Chan 14 मधील लोकप्रिय बायबल वचने

सामायिक करा

Nanaiya ya̱ hʋchi̱ bohli lishke: a̱ nanaiya ya̱ hʋch ima lishke: yakni ʋt ima chatuk a̱ chohmi keyu ho̱ hʋch ima lishke. Hʋchi chu̱kʋsh ʋt ik kaniohmokmʋt, anonti ik nukshopo kashke.

Mihma Chisʋs ash ot, Ʋno ak osh hina, micha ai a̱hlika, ai okcha̱ya aiena sia mak oke: ʋno ak o̱ keyukma hatak nana hosh A̱ki a̱ im ai ona he keyu hoke.

Hʋchi chu̱kʋsh ʋt nana ik hʋchi̱ kaniohmo kashke; Chihowa ha̱, oh i̱ yimmi cha, ʋno ma oh a̱ yimmí.

Yohmi kia nanuktalali, yʋmmʋt Shilombish Holitopa mak o̱ a̱ hohchifo pulla hatuk mak o̱ A̱ki ʋt auet kancha chi̱ hoka, yʋmmak osh nan oklu̱ha ka hʋch ithʋnanchit, nana ho̱ hʋchim ahanchi li tuk ma, moma falaminchit hʋchi anukfohka hi oke.

Kʋna hosh ʋm anumpa ʋlhpisa ʋt in tonla cha, holitobli hokmʋt, yʋmmak osh sa holitobli mak oke; micha kʋna hosh ʋno a̱ sa holitoblikmʋt, A̱ki ma i̱ holitopakma, ʋno mʋt holitoblit il im otʋninchi la hi oke.

Mikma A̱ki a̱ im asilhha likma, yʋmmʋt a hʋchi takla ahanta na bilia he mak o̱ hʋchi̱ nanuktalali inla ya̱ auet hʋch ima hi oke. Yʋmmʋt Shilombish ai a̱hli, yʋmmak oka yakni okʋto pi̱sa keyu, micha ithana keyu aiena hatuk osh, ahnincha he keyu mak oke; yohmi kia hʋchishno yokʋno hʋchi takla ahanta tuk osh, anonti hʋchi anukfoyuka chi̱ hoka hʋsh ithana hoke.

Micha a̱ hohchifo pulla ho̱ nana ka isht hʋsh asilhha hokma, I̱ki ʋt Ushi a̱ ai isht a holitopa ai a̱hla hi a̱, mihi yo̱ yʋmihchi la hi oke. A̱ hohchifo pulla ho̱ nana ka isht hʋsh asilhha hokma, ai yʋmihchi la hi mak oke.

Hʋs sa̱ hullo hokmʋt, ʋm anumpa ʋlhpisa puta ka hʋsh holitoblashke.

A̱ki in chuka ya̱ aiasha yʋt laua hoke: ik yʋmohmo hatuk okma, hʋchim anoli la he tuk oke, aiasha ya̱ hʋchim apoksiachit atahli la chi̱ hosh ia li hoke.

Yohmi kʋt ont apoksiachit hʋchim atahli li hokmʋt, anonti falamʋt ʋla lish, ʋno ʋt kanima yo̱ ai ahanta likma, hʋchishno mʋt yʋmmak o̱ hʋsh ai aha̱shwa hi a̱, ant hʋch ishit ai ʋtta li ka ona la hi oke.

Tamas ash osh, Chitokaka ma! kanima yo̱ ish ia hoka il ithana keyu: yohmi kʋt katiohmi hosh hina yano il ithana hinla cho? im achi tok.