Lucas 17 मधील लोकप्रिय बायबल वचने

सामायिक करा

Tawamhã Zezusi hã ma tô tãma tinha, ãne: — Aiwahutu. Aimorĩ oto. Asina ĩ'umnhasizé hã ma tô aipese.

Misi bâtâ 'remhã, 7 na asada wasété wamhã, duré wasété sidâpâ, nasi aima siwẽ'õ wamhã, ãne te te nasi aima nharĩ wamhã: “Wa ĩsi'ruiwapa”, ãne wamhã, tô ãma 'madâ'â tõ, asada iwasétézé hã.

Tawamhã misi ihâiba pese na si'madâ'â wa, ma tô apâ sina siri, 'Re ihâimana u'âsi mono ãma wata mono sina, mreme 'rãihâ na. Tawamhã hi'rãtitõ ma Zezusihi papara aime. Ma tô ãma tiwata. Ta hã Samaritanu na iwamri.

Tahawa, ãma 're pibui pese za'ra wa'aba mono. Asisãnawã hã asada wasété wamhã, aimreme hã tãma pẽtẽ. Duré tiwasété na sisãmri wa si'ruiwapari wamhã, ãma 'madâ'â tõ, asada iwasétézé hã.

Tawamhã Zezusi hã ma tô sadanha, ãne: — Oro aibâ norĩ hã 10 na pese za'ra za. E mahãta tawamhã 9 na ihâiba za'ra hã.

Tawamhã Zezusi hã ma tô ãma sada'âbâ za'ra, ãne: — 'Re ihâimana u'âsi mono asina 're i'umnhasi za'ra wa'aba mono zé hã romnhamare isuru pesere hã mostarda na rowede potozém ne, aima hâimana za'ra wa'aba 'wa'âhã, nharĩ waihu'u pese za'ra wa'aba di aré, ã hã rob'rã figu wede ma hã, ãne: “Asisa'o'o, â poré wa asisãrĩ da.” Tawamhã asadawa zarina wa'aba te aré tô aiwapari 'wa.

Ni'wa hã tihâimanazép si te te sima 're sawi mono wamhã, ta hã te za sisimini. Tazahã, ni'wa hã tihâimanazé te te sima 're sawi mono õ wamhã, ta hã te za sisõ'reptu.

Tawamhã Zezusi hã ma tô tãma nharĩ za'ra, isiré 're inomro mono norĩ ma, ãne: — Marĩ hã te za tô 're wairébé, ni'wa hã te te 're i'manharĩ mono zéb zarina, da te 're 'manharĩ za'ra mono wa, dawasété na ãma 're idasi'morõpãrĩ za'ra mono zéb da hã. Tane nherẽ, danhipai u tãma 're ropipa uptabi mono di za, dama rob'rã'rata'wai ma hã, isirã zarina 're danomro mono wa. Dama rob'rã'rata'wai ma hã, tãma ropipa di aré, â poré â 'rehâ uptabi wa, da te mei wamhã, ẽtẽ tõmo wawẽ amnho zubzém na 'rãiwazi ré. Tane nherẽ, taha nhipai u tãma ropipa uptabi di za, tiwasédé te te i'manharĩ u'âbâ, nimahã ã hã ai'uté hã tiwasédé te te 're 'manharĩ mono wamhã.

Noé hã 're hâimana mono ré, 're iromhâimana mono ne, te za duré tiromhâiba za, Ti'ai ãma Dasiré Ipodo hã apâ we imorĩzé ro'rutu wamhã. Â pusi mono õ ré hã, marĩ hã ma tô da te 're 'manharĩ za'ra, da te 're i'manharĩ u'âsi za'ra mono zéb zarina. Ma tô 're dasaihuri. Ma tô duré da te 're âhuri. Ma tô duré dasina 're damro za'ra, Noé hã uba're wa isébrézéb u. Tawamhã âpusi mono zé hã ma tô oto watobro. Ta hã ma uburé da'uprosi.