Popular Bible Verses from Génesis 6

सामायिक करा

Oshequi ocantimonentanacari catsini Tasorentsi ineacojeitaqueri oca yantajeitaqueri irovetsicane.

Ari ineaquero Tasorentsi oshequi catsini caari cameetsatatsi yantajeitaqueri atiripee. Icantani iquenqueshiretapinijeitaquero irantajeitero caari cameetsatatsi.

Irintiquea ineacameetsataque Tasorentsi NoÉ.

Jeroca cantacotiriri iriori NoÉ: Yora NoÉ icameetsatasanotaque, icantani iquemisantasanotaqueri Tasorentsi. Te inquempejeiteariji itsipapee, apaniro icanta iquearioventaqueneri icoacairiri.

Icanti: “Nontsoncajeitajerita maaroni atiri novetsicajeivetacari quipatsiqui aisati maaroni virantsipee, noshicayetachari aisati vanquiyetachari. ¡Oshequi ocantimonentaquena yantajeitaqueri!”

Yoshequiasanojeitantanacari catsini atiripee, ineajeitaquero quemisantajeitiriri Tasorentsi ocameetsavorojeitaque tsinanepee. Irosati icoyeanontajeitantaca inintacaajeitacari, ijinantajeitacaro. Iro cantaincha te onimoteriji Tasorentsi oca yantajeitaqueri. Icanti: “Yoca savicajeitatsiri te incameetsajeiteji; tempa atiri ini. Oshequi yantajeitaquero caari cameetsatatsi. Eiro noshinetajiritsi intimaje incanteani. Meeca oncaratavaje 120 osarentsi intimajeitavaje.” Yora aajeitaquerori tsinanepee itimacaajeitaquero itomipee antearitsantsayetatsiri. Iriojeitaque peerani irioperori catsini manajeitachari.

Ari imataquero NoÉ maaroni icantaqueriri Tasorentsi.

Irosati icantantacari Tasorentsi NoÉ: “Nocoaque nontsoncajeitajeri maaroni atiripee. Iriotaque cantacaajeitacarori oshequi catsini yoavacaapinijeitaca. Aitaque nontsoncajeitajeri aisati maaroni novetsicajeitaqueri.

Meeca povetsique antearo pitotsi. Pivancotaquero aisati pintantoyetaquero tsompoina. Impoiji pintsineyetaquero tsompoina aisati acaqueroca, eiro oqueajatantatsi nija.

Ineaquero Tasorentsi quipatsi jaaca catsini caari cameetsatatsi aisati oayeritantsi. Maaroni atiripee te incameetsajeitanaje, yoavacaajeitanaca.

Aisati pintejeiteri maaroni virantsipee. Incarayetaque apitepee, aparo shirampari, aparo tsinane. Inquempejeitempita paneajeitaje.