YOHAAN 11 मधील लोकप्रिय बायबल वचने

सामायिक करा

Yesus ki thoḵa yim gwo mo ki: Aha/ tana mompinu dhali moŋ’koki/e mo be. A’diyin jin gamki aha/ gwo is mo tani ba a’di jin wuki’d mo tani hili a’di midi di ki e mo be. Dhali a’diyin jin di’d ki e dhali gam aha/ gwo is mo tani a’di midi diki wu ki sule/ mo. A/gwo yansan gama /e is mo ’te/sana?

Yesus ki owa yim gwo mo ki: Dika/ ki ṯor /e gwo mo waḵki/ /e mini ’taki gam gwo is mo tani /e mini ’taki p̱ar monyca ma Arumgimis e mowa?

Yesus gwoki’d mo be.

Hili ka Yesus ciḵki gwo yansan mo tani a’di ki o gwo mo ki: ’Pemen ’ba’th yansan yisa ta mowuwa. A’di ta mii gom monyca ma Arumgimis mo, wakan ki Ya/ ma Arumgimis minu kar ki ca gom a’di mo be.

Ki a’di oki gwo wakansan mo tani a’di cuuki’d ki dhan ’twa/ jin caaca mo ki: Li/aasar, piyu/ ka pije/ mo. Wathi/ jin wuki’d mo piki’d ka pije/ mo, me’d piti dhali sho’k piti ’tamkunu is ki burrinyen dhiny e jin kanuwa kan mo dhali bwam/em piti a’di ’tamkunu mo ki burrinye/ si’da/ mo. Yesus ki o uni gwo mo ki: ’Cuḵi a’di mo ma dhali dhalki a’di ya’d mo.

Dhali yan’ko’d Yesus den ma du mo e shi/in piti doḵ/e mo dhali a’di p̱u’dki’d e moŋ’kup̱aje mo. A’di ta jis wosh jin ’kolkunu mo dhali wosh karkunu mo mmo’dap̱ a’di ’twa/ mo be.

Wakansan a’di oki gwo mo dhali yan’ko’d ṯor uni gwo mo ki: Akam bana ka Li/aasar a’di ishki e mo, hili aha/ mina ya mo mmomer a’di e mo ’peni mo/ish e mo be.