Apostel isht Anumpa 4 मधील लोकप्रिय बायबल वचने

सामायिक करा

Micha ai okcha̱ya mʋt inla kia iiksho: shutik nutaka ya̱ hohchifo inla ma hatak puta ka auet ai ima tok o̱, mihi yo̱ il ai okcha̱ya he ʋlhpesa kʋt iksho hoka; im ahanchi tok.

Yʋmohmit ʋba pit anumpulit okla in taiyaha ma, itʋnahʋt okla a chieya tuk ash winakahanchi tok: yohmi ma momʋt Shilombish Holitopa yʋt anukfohkʋt kʋnia mʋt, nukwa̱ya iksho hosh Chihowa im anumpa ha̱ okla isht anumpohonli tok oke.

Yʋmohmi ka himonasi a̱, Chitokaka yʋt okla im anumpa palʋmmi a̱ ish ithaiyanashke, micha hlakoficha chi̱ kʋt, chibbak a̱ auet ish wihinli; micha nan isht ahoba puta, anonti na fehna puta aiena kʋt chiso holitopa Chisʋs hohchifo pulla ka isht a yʋmohmi na, chin tishu ʋhleha hʋt nukwa̱ya iksho hosh chim anumpa ha̱ isht anumpohonla chi̱ ka̱ auet ish im aiahnashke; achi tok.

Tʋli ilʋppak o̱, chuk‐ikbi ʋhleha hʋchia hʋt, ik ahobalot hʋsh kanchi tok mak o̱, yʋmmak ash ot chukbi ka nutak intola fehna toba hoke.

Yohmi ma Pita, micha Chan ita tuklo kʋt nukwa̱ya iksho ho̱ okla pihi̱sa, micha yʋmmʋt hatak holisso imponna keyu, micha nan ik ithano aiena yatuk a̱, akostininchi mʋt, okokko! okla aiahni tok; micha yʋmmʋt Chisʋs a̱ apehʋt a̱ya tuk a̱, okla im akostininchi tok.

Okla laua na yimmi tuk ʋhleha hashot chu̱kʋsh achʋfa mʋt, Shilombish mʋt achʋfa hosh ai asha tok; micha achʋfona kia nana im aiasha kʋt kaniohmi ka ilʋppa ʋno ʋmmi fena, achi tok keyu; amba nana moma ai i̱ moma hosh aiasha tok.