Zuwã 10 मधील लोकप्रिय बायबल वचने

सामायिक करा

E marĩ da, te isimisaihuri norĩ hã wa'ra u 're sisisi. Pone'ẽrebâ zô te 're nomro, te te dawi 're waibui mono wa, te te dawi 're simroi mono da. Tanei õ di, wa hã. Wa hã wa tô we datẽme mo, robzei u'âsi ĩ'ãma 're danomro mono da, duré 're dadâ'â za'ra mono ãna, 're dasi'ubumroi u'âsi mono da, hâiwa ãma.

— Wa hã pone'ẽrebâ 'madâ'â'wa iwẽ na, wa ĩsiwasu'u. Pone'ẽrebâ 'madâ'â'wa iwẽ, i'u'âbâ za'ra dâ'â da nherẽ, tihâiba te te 're sawi mono õ di.

Ĩnhib'a'uwẽ si te za ĩmreme hã te te 're wapari pese za'ra. Duré pone'ẽrebâ tede'wa, tinhimizama te te 're i'awaihu'u mono ne, wa tô ĩnhib'a'uwẽ norĩ hã waihu'u za'ra. Ta norĩ si te za ĩnhimiroti hã te te 're 'madâ'â pese za'ra.

Ta norĩ ma, wa za pisutu za'ra, 're dâ'â za'ra mono ãna, 're hâimana u'âsi za'ra mono da, hâiwa ãma 'Re ihâimana u'âsi mono 'rata. Ni'wa hã te te ĩwi 're waibui mono õ di za, ĩzazei'wa norĩ hã.

Wa hã, 'ridawa na wa ĩsiwasu'u, ĩsiwaprosi Danho'reptui'wai wa. Taha na ni'wam norĩ ĩ'ãma 're sisisi mono wamhã, te za tinho'reptuzé te te sina 're uwaimrami za'ra. Pone'ẽrebâ hã wa'ra u sima iwẽ na 're isisisi mono ne, duré sima iwẽ na apâ 're iwairébé mono ne, te za duré ta norĩ hã sima iwẽ na 're hâimana za'ra. Duré pone'ẽrebâ tisa te te 're isõpẽtẽ wẽ za'ra mono ne, te za ĩzazei'wa norĩ hã rowẽ te te 're sõpẽtẽ za'ra.

Wa hã pone'ẽrebâ 'madâ'â'wa, isimizawi pese na, wa tô ĩsina simiré'é, ĩzazei'wa norĩ te 're azawi pese mono wa. Ĩmama hã ma tô ĩwaihu'u, ti'ra na. Wa hã wa duré õ hã waihu'u, Ĩmama na. Tane duré ĩzazei'wa norĩ hã wa tô te 're awaihu'u u'âsi, ĩnhib'a'uwẽ na. Ĩzazei'wa norĩ hã ma tô duré ĩwaihu'u za'ra, tinhib'apito na. Ta norĩ zada, wa za ĩsisawi ãna hã dârâ, te 're anho'reptui mono da.

Ĩmama, ma tô ĩma pisutu za'ra, ĩnhib'a'uwẽ si 're nomro mono da. Ta hã danhipai u, uburé dama pire di, Ĩmama hã. Uburé marĩ ma, pire di, hâiwa ãma ti'ai ãma zama. Tahawa, ni'wa hã te te tiwi 're waibui waihu'u mono õ di za. Wa norĩ hã aiwa wawaihu'u pese di, Ĩmama me.

Wa hã pone'ẽrebâ 'madâ'â'wa, isimizawi pese na, wa tô ĩsina simiré'é, ĩzazei'wa norĩ te 're azawi pese mono wa. Ĩmama hã ma tô ĩwaihu'u, ti'ra na. Wa hã wa duré õ hã waihu'u, Ĩmama na. Tane duré ĩzazei'wa norĩ hã wa tô te 're awaihu'u u'âsi, ĩnhib'a'uwẽ na. Ĩzazei'wa norĩ hã ma tô duré ĩwaihu'u za'ra, tinhib'apito na. Ta norĩ zada, wa za ĩsisawi ãna hã dârâ, te 're anho'reptui mono da.

Dasi'uihâ na da te dasiwi ĩwĩrĩ da hã mare di. Ĩsi'uihâ na, wa za dârâ, dazada. Wa za duré hâiwa'udu, ĩsi'uihâ na. Ãne wa za 'manha, Ĩmama te te ĩma ipisutuzéb zarina.

Tawamhã Zezusi te duré dama tinha, ãne: — Tô sena wa za aima ĩsiwasu'u za'ra wa'wa. Wa hã wa 'ridawa na ĩsina simiré'é, pone'ẽrebâ da te 're i'mazasi za'ra mono zém na wa'ra u hã.

Tite wa, te te 're azawi pese, tinhimizama hã, pone'ẽrebâ 'madâ'â'wa hã. Tãma iromhuri'wa hã tite õ wa, te te 're azawi pese mono õ di. Taré rob'uiprazéb zô si, te te 're romhuri. Robzahi hã we sô morĩ wamhã, te za tiwi wara. Pone'ẽrebâ, te za rẽme za'ra. Tahawa, te za 'mai'â, robzahi hã. Te te 'mai'âri wamhã, te za ãma ropé.

Tawamhã Zezusi te duré pone'ẽrebâ tede'wai wasu'u hã dama wasu'u. Ãne te dama wasu'u: — Tô sena wa za aima rowasu'u za'ra wa'wa, pone'ẽrebâ tede'wai wasu'u na. Pone'ẽrebâ hã wa'ra 're, 're simi'wara mono wamhã, isimisaihuri hã 'ridawa u, sô 're sisisi mono õ di. Wa'ra na si te za sô 're sarõtõ za'ra.