Matta 5 मधील लोकप्रिय बायबल वचने

सामायिक करा

Mɨ jǝ kul fitila lɛ ja sumtǝn kʌshifǝla tʌgo. Jǝ swa a dʌbʌl kʌngteng sǝ nǝbɔ a mʊgɔ lɔngɨɨ a kuwo nyalǝm gǝnɔ. A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

“Nǝjen jǝ́ nyalǝm yooligɨɨ. Tuulɔ nɨ ja mɔ a dʌbʌl tuli ke bɔ jǝ yʊtǝm.

Bwiligɔ na a nǝbɔ nǝn nǝl sagsagɨɨ, jʊ a bwɨɨ jǝ kuwo kuwo Kwaama.

Bwiligɔ na a nǝb nɨ a ya nǝl a maatǝm jʊ nɨ dǝngdǝngɨ, jʊ a bwɨɨ jǝ bo bo.

Jʊ mǝ sʊwa jen nɛ kǝngkɨɨ, jǝ́ swɨ nǝb kiim jenɔ. Jǝ́ maa nǝb nɨ nǝ jen gaalan nɛɨ gǝm keli.

“Bwiligɔ na a nǝb nɨ ja nyǝm bʊnǝn jinɔ a mʊgɔ yʊwaɨ, jʊ a bwɨɨ fɔlɔn lɔ Kwaamaɨ na a ji.

Bwiligɔ na a nǝb nɨ mʊrka yɨm kwamɨgǝn nɛɨ, jʊ a bwɨɨ jǝ jo ji gɔ bɛtɔ lɔ Kwaamaɨ.

Bwiligɔ na a nǝb nɨ nǝn kaltǝm nǝlɨ, jʊ a bwɨɨ jǝ nya nya yʌbtǝm nǝl.

Bwiligɔ na a nǝb nɨ nyʊwa gaalan nɛ a dul jʊ jʊ nɨ dǝngdǝngɨ, jʊ a bwɨɨ fɔlɔn lɔ Kwaamaɨ na a ji.

Bwiligɔ na a nǝb nɨ ji bʊnǝn nɛɨ, jʊ a bwɨɨ jǝ ji ji bʊnǝn jinɔ tʌji.

“Bwiligɔ na a jen, nǝn kwama nǝbɔ a tuwo jeni, ja nǝ jen gaalanɨ, ja sʊwala jen kɛl bwɨlantɨn a kɛl dul mɨɨ. Jǝ́ maa bǝlátǝm jǝbɔ fulotǝm nǝl dangǝn, jʊ a bwɨɨ jǝ́ yo yo lǝma gɔ a lada a kwama, nǝn gɔ gaalanɔ nǝbkuwotǝmkǝga nɨ a laa jen bɛtǝmɨ, a nɔɔɨ.

Bwiligɔ na a nǝb nɨ mɨ nǝn gungtǝm duli, jʊ a bwɨɨ kʊla tǝmɔ yǝlam a ji.

“Nǝjen jǝ́ mam tǝm nɨɨ. Na lǝma mamɔ a dɨmɨ, la jǝ bɛ nǝn lǝma gǝnɔ a fee? Mɨ nǝn bʊmǝn wo tag. Jǝ tǝlam fʌlen sǝ ja falam nǝn naa.

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Jʊtǝb nɨ jǝ́ sʊwa lɛɨ, bɛ a yǝlam ‘Ɔɔ’ jǝbɔ ‘Ɔ ɔ.’ Na a shu nyɨɨ, a jel a daagɔ Mammɔ woi.

“Jǝ́ kwɛl jǝ́ nyʊwa nyʊwaɨ jʊ ja sʊwaɨ gɔ, ‘Naan nugɔ n nu, naan nungʌnɔ n nungʌn.’ Kǝngkǝnɨ mǝ sʊwa jen nɛ, bɛ ka jǝ́ ywa lɛ naan a nʊ nɨ a maa jem bwɨlangkɛlɨ. Na nǝl a jǝga ń a dʊng kang jajǝngɨ, yǝla gǝm dʊng kang fɔlɔngɔ.

Na nu kang jajǝng mʊnɔ dǝg ń dǝg ń ń maa bwɨlangkɛlɨ, kʊʊtam gǝn mam fʌlen. A laa jǝl ń jʊ jinʌn bʊtɔ mʊnɔ win, jǝbɔ a wʊnɨ jǝ mal bʊtɔ mʊnɔ lɛ gwam a mʊgɔ lɔ kǝlaɨ. Na kang jajǝng mʊnɔ dǝg ń dǝg ń maatǝm bwɨlangkɛlɨ, bɛ ń mwatɨm gǝn mam fʌlen. A laa jǝl ń jʊ jinʌn bʊtɔ mʊnɔ win jǝbɔ a wʊnɨ jǝ mal bʊtɔ mʊnɔ lɛ gwam a mʊgɔ lɔ kǝlaɨ.