युहना 2 मधील लोकप्रिय बायबल वचने

सामायिक करा

एत हायःतोक्‌हाङः येसुइ ङ्‌हाकोः ग्‍याङ्‌ह्‌राय् जाङ्‌ह्आकान् गालील अन्‍चल्‌कोः काना त तोओ गाव्‌हाङः। ओहाङः ओउःकोः आन ताङ्‌ह्ओ ग्‍वम् छ्यानःआथास। छ्यानःआक्‌तीको येसुकुस् वाह्ओमयःइ ओउःकायः पेतो ङ्‌हाम्आथै।

“ङाकःताङ् दोह् हायःतीतेः वाङ्‌तेःआ ती। ङाकोः ग्‍वम् छ्यानःसा बेला दाह्‌धाङ्‌ल” त दाय्‍ह्‌ती येसु त्‍याङ्आ।

“लौ इ घ्‍याम्‍पालम्‌हाङः तीः कावःती ब्‍लीङ्‌ताक्‌नु” त दाय्‍ह्‌ती येसुइ नोकरीकायः तोआकान्। तोआक्‌तीको घ्‍याम्‍पापाय् ब्‍लीङ्‌ताक्आकानी “लौ द्याह् घ्‍याम्‍पासै तीः हक्‌ती ओउः तीः कीम्‌कोः मुल् नोकरीकायः लात्‌ती वानःनु” त येसु दाय्‍ह्‌ती तोआक्‌तीको ओउः अरु नोकरीलम्इ कीम्‌कोः मुल् नोकरीकायः याङ्‌साकायः बयःआकानी।

“लौ इ मन्‍दीर्‌पाय् ह्र्योङःती वाय्‌तेःचानी त खेःया ङाइ तीन् दीन्‌हाङः नया जाङ्‌ह्‌नाङः” त दाय्‍ह्‌ती येसु त्‍याङ्आ।

एत स्‍याव्‌मालो हायःओ च्‍यवःती झ्‍यान्‍ते येसुइ ला काकलुङ् छीत्आक्‌तीको ओउः लाइ सबैकायः मन्‍दीर्‌सै रुनःती ताह्आथास। स्‍याः भेदामेत्‌छ्याःमा ताह्‌ती ल्‍होक्‌ती ओउः पैसा सातओलम्‌कोः तैबल् प्‍लवःती ओउःमयःकोः पैसा म्‍होक्‌ती वाय्आकान्। फेरी ओउः परेवाः वीनःओलम्‌कायः “लौ इ वाःपाय् आलःनीङ्‌सी दा। ङाकोः आपाकोः कीम् बजार्‌लो लेखा जाङ्‌ह्‌तेःचानी” त दाय्‍ह्‌ती येसुइ जान्आथास।