Matius 13 मधील लोकप्रिय बायबल वचने

सामायिक करा

Hawua to nanawu i tana to narudu, eemi tauna to nangepe lolita Alatala pade laipahana hampena nadea mpuu wuana to nabelo i rara katuwuana. Kadea wuana, naria to hatu ngkani, ono mpulu ngkani pade tolu mpulu ngkani.”

Hawua to nanawu i tana to laikatuwui dunumpu rui, eemi tauna to nangepe lolita ee mai, naupawee kamere rara nangkambelai katuwua i rara dunia pade pebagiu kahugia nampaupi lolita ee hampena moma naria bununa i rara katuwuara.

Hawua to nanawu i wiwi dala, batuana: Tauna to nangepe lolita nangkambelai bewa Alatala noparenta halaku Magau, naupawee moma'i laipahana, alaana naratami Magau Heta namparampaki lolita ee lako rara pekiri tauna ee.

Hawua to nanawu i tana to nawatua, eemi tauna to nangepe lolita ee pade dungku itarimana hante goe rarana. Naupawee, moma'i nolari hampena hangoni'i aga nantaha. Hangka laipakaheha pade laiduahi'i habana lolita ee, dungku laihapuakanami peparahayana.

“Poparentaa Alatala ee mai, lairapaika ewa gagu to laitana i rara pampa. Hangkani tempo, hadua tauna nampahuma gagu ee, pade laitanana nculi. Keni kagoena, rau laipobaluna humawee gaguna, pade laiolinami pampa ee.”

Habagia mui hawuana nanawu i tana to narudu. Hawua ee mai natuwu duuna nowua. Kadea wuana, naria to hatu ngkani, ono mpulu ngkani, pade tolu mpulu ngkani.

Palelemi gando hante dono etu matuwu hingkani-ngkani duuna marata tempona rasangki. Tempo ee mei Ku'ulikaradamo to posangki: Palimpuru olu dono etu pade pou hampou-hampou bona rapapuhi. Napu ee, pade mipalimpurudi gando etu, miboli rara gampiriku.’ ”