मत्ती 18 मधील लोकप्रिय बायबल वचने

सामायिक करा

छना कुचे अंऊर झुह्ट या षुमु गिऊ मिनज़ि ठ्रोहका शोर, दोर तिंङ गेह दोतु बिचंङ शुहबी।”

दंङ गेह केतंङ कुट्रातग अगर केहतु बिचंङज़ि झुह्ट मीहरे धरतीरिंङ छिआ गप्पो थल्जी इच्च़ा सेहम लेह पेहणी ताह दंङ दुह गिऊ बाहऊ दोरच़ी अरी स्वर्गंङ तोह दोऊ थल्जी शुहचे योतो।

यीशुज़ि इच्च़ा कटु बि बुलाके दोतु बिचंङ खड़े लहरी। दंङ कुहतो, “गेह केतंङ हेले कुट्रातग अपेहल तचेक केरे कटुतु ठ्रोह मशोंई केरे स्वर्गो राजंङ पिचे मरपोंई।

अच़िला दिह कटु ठ्रोह ऐनाबि कवचि लोहतो, दुह स्वर्गो राजंङ मोह्ड़े शोतो।

अगर अच़िया गिऊ चेला शुहबिमी बज़ाहज़ि अरीया कटु अपनाच़ा, दंङ दोई गेह अपनाच़ा।

गेह केतंङ हेले कुट्रातग छिल्ला केहच़ी धरतीरिंङ छुपोंई दुह स्वर्गंङ छुहसोतो दंङ छिल्ला धरतीरिंङ युहपोंई दुह सर्गंङ युह्प्सोतो।

दिऊ थल्जी केहतु बिचंङ ज़ि हर इच्चे अपेहल तचेक केन्दु साथी न्वाबि माफ मलेहई दंङ गिऊ बाह अरी स्वर्गंङ तोह केतंङ साते ला ध्वांए लोहतो।”

पर अच़िला गिऊ टोहकठे विशवास लहज़ा चाहे दुह कवचि ए शोतो अरीला मीह दोबि पापो अमो दोरच़ी लेन्ज़ा दोऊ विशवासो दोरच़ी थलका लोहतो, झांह ठ्रोह मीहबी परमेश्वरो सज़ा खोकसिरी बे रुठे तोह कि दोऊ मुथूरिंङ घहटो रघ छ़ुचे दोबि समुन्द्र छांङे च़रतु छना कुचे परमेश्वर दोबि दिह्बे बेह्द अंज़े सज़ा रमतो।

केहच़ी छि समझेक्च़ातंई कि अगर अरीआ मीहू राह मा रे शुईरे, दंङ दोतु बिचंङज़ि इच्च़ा योंहंषा यवा दंङ दोई पी निंज़ो स्सकू तिंङ छोड़ेके दंङ गोहतु टोईच़ी दुह योंहंषा त्रैंई पेट्री मेहओतो आ?