Tavaꞌu 17 मधील लोकप्रिय बायबल वचने

सामायिक करा

Xe no tauu ie ane Avalamu tauu iexu mulai muxali loxo mavulovexa muxatele tami'a mo muxatele tami'a (99), la IAUE muxali mupala'a noxou la muvikalanu aloxo 'o, “Eni Lataua ane xaviinu misevile. Nini nalomuxo mo namulinu masaxa noxilo mo na'oxonu 'ili'ilixo ane lailaixesi no ieli utotomu.

Maasi la ualasine lexe Avalamu la ua, amoxoine lexe Avalaamu, xo eni aalusine sou nini naxali mutu'u ovuxa'a ta mitema no xalexalee tuatuala ukalusi.

Eni apala'alixu vaikala sou opo vilesisi ne aloxo 'o. Ta 'ilu'ilusuneni ne ixali tavu'alo misevile la ixalixa'a ta mitema iouiou sou xalexalee tuatuala ukalusi. Vaikala sou opo vilesisi eni esakiinu noxine ne, uxolu mo umauli no nixi noxinge nengei, mo no nixi noxi'a ta xasixasine ilo'a ta 'ilu'ilusuneni ane ipaa ili'i mo kaluxu uasi. Eni Lataua noxine mo noxi'a ta 'ilu'ilusuneni kalumo.

“Nenge nengei tasakiinu vaikala sou opo vilesisi 'o, la sou avikalaneni lexe ulai aso vile, la nini mutu'uovuxa'a ta mitema tavu'alo.

Xe Lataua muavuti la mukolinu vaikalau aloxo 'o, “Uasi. Semameni Sala ne, ivo'onumeni keakea mulu la sou nini namoxo'u ualasou lexe Aisaki. Eni apala'alixu vaikala sou opo vilesisi eni esakiinu noxine 'o uxolu noxou xe noxi'a ta 'olu ilo'a ta xasoxasou mo ta 'ilu'ilusunu, mo kaluxu uasi manina.

Lia ane nini nene'e nexolu no anu 'o nga'a ngingi ngongi'a uasi, xo ngingi ngene'e ngexolu no anu 'o loxo ta aasilasi, ia eni aitingenge ngongi'a ta 'ilu'ilusuneni lialia ne Kanani ne ukalusi. Ta xasixasine ilo'a ta 'ilu'ilisuneni liaxa'a manina ane, mo eni axali Lataua noxinge ngongi'a manina.”

Xe Avalaamu mulomu noxou Lataua aloxo ne mukalu, la muxola'u tava'u tamei sou mutulu no tava'u vo'uvo'uxu ka sou mutangatulu mulu'elai no lia sou motoxonu ia mukeke xo tanu muvikala lexe, itema vile tauu iexu uxali loxo itemaxu ta'uve (100), ia upalaa loxovaa 'o? Xe Sala ne, ane tauu iexe muxali loxo mavulovexa muxatele tami'a (90), ia ane ipalaa loxovaa?

Xe ili'i la, la Lataua muvikalanu Avalaamu aloxo 'o, “Maasi la nini namoxoe semameni lexe Salai la ua, vaimomo 'o mo ulai avile ili'i ne namoxoe lexe Sala.

Usoko ane vaimomo 'o mo ulai ili'i ngatetelisou 'ilixo sou xooxoo ungasi'a ta mulu, xo anu sosovo sou vaikala sou opo vilesisi ane nengei tesakiinu. Xooxoo ungaasi'a ta keakea ta mulu ane ta neni'a mivo'one'i mo voxosi'a uao ta'uvesi mo muxatele tatalu. Ta mitema ane ngeno'a sou mine'e mixolu noxinge sou ngapalupalusi'a ne ta 'ili'ili'a ilo'a ane'i ane ngelotone'i no xalexalee tuala se'i va'axu ne ta 'ili'ili'a kalumo.

Ia, lexe Sala ivo'onu Aisaki no anu tauu ie alavua, la nexi noxousi tasakiinu vaikala sou opo vilesisi ne.”

Usoko ane vaimomo 'o mo ulai ili'i ngatetelisou 'ilixo sou xooxoo ungasi'a ta mulu, xo anu sosovo sou vaikala sou opo vilesisi ane nengei tesakiinu. Xooxoo ungaasi'a ta keakea ta mulu ane ta neni'a mivo'one'i mo voxosi'a uao ta'uvesi mo muxatele tatalu. Ta mitema ane ngeno'a sou mine'e mixolu noxinge sou ngapalupalusi'a ne ta 'ili'ili'a ilo'a ane'i ane ngelotone'i no xalexalee tuala se'i va'axu ne ta 'ili'ili'a kalumo. Ta mulusinge ne, xooxoo ungasi'a ukalusi. Mo sou sosovo ane ne upala'alixu vaikala sou opo vilesisi nenge tesakiinu. Vaikala sou opo vilesisi ane nenge tesakiinu ne uxoo aloxo ne mo umomomo sou ukalu uasi.