मत्‌‌ती 5 मधील लोकप्रिय बायबल वचने

सामायिक करा

माणसे दिवु धपाड़ीन चवकी तळे नी मेके, बाकुन दीवाळ्‌या पर मेके, चां सी चु दिवु, तीना आखा घरन्‌याक वीजाळो आपे। तेरेन तसोत तुंद्‌रो वीजाळो माणसे पर चमके, काहाकी चे तुंद्‌रा वारलु कामेक देखे, ने जु तुंद्‌रु भगवान बास सरगे मां छे, चे बी तीना बासेन बड़ाय करसे।

तुहुं कळीन माणसे वाटे वीजाळान तसा छे, ने चो साताय नी सके। जसों काहनोक सहर उचा बयड़ा पर वसलो रहे, तसात तुहुं बी रवजु।

“जे मन मां चुखला छे, चे बरकतवाळा छे; काहाकी चे भगवान काजे देखसे।”

“वारला काम वाटे जे भुकला ने तीसला छे चे बरकतवाळा छे; काहाकी भगवान तीनुक खावड़ाय्‌न नीरसा कर देसे।”

बाकुन मे तुहुंक असु कहं की आपणा वेरी सी परम करु। ने जु काहनुक एला पाड़े तींद्‌रे वाटे दुवा करु

“जे आपसा जीव-आत्‌मा मां गरीब छे चे बरकतवाळा छे।” काहाकी सरगेन राज तींद्‌रोत छे!

“जे मेळ कराड़ने वाळा छे, चे बरकतवाळा छे! काहाकी चे भगवानेन पुर्‌या-पारी कह्‌वाय्‌से।”

“जे दुखी हय्‌न कलपे, चे बरकतवाळा छे; काहाकी तीनुक सांती जड़से।”

जे वारलु काम करने सी दुख झेले, चे बरकतवाळा छे; काहाकी चे सरग वाळा भगवान पुठ्‌ये राज करसे!

“जे दयाळा छे, चे बरकतवाळा छे; काहाकी भगवान तींद्‌रे पर दया करसे।”

तुहुं बरकतवाळा छे, जत्‌यार माणसे मार पछळ चालने सी तुंद्‌री नाव-बद्‌दी करे, ने अळी एला पाड़े ने लुच्‌चाय मेली-मेलीन तुंद्‌रा बारामां गलत वात करे। तत्‌यार तुहुं खुस रवजु, काहाकी तुंद्‌रे वाटे सरगे मां बेसको मटो ईनाम जड़से। जी वात तसीत छे जसी की तुंद्‌रे सी पेहलेन भगवानेन अघली वात बताड़न्‌या काजे बी चे माणसे लग एला पाड़तेला।

“जे भुळा-भाळा छे; चे बरकतवाळा छे; काहाकी चे धरतीन हकदार बणसे।”

तुहुं धरतीन माणसेन नण छे; बाकुन कदी नणुत मुळो हय जाय, ती पछेन तीनाक काय सी खारो करसु? ने चो काहना बी काम मां नी रहे, बाकुन तेरो अतरोत काम मां आवे की बाहर उराट देसे। ने माणसेन पाय तळे रंदळाये।

तेरेमां तुहुं पुरा-पुरा पाक्‌का बणु, जसु तुंद्‌रु सरग वाळु भगवान बास पुरु-पुरु पाक्‌कु छे।

ने तुंद्‌री वात “हव” हय ती “हव” कवजु ने “नी” हय ती “नी” कवजु, काहाकी ज काय एरे सी अदुस कहें, चो कुहर्‌या भुतड़ाम सी उब्‌जे।

“तुहुं पेहला माणसेक कहली वातेक सामळ्‌ळा हतला की, ‘डुळान बदले डुळु, ने दातेन बदले दात।’” बाकुन मे तुहुंक असु कहं की कुहराय करन्‌या माणसे सी बदलु घुण लेवु; बाकुन जु काहनाक तारे जेवड़े गाल पर थापड़ देय, तेरे भीणी दीसरु गाल बी फेरवी देजु।

कदी तारु जेवड़्‌यु डुळु उत्‌तर बणीन तुसेक पाप कराड़े, ती तीनाक नीकाळीन नाख दे; काहाकी तारे वाटे ज वारु छे की, तारा डील मां सी एक अंग नास हय जाय ने तारु आखु डील नरक आकठाम सी बचणु तार वाटे वारु छे। ने कदी तारु जेवड़्‌यु हात तुसेक पाप कराड़े, ती तीनाक काटीन उराट दे; काहाकी तारे वाटे ज्‌य वारु छे की तारा डील मां सी एक अंग नास हय जाय ने तारु आखु डील नरक आकठाम सी बचणु तार वाटे वारु छे।