Popular Bible Verses from Gn 6

सामायिक करा

Yuj cha, xyaln 'ixtic: Octom wal ma'ix in b'o jun tzo'n̈ 'anma tic, caw wal ya tzwab' yuj eb'.

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Cojxn wal Noé wach' snab'en 'a sat Jehová.

Atn yab'xil win Noé tic: A Noé, caw wal wach' xyutj sb'a 'a sat Dios, cojxn win wach' snab'en 'a scal eb' 'anma 'a yic jun tiempoal cha, 'ix sb'eylb'ej 'icha tznib'j Dios.

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

A yic xq'uib' sb'isl eb' 'anma 'a sat lum lum tic, 'ay yisl eb' x'alji. Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix. Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi. A 'a yic jun tiempoal cha, xyij sb'a eb' yunnal Dios yet' eb' 'ix yisl ewin 'anma cha, ax yunnal eb' x'alji, 'ix 'ajx sb'ic eb' Nefilim. Atn wal ta 'ix checlj chan̈ eb' 'anma to caw wal 'ay yip, b'inab'il eb' 'a yic pecti cha.

Yuj cha, syiclni Noé sb'on smasnil tas xyal Dios 'a 'a.

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

A ticnec b'o junc te barco niwquil tz'aji, a te te 'ay stzatjil tza'ch 'a 'a; cuartotac tz'aj yojol, caw wach' tzotej. Tza'ch tzatj 'a 'aj tzchaj sb'a te', tza'ch 'a spatquil, yet' 'a yojol, sec wach' matz 'och a a 'a yojol.

'Ix yiln Dios to smasnil 'anma 'ix juw 'eli, cojxn maysch'olnil tzlaj sb'o eb'.

Ax yoch pax no noc' eyet' 'a yojl te barco cha, jun no smam jun no snun, a tzyal yin̈tl no 'ay 'a yolyib'n̈q'uinl tic, sec wach' pitzn yin̈tl junjn c'aj e no', 'icha eyaj ax tic.