मरकुसो 5 मधील लोकप्रिय बायबल वचने

सामायिक करा

यीशुज़ि दोहरंङ साते कुतोह, “मियो, का ठीक शुहचे इलोन; छना कुचे केई गिऊ टोहकठे विशवास लहज़ातन। शांतिरंङ साते इला, दंङ केनोह दि बीमारीरंङ साते बचेके तोह।”

दुह भीड़ो बिचंङ इच्च़ा झांह ठ्रोह मेच़मी तोहई, अतिंङ सनी साल बेहच़ी शुहई बहेक्फिमी बीमारी तोहई। दोई बेदातु दोरच़ी इलाज लहचे लेह महस दुख उठाषी, दंङ दोई एनोह भत्ते टंगा ढबाह खर्च ले च़रति पर दोबि छले फायदा मा शुई, बल्कि दोऊ बीमारी ऊई ला महसे बेहसा इलि।

दोहथले दोऊ शुई बहेक्पी बंद शुहचे इलि। दंङ दोई एनोह फुकाङ चेहती कि गेह ठीक शुहचे इलि।

यीशुज़ि दुह मेच़मी कटु गुहड़ च़ुमज़िरी दंङ दोबि एनोह भाषा रिंङ कुट्री लेहती, “तलिता कुमी।” अतु मतलब शुह, “हे मेच़िमी कटु, गेह कनिंङ कुट्रातग खड़े अहच़ु।”

अपेहल यीशु दी कुट्री लेहकी तोहई दंङ दुह ए मुका दुह प्रधान याईरो चूंङज़ि मीहच़ी अंज़े कुट्री लेहती, “गुरुबि दुख थाह रोंहू छना कुचे का मीओ सी ए इलज़ा।” अंऊ गप्पा दोच़ी कुट्रातेर, यीशु दुह मा रेड्रातिका ते दुह प्रधानो हखा कुहतो, “थाबेऊ; दंङ सिर्फ गिऊ टोहकठे विशवास लोहु! कि दुह षिङे योतो।”

यीशुज़ि दोऊ अंद्रेग अंऊ मांजी आत्मा तोहई दोऊ हखा कुंई, “हे मांजी आत्मा दिह मीहबी केट्रा धह्कते हुंच़ा इली।” मांजी आत्मा ए यीशु हखा हाऊष रेह कुंहई, “हे महान परमेश्वरो योह यीशु! केई गेरंङ साते छि जुन्ज़ातन? गेह करंङ साते परमेश्वरो मिंदंङ बिनती लहज़ातग कि केई गिह्बी दुख थारोंह।” यीशुज़ि दुह मांजी आत्मा रंङ साते रुहक्ती, “कनु मिन छी शुह?” मांजी आत्माज़ि कुहतो, “गिऊ मिन सेना शुह; छना कुचे ञेंरे दिह मीह ऊ अंद्रेग महसे तोतोंई।”