Génesis 6 मधील लोकप्रिय बायबल वचने

सामायिक करा

Caw jix cus scꞌul Jehová, catuꞌ jix yalon jaxca tiꞌ: Majtaꞌ wal jin waꞌne wan ánima tiꞌ. Caw yaꞌ chi wabꞌ yu ebꞌ.

Jix yilon Jehová tol yelcꞌulal wal chi too ebꞌ ánima yin spenail bꞌey sat txꞌotxꞌ tiꞌ, caw asanne yin spenail eyoc snaꞌbꞌal ebꞌ.

Asanne naj Noé watxꞌ naj yul sat Jehová.

Jaꞌton skꞌaneal naj Noé tiꞌ: Jaꞌ naj Noé tuꞌ, caw watxꞌ cꞌal jix yute sbꞌeybꞌal sattaj Jehová, asanne naj watxꞌ snaꞌbꞌal xol ebꞌ ánima yet jun tiempoal tuꞌ. Jix sbꞌeybꞌalne naj jaxca chi yoche scꞌul Jehová.

Jix yaloni: Oj jin qꞌueyel wan ánima jix jin waꞌne sat txꞌotxꞌ txꞌotxꞌ tiꞌ, yetoj cꞌal noꞌ jobꞌbꞌeal noꞌ, noꞌ xol-laj teꞌal noꞌ, cꞌal noꞌ chi sjutx sbꞌa sat txꞌotxꞌ, yetoj cꞌal noꞌ tzꞌiquin. Caw chi tac jin cꞌul yu jix jin waꞌne ebꞌ an, ẍi Jehová.

Jaꞌ yet jix chꞌibꞌ sbꞌisil ebꞌ ánima bꞌey sat txꞌotxꞌ txꞌotxꞌ tiꞌ, ey cꞌal scutzꞌin ebꞌ jix ali. Jaꞌ ebꞌ naj yuninal Jehová, jix yiloc scꞌul ebꞌ yin scutzꞌin ebꞌ ánima tol caw watxꞌ yili oc ebꞌ ix, catuꞌ jix cꞌoli sicꞌlen el yistil ebꞌ naj xol ebꞌ ix. Yuxan jix yalon Jehová: Manxa oj jin tenchane ebꞌ ánima tiꞌ yin spenail, yutol cambꞌeal ánima yeoc ebꞌ, yuxan asanxane 120 abꞌil oj ecꞌ ebꞌ ánima bꞌey yul yibꞌankꞌinal tiꞌ. Jaꞌ yet jun tiempoal tuꞌ, jix yiꞌle sbꞌa ebꞌ naj yuninal Jehová yetoj ebꞌ ix scutzꞌin ebꞌ ánima tuꞌ, jaꞌ yuninal ebꞌ jix ali, jaꞌton ebꞌ chi yij Nefilim. Jaꞌ ebꞌ tuꞌ caw ey yip ebꞌ, caw wal bꞌinabꞌil ebꞌ yet peyxa tuꞌ.

Jaꞌ Noé jix sjije masanil tzetyetal jix al-le tet yu Jehová.

Jix yalon Jehová tet naj Noé jaxca tiꞌ: Jaꞌ tinaniꞌ tol oj jin qꞌueyel masanil ánima sat txꞌotxꞌ txꞌotxꞌ tiꞌ. Yutol yaxkꞌainaj xacꞌal chi yute sbꞌa ebꞌ, yuxan oj jin qꞌueyel masanil tzetyetal bꞌey yul yibꞌankꞌinal tiꞌ.

Jaꞌ tinaniꞌ xin, waꞌne junoj teꞌ miman barco. Jaꞌ teꞌ teꞌ ey skꞌolal cha waoc yin. Cuartolaj cha wute yul, caw watxꞌ chi yun ja waꞌneni, cha waoc kꞌol bꞌey chi snubꞌle sbꞌa teꞌ. Cha waon oc yin, cꞌal yul, yet watxꞌ cꞌam chi octoj jaꞌ jaꞌ yul.

Jix yilon Jehová xin, tol masanil ánima jix etex el snaꞌbꞌal, jacꞌal spenail chi yun ebꞌ.

Catuꞌ oj ja waon octoj noꞌ noꞌ ja wetoj yul teꞌ barco tuꞌ, junjun moan noꞌ yin junjun tujan noꞌ ey yul yibꞌankꞌinal tiꞌ, yet watxꞌ chi iquisbꞌi ecꞌ noꞌ jaxca jex tiꞌ.