Luka 11 मधील लोकप्रिय बायबल वचने

सामायिक करा

Ma nahyi, nji ɗǝɗǝmwaˈyi wu sǝni nǝ nyi anǝ wazhar hyi sǝ mǝmǝnahǝu, abari ngǝ Dǝrhyi kǝra a dǝmǝlma? Ju sa nǝ nyi Mambǝl Cicau anǝ njira wu kǝdi ara ja.”

“Ya vǝr na anǝ hyi, hya dumwa ǝnga kǝdiyau, nju nǝ hyi. Hya dumwa ǝnga gal, hyu uya. Hya dumwa ǝnga tsatsa tsu, nju pahǝna hyi.

Ara kalar ndǝra kǝdiyau, nju nǝ nyi, kalar ndǝra gal, ju uya, ndǝra tsa umbwa tsu, nju pahǝna nyi.

Ba ji na anǝ nda, “Ma hyu kǝdi Hyal, hya na, “ ‘Dǝrˈya, thlǝmǝ ngǝ ja nggya cicau, tǝlkur ngau ja shili.

Tǝfǝbiya ˈya bikǝr ˈya, ǝnggǝr kǝra ˈyi tǝfǝbiya njira mǝliya ˈya bikau. Tǝfǝbiya nyi anǝ kalar ndǝra mǝliya ˈya bikau. A sara ga hǝr ˈya a ndar vir dzǝ mai.’ ”

Ɗar ˈya sǝr sǝm nǝ ǝshina, ǝnga nǝ kalar pǝci.

Li ca ngǝ mbǝmbǝl nǝ dzau. Ma liya gǝ mǝnahǝu, dza gǝ patǝ wu nyabiya dzǝ ǝnga mbǝmbǝl. Ama ma liya gau aˈyi jamǝ mai, patǝr dza gǝ tsu wu nda nyabiya dzǝ ǝnga kuthlǝu.

“Nja sǝn mbǝbiya pitǝlla ba nja mbuya ǝgya kiɗa tǝm mai. Ama nja kyaga fiya a dar madzigam, ar vi kǝra ja sǝn mbǝl anǝ kalar ndǝ kǝra a vu ki kau.