Ruk. 12 मधील लोकप्रिय बायबल वचने

सामायिक करा

Atumsha núnisrumek anearum pujustarum. Wi Aents Ajasu tutai aya aneachmanum tátatjai” tímiayi.

Antsu emka Yusna nu enentáimtustarum. Túrakrumni̱ṉkia atsumamna nuna Yus suramsattawai.

Nuyá̱ tímiayi “Péṉker enentáimsatarum. Ni takakna núja̱i̱ṉ shuar iwiaaku áchatniuiti. Tuma asamtai kuítrintin ajastin aya nuke enentáimsaip.”

Kuítrum tui̱ aa, nui̱ tuke enentáimtittiarme. Tuma asamtai takakrumna nu surukrum atsumainia nu susatarum. Nuka eṉketai̱ arut ajatsna nui̱ eṉkeatniua núniskete. Túrakrum nayaimpinmaya̱ kuit amúatsna nu íkiauwearme. Nui̱sha kasa nu kuítian kasamkataj tusa waya̱chminiaiti, tura ka̱ya̱sha nu kuítian yúatniun tujintiawai.

Tura yaki ti enentáimna nuja̱i̱ nú naya ajasminiait.

Nuyá̱ ni unuiniamuri̱n Jesus chicharainiak “Warí yuarik pujustajⁱ tura wariṉ entsartajⁱ tusarum nuke ti enentáimsairap.

Wats ashamkairap. Untsurí chiṉkiji̱a̱i̱ naṉkaamas Yuska atumín enentáimturmarme. Warí ame intiashmin mash Yus nekapmaruiti.

Winia murikrutiram ashamkairap. Untsuríchuitrume. Túrasha atumí Aparí̱ ni akuptáiri̱i̱n pachitmaktasa ti wakerutmarme.

Chiṉkiniam enentáimsatarum. Nisha arakmainiatsui. Juuk yurumkan ikiuiniatsui. Tuma ai̱ṉ ni yurumke̱n Yus tuke suawai. Atumsha chiṉkiji̱a̱i̱ naṉkaamaschakaitrum.

Ju̱ nuṉkanam ana nu ti pachikiairap. Chíkich shuar Yusan nékainiatsna nu wariṉ yuattajⁱ tura umartajⁱ nuna ti pachiniawai. Tura atumsha tu enentáimsairap. Urukatjak tiirap. Ame Apa nayaimpiniam pujana nu ashí atsumarmena nuna nékawai.

Iis, nupa̱ yamái tsakaawai tura kashin aents tsupikiar jinium apeánáwai. Tuma ai̱ṉ Yus ti shiir awajeatsuk. Nuna tura asa atumniasha nú péṉker waitmakchattawak. ¿Urukamtai Yus nekas enentáimtatsrum?

Núnisaṉ ashí paantcha ana nu iwiainiakma átatui. U̱kma ana nusha nekaamu átatui.