Johanes 14 मधील लोकप्रिय बायबल वचने

सामायिक करा

Fräd lot ekj junt, mienen Fräd jäw ekj junt. Ekj jäw junt nich soo aus de Welt jeft. Lot junt nich daut Hoat beorrujen, un fercht junt nich.

Jesus säd to am: Ekj sie de Wajch, de Woarheit un daut Läwen, kjeena kjemt nom Voda buta derch mie.

Lot junt nich daut Hoat beorrujen! Jleeft aun Gott un jleeft aun mie!

Oba de Treesta, de Heilja Jeist, dän de Voda en mienen Nomen schekjen woat, dee woat junt aules lieren, un junt aun aul daut denkjen halpen, waut ekj to junt jesajcht hab.

Wäa miene Jebooten haft un helt, bewiest doamet, daut hee mie goot es. Un wäa mie goot es, dän woat mien Voda goot sennen, un ekj woa am goot sennen un mie am openboaren.

Un ekj woa dän Voda froagen, un dee woat junt eenen aundren Treesta jäwen, dee eewich bie junt bliewen woat. Daut es de Jeist, dee Woarheit es, dän de Welt nich kjrieen kaun, wiels dee dän nich sitt un uk nich kjant. Jie oba kjanen dän, wiels dee wont en junt, un woat met junt sennen.

Un waut jie en mienen Nomen bäden woaren, daut woa ekj doonen, daut de Voda derch dän Sän jeieet woat. Waut jie en mienen Nomen bäden woaren, woa ekj doonen.

Wäa mie goot es, woat miene Jebooten hoolen.

En mienem Voda sien Hus sent väl Woninjen. Wan daut nich soo wia, wudd ekj junt daut jesajcht haben. Ekj go aulsoo han, junt de Städ reedtomoaken.

Un wan ekj hango, de Städ fa junt reedtomoaken, woa ekj trigj komen un junt uk doahan nämen, daut jie doa sent wua ekj sie.

Tomas säd to am: Har, wie weeten nich, wua du hanjeist, un woo kjenn wie dän Wajch weeten?