Chan 19 मधील लोकप्रिय बायबल वचने

सामायिक करा

Yohmi hatuk o̱ Chisʋs ʋt wineka yash ishkot pisa mʋt, Ʋlhtaiyahʋshke, achi tok; yohmi cha aka yuhchunukli mʋt, fiopissa tok.

Yakohmi ha ya, nan oklu̱ha kʋt ont ai ʋlhtaha ka, Chisʋs ʋt ithana hatuk osh, Holisso Holitopa yʋt ont ai a̱hla chi̱ ka, Sa tukshilʋshke, achi tok.

Yohmi hatuk o̱ Chisʋs ʋt ishki, micha nan im ai ithʋna yʋmma i̱ hullo beka tuk mak osh itatuklot hinli na pisa mʋt, ishki ash o̱, Ohoyo ma! chiso ha̱ ish pisashke, im achi tok. Mihmʋt nan im ai ithʋna yash o̱, Chishki a̱ ish pisashke, im achi tok. Mihma nan im ai ithʋna yʋmmak ash osh hʋshi kanʋlli ʋlhpisa yʋmmak fehna ai‐ʋhlit ia ka, ohoyo hash ilauelit ilap in chuka akinli ho̱ bohli tok.

Amba Chisʋs ʋt a takali tuk a̱ okla ona mʋt, yʋmmʋto illi ma̱shko tuk o̱ pisa cha, yʋmmʋno hanali ha̱ ik kobahlecho ki tok. Yohmi kia tʋshka chipota ʋhleha yash ot achʋfʋt naksi a̱ na halupa ho̱ ishit bahli na ashali̱ka issish, micha oka aiena hosh auet fohopa tok.

Holisso Holitopa yʋt, Foni ʋt ik pakoto ka he, achi kʋt ont ai a̱hla chi̱ mak o̱, nana kʋt a yakohmi tok. Micha anonti Holisso Holitopa ai anumpa inla mʋt, Yʋmma okla bahli tuk ʋt yʋmmak ash pisa hi oke, achishke.

Yohmi ma im ititaiyukhʋna yash o̱ sholi cha iʋt yakni hohchifo noshkobo foni aiasha yo̱, anonti Heblu yokʋno yʋmmʋt Kalkohla hohchifo ho̱ ona tok.

Mihma tʋshka chipota ʋhleha hʋt kʋti tʋnʋt iachuka ikbit, noshkobo ha̱ iachukolichi mʋt, na tishepa na fohka holitopa yo̱ ishit okla anchichi tok.