Luik 17 मधील लोकप्रिय बायबल वचने

सामायिक करा

Jesus saed tae tha man, “Rise up an gang yer wye, yer faith haes made ye weel.”

An ïf he keeps on daein ye wrang seiven times a day an ïs sorrie iverie time, then ye maun still forgie hïm.”

An yin o thaim, whan he saen he wus cured, turnt bak an cryed oot at tha tap o hïs voice, “Praise God!” Then he faad doon at Jesus' feet an gien thenks. An tha man wus a Samaritan, sae he wus.

Lïsten here, ïf summodie daes ocht agin ye, tell hïm he shudnae hae daen ït, an ïf he says he's sorrie, then forgie hïm.

“Dïd A no cure ten men?” axt Jesus. “Whar's tha ither nine? Hae nane o thaim cum bak tae gie thenks tae God apairt frae thïs foreigner?”

An tha Loard saed, “If yis haed faith as smaa as a mustèrt seed even, yis cud say tae thïs mulberry tree, ‘Cum oot bi tha ruit an plant yersel ïn tha sea’, an richt awa ït'd dae whut ït's toul.

Whaiver houls on tae hïs life wull loass ït, an whaiver gies up hïs life wull aye hae ït.

Yin day Jesus saed tae hïs follaers, “Thair'll aye be temptation tae dae wrang, but dear halp tha yin that daes tha tempin! It wud be faur bettèr fer hïm ïf a mïllstane wus hung roon hïs neck an he wus drapt ïntae tha sea, rether ner hïm leadin yin o these puir wee craitèrs asthray.

Whaniver tha Sinn o Man cums bak, ït'll be jist laik ït wus ïn Noah's day. Fer fowk wus aitin an drïnkin an gettin merriet, richt up tae tha verie day Noah went ïntae tha airk, then tha wattèr floodit an aa wur droont.