मत्ती 24 मधील लोकप्रिय बायबल वचने

सामायिक करा

दंङ अधर्म बढेकपरिंङ साते एनातु बिचंङ दाह योह्सा योतो। पर अंऊ जीवनो अंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

दंङ परमेश्वरो राज्यो पाहठी दिह रूठे खबर भत्ते संसारारंङ प्रचार शोतो कि भत्ते देशो जाति ज़ि दिबी ग्रहण लहज़िमी मोका खोकसोतो। दोहथल संसारो अंत अपतो।

अपेहल केहच़ी लड़ाई, दंङ लड़ाई तु गप्पा थक्पोंई दंङ बेंईन थाह, छना कुंई साते ता दी शुहबी ज़रूरी शुह, दंङ दुह टेमारिंङ संसारो अंत मा शोतो।

छना कुचे इच्च़ा जाति मीहरे ऊईजातिऊ मीहतु खिलाप शोर दंङ इच्च़ा देश ऊई देशो खिलाप शोर, दंङ अकाल शोतो ए भुयंल अपोतो। दिह भत्ते गप्पारे तकलीफो शुरूआत शोतो।

सर्ग ए धरती योह्सा योतो, दंङ गिऊ गप्पारे अपेहल योह्सोतो माह।

छना कुचे महस मीहच़ी गिऊ अधिकारो दावा लहच़ी अपोर दंङ कोहर, गेह मसीह शुगाह दंङ महस मीहतिंङ धोखा रमोंर।

दंङ दोरे मीहरे अंऊ केहतु बिरोध लाहतोर बरदो रंड्रीमी थल्जी केरे च़ुमयतो केरे सचे केओर, दंङ गिऊ टोहकठे बिशवास लहज़िमी रंङ साते भत्ते जातिऊ मीहच़ी केतंङ साते बैर लोहर। दंङ महसज़ि गिऊ टोहकठे बिशवास लेह ब्याड़ा लेह केओर दंङ इदि अईदीबी च़ुमज़ि लोहर, दंङ एनातु बिचंङ बैर तोहर। महस हप्सी भविष्यकंड्रारे अच़ा अपोर, दंङ महस मीहतिंङ धोखा रमोर।

यीशुज़ि दोतिंङ जुबाब रेंई, “खबरदार तोहई अच़िया केरे भरमासी माजूंस

दिऊ थल्जी केरे लाह त्याहर तोंई, छना कुचे अंऊ घड़ीऊ पाहठी केहच़ी सोचेक्सी मा, दुहए घड़ी गेह मीहू योह अच्च़ा अपोग।

दिऊ थल्जी केहच़ी चेहकी तोईनी, छना कुचे केहच़ी माह ञेंहई कि केहतु प्रभु अपेहल अपतो।

पर गिऊ अई फेरा अपिमी पाहठी सही टेम अच़िला माह ञेंहऊ, माह स्वर्गदूताज़ि, माह गेह योह बि, सिर्फ बाहबि दुह ध्याड़ाओ पाहठी पता तोह।

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

छना नूह ओ ध्याड़ारिंङ तोईरे, ध्वांए मीहू योहऊ अपिला शोतो। छना कुचे छना तिऊ प्रलय ओ तुहई कि ध्याड़ाङ अंऊ ध्याड़ा तचेक नूह जहाज़ंङ मचहढेकाते, दोतिंङ तचेक मीहच़ी ज़ोआतेर तुंङमातेर, दोतु विचंङ ब्याहरे शवातेर। दंङ तिऊ प्रलय ओ अंज़े दोरे रेंज़ा माहशिली दोहथल तचेक, दोतिंङ छले शुहंङसी माहदी; ध्वांए गेह मीहू योहऊ अपिला शोतो।