Apostel isht Anumpa 1 मधील लोकप्रिय बायबल वचने

सामायिक करा

Amba Shilombish Holitopa yʋt a̱yʋt hʋchim ʋla ha mʋno, nana ai a̱hlika ya̱, hʋsh esha he: yʋmohmikmʋt Chelusalem, micha Chutia moma, micha Samelia, micha yakni afolota ont ai ʋhli fena aiena ka, atokolit a na si anoli hʋchia ha he mak oke; im achi tok.

Mihma, Nitak, micha afʋmmi puta ka, I̱ki ʋt ilapo ibbak akinli ho̱ fohkit ieshi ka hʋsh ithana ʋlhpesa keyu hoke.

Micha itahobit taiyahli mʋt, Chelusalem a̱ okla issʋt ik aiyo hosh; amba I̱ki ʋt nana miha tok, Yʋmma hʋs sʋm a haklo tuk ʋt, pit hoyot hʋsh chieyashke; achit im apesa mʋt, Chan ak okʋto oka yo̱ isht baptismochi mʋhli tok; amba hʋchishno ʋto himmak pila ha̱, nitak kanohmi keyukma, Shilombish Holitopa yak o̱ isht hʋchi baptisma chi̱ hoke; achi tok.

Yʋmmak okʋt ilbʋsha hayʋt okcha̱ya kʋt, nana a̱hli isht ikhaiyana he la̱wa ka, yʋmmak ash o̱ ai isht im ile haiakʋchi cha, nana kʋt Chihowa apehlichika ya̱, pit ai ahalaia puta ka isht anumpohonli ka, okla pi̱sa na nitak pokoli ushta tok.

Mihma nana yakohmi ka anumpulit ont in taiyaha ma, oklat pi̱sa na, ʋba ishtia ma, hoshonti hʋt i̱ holhponayo ha̱ ant im a luhmit ishi tok.

Mihma ʋba ia na, pit aiokchifelit shutik pilla ka pit hopo̱koyot hieli ma, hatak tuklot nafohka tohbi fohka hosh i̱ bili̱kasi hieli tok. Mihmʋt yʋmmak ash osh, Kalili hatak hʋchia hʋt, nanta katihmi ho̱ shutik pilla ka pit hopo̱koyot hʋsh hieli cho? Chisʋs ilʋppak ash fehna akinli kʋt hʋchim eshit ʋba ishtia ka, kaniohmit ʋba ia ho̱ hʋsh pi̱sa tuk a̱ yʋmmak inli ho̱ chohmit a̱yʋt ʋla hi oke; achi tok.