Apostel isht Anumpa 11 मधील लोकप्रिय बायबल वचने

सामायिक करा

Atuk osh yʋmmak ash ahayuchi mʋt, ilauelit Antiak a̱ isht ʋla tok. Mihma yakohmi tok, afʋmmi achʋfa ʋlhpiesa ka ʋbanumpuli iksa ya̱ ibai itahobʋt okla la̱wa ka nan im abahanchi tok. Mihma nan ithʋna ʋhleha hʋt ʋmmona ka Antiak ak o̱, Klaist okla a hohchifo tok.

Yʋmmak ash osh ʋla cha, Chihowa im isht il aiyukpa ka pihi̱sa mʋt na yukpa tok; micha chu̱kʋsh mʋt kʋllo hosh Chitokaka ya̱ isht asitia chi̱ ka, mominchit atonohonchi tok. Yʋmmak okʋt hatak achukma hosh, Shilombish Holitopa, micha ayimmika aiena kʋt anukfoyuka fehna hatuk oka; yohmi ma okla hʋt la̱wʋt Chitokaka ya̱ iba kaha tok.

Yʋmohmi ka Chihowa yʋt, Chitokaka Chisʋs Klaist i̱ yimmi ʋhleha ha̱ hʋp ima tok, ai itilaui na holhpila ka ihi̱ma tuk a̱, ʋno ak osh nanta sia hatuk osh Chihowa ya̱ ataklʋmmi la hinla cho? im achi tok. Na yakohmi ka okla haiyaklo mʋt lumʋt chieya cha, Chihowa ya̱ aiokpahanchi mʋt, Yohmikma Chihowa yʋt okla nan ik ithano ʋhleha ak kia isht okcha̱ya ile kostininchi ya̱ ihi̱ma tumʋshke; ahanchi tok oke.