Matayo 17 मधील लोकप्रिय बायबल वचने

सामायिक करा

Nai mbu: «Bushi ebwemeresi bwenyu bùli bueke. Kubinali, nábabura kwa chiro angaba mbu ebwemeresi bwenyu bùngaba bueke nga hya kafuma hieke busese, mùnganabura ene ndulungu mbu: ‹Tèngaa anola, úye kuchikoma wala›, nai ingánaya'o. Kutanganachiba kandu kasibya ka kàtangaalikana era mùli. [

Mango Petero ábaa anáchiri áteta, unao-unao kwera kuulukira lumbumbu lwálangala, kuna kubasungula. Mwo'lu lumbumbu, mwera kuulukira murenge muuma ola wábaa wáteta mbu: «Onola i'Mwana wanyi musiirwa, i'utúla unyísimise. Mundaa mwámumvirisa!»

Yesu era kubǎkula mbu: «Aaye! Mu bandu be'sine suku mùli babi, kanji mutéte na bwemeresi busibya! Nyikáendekera kuba nenyu, na kunde nômvirisa emyasi yenyu kuikira mango chi? Nyíreteraa oyu mwana anola!» Yesu era kukaliira echihwasi cha chábaa chìri kwo'yu mwana, na chámutenga'ko. Unao-unao kuna kulama.