Luk 14 मधील लोकप्रिय बायबल वचने

सामायिक करा

“Ikil yɛ ɔmɔnɛmɔ ava kan namɛ, saŋ aka-teŋg mɛ afo ɛziavɛ ɔna nɛ ɛŋgwan ɔna, okeyi ɔna nɛ ɔvɔnʉ ɔnavɛ, ɔvɔnɛŋgwanɛ vanʉmbʉsʉ nɛ vakevi, masɛ nɛ ɛyɛma ɛna ɛŋga ga, nɛ ábɛ nɛ álɛ ɔnʉl wʉ ayeghe namɛ ga.

Masɛ ɔmɔnɛmɔ wʉ aka-bɛ agɔl ɛcian wʉ alʉŋwa mɛ ga, nɛ ábɛ nɛ álɛ ɔnʉl wʉ ayeghe namɛ ga.

Kici yɛ ɔmɔnɛmɔ wʉ akond ɔmɛnɛ ɔna kɛ ago, nɛ ósen nɔnʉn kɛ ɛyaŋ, nɛ ɔn wʉ asen ɔmɛnɛ ɔna kɛ ɛyaŋ, nɛ ókond ɔn kɛ ago.”

Kɛlɛ asɔ ɛnɛ anu vɛ nɛka-sɛɛl ɔmanɛmanɛ kɛɛ nɛlɛ nako ga, nɛ nɛ́bɛ nɛ́lɛ ɔnʉl wʉ ayeghe namɛ ga.

“Ɔnda wunu wʉ ikil yɛ aliye ala ɔn áma itimbe iyɛnelena, nɛ áka-mbaa nɛ ácaal kɛ ɛyaŋ, nɛ ávɔl ɛŋgɔl yɛ ɔn ácɔ, ndalɛsɛ áyen kasɛ ɛŋgɔl ɛna ɛ̂kɛma yɛ itimbe ɛna íkule ga? Ikil yɛ awa otiŋi saŋ alɛ wʉ áma-bɛ nɛ ákule itimbe ga, nɛ ɔmɔnɛmɔ wʉ ayen ɛnɛ, nɛ áyel ɔn icwe, nɛ ɔ́kaŋɛ ala, ‘Ɔnʉl wee alɛ-hee ɛmaana itimbe, kpa abɛ akule ɛnɛ ga!’

Asɔ ɔkambɛlɛ wʉ wʉla wábɛ vɛnʉl kɛ ituŋunu, bɛ vɛnʉl vɛ ɛcianɛvɛ, vɛ ogusuw, vɛwan, nɛ vapilesi, saŋ nɛ wʉ́yen ndalɛsɛ Ofilikpamɛ ócowu we. Masɛ itu ɛnʉlʉ iyɔɔ ɛ̃bɛ ɛkɔl we akɔɔ ayuwu ga, kpa nɛ Ofilikpamɛ ɔ́kɔl we kɛ ife yɛ vɛnʉl vasɛɛvɛ vásime kɛ ikund.”

“Mɛkaŋɛmɛ mɛ̂sɛva, kpa ikil yɛ mɛyile ɔnyɛŋɛnanavɛ ɔnavɛ, nɛ mɛ́yel naa sɛnɛ mɛ́kɛ-nyɛŋɛn? Nɛ mɛ́ma-lɛ nɛ mɛkpend ga tutu. Nɛ ówule mise amise. “Ɔnʉl wʉ alɛ nɛ atʉŋʉ ayaŋgwana, nɛ ãŋgwa.”