَتَ نَ؟ 42نَا دٜڢْتٜرٜ وِعِ اَلْمَسِيحُ عِوَنْ دِغَ دَࢩْغٛلْ دَاوُدَ، ندٜرْ بٜرْنِوٛلْ بَيْتِلَامَ، حَا دَاوُدَ وٛنّٛ#مِکَ 5‏:1؞؟» 43ندٜنْ لُورَلْ وَطِ حَکُّندٜ يِمْࢡٜ دَلِيلَ عِيسَى؞ 44وٛطْࢡٜ شَکَ مَࢡّٜ نغِطِ نَنغُغٛ مٛ، عَمَّا وَلَا مٛ مٜىٰمِمٛ؞

مَوْࢡٜ يَحُودُعٜنْ نُطِّنَايْ عِيسَى

45عَيْنٛوࢡٜ حَيْکَلِيرُ غٛ لٛرِ حَا مَوْࢡٜ لِمَنْعٜنْ عٜ ڢَرِسَعٜنْ، کَمْࢡٜ ࢡٜطٛنّٛ مبِعَ ࢡٜ‏: «کٛنِ عٛنْ نغَدَّايْ مٛ؟» 46عَيْنٛوࢡٜ نجَابِ‏: «وَلَا مٛ مٜىٰطِ وٛلْوُغٛ بَنَ غٛرْکٛ عٛو سَمْ؞» 47ڢَرِسَعٜنْ ࢨَمِ ࢡٜ‏: «عٛنٛنْ بٛو عٛنْ تٛکِّ عٜسْتٛ مَاکٛ نَ؟ 48وٛودِ کٛو غٛوتٛ ندٜرْ مَوْࢡٜ مٜىٰطٜنْ مَلَّ ندٜرْ ڢَرِسَعٜنْ نُطِّنِمٛ نَ؟ 49سٜيْ مٛوࢡْرٜ ندٜ عَنْدَا تَوْرٜىٰتَ، ندٜ نَالَاندٜ‏!» 50نِکٛدٜمُسْ، غٛوتٛ ندٜرْ ڢَرِسَعٜنْ وٛنْࢡٜ تٛنْ، مٛ مٜىٰطِنٛ يَحُغٛ حَا عِيسَى، کَنغْکٛ عٛوِعِ ࢡٜ#يُحَنَّ 3‏:1‏-2؞‏: 51«تَوْرٜىٰتَ مٜىٰطٜنْ دُنغَنِ عٜنْ حِيتَاغٛ غٛطّٛ دِغَ عٜنْ نَنَايْ مٛ، عٜنْ عَنْدَا کٛ عٛوَطِ نَ؟» 52ࢡٜنجَابِمٛ‏: «عَنْ بٛو عَ غٛطّٛ غَلِيلِ نَ؟ لِࢩُ بٛوطُّمْ ندٜرْ دٜڢْتٜرٜ، عَتَوَنْ وَلَا اَلنَّبِيجٛ کٛو غٛوتٛ عِوَتَ دِغَ غَلِيلِ؞»

دٜبّٛ جٜىٰنٛووٛ

53ندٜنْ کٛو مٛيْ حٛوتِ سَارٜ مُوطُمْ؞

सध्या निवडलेले:

يُحَنَّ 7: داَ

ठळक

सामायिक करा

कॉपी करा

तुमचे हायलाइट तुमच्या सर्व डिव्हाइसेसवर सेव्ह करायचे आहेत? साइन अप किंवा साइन इन

دٜڢْتٜرٜ اَللَّه ڢُلْڢُلْدٜ عَدَمَوَबद्दल अधिक जाणून घ्या