Lukas 14 मधील लोकप्रिय बायबल वचने

सामायिक करा

‘Esun ku bini serka Mi, mester distansiá su mes di su mama i tata, su kasá i su yunan, su ruman hòmber i ruman muhé; asta di su mes bida. Sino e no por ta mi disipel!

E mester karga su krus i sigui Mi, sino e no por ta mi disipel.

Pasobra tur hende ku alsa su mes, lo ta humiliá, ma esun ku humiliá su mes, lo ta alsá!’

Asin'ei boso kada un mester entregá tur loke boso ta poseé, sino boso no por ta mi disipel.

Si un di boso ke traha un toren, e n' ta sinta promé pa konta kuantu sèn e ta salié i wak si e por kab'é? Pasobra si e pone e fundeshi so, sin kaba e trabou, tur hende ku mir'é ta harié! Nan lo bisa: “E hòmber a kuminsá un trabou, sin por a kab'é.”

Ora bo tene fiesta, mihó bo kombidá hende pober, mankaron, koho i siegu. Lo ta un legria pa bo ku nan no por hasi nada bèk. Pasobra lo bo haña bo rekompensa dia e hustunan lanta fo'i morto.’

Enberdat, salu ta un kos útil. Ma si salu mes pèrdè smak, ta ku kiko ta dun'é stansha atrobe? E ora ei e salu no ta sirbi ni pa tira riba tera ni den mèst; mester tir'é afó. Esun ku tin orea, tende!’