एप्‍पा चोङ्‌सा 5 मधील लोकप्रिय बायबल वचने

सामायिक करा

तर पत्‍रुसनुङ हाइखा एप्‍पा चोङ्‌साजिडे़ॽ खोजि लुसुजि, “कानिङे़ॽको याॽमिजिडे़ॽ लुबॽआ खा ने़ॽनि, निवाहाङ्‌डे़ॽ लुबॽआ खा खेम्‍मा खे़ये।

मोबाङ ए़क्‍साङ सानिङ्‌नोॽ माहाजि मन्‍दिरबेॽनुङ याॽमिजिमि खिम-खिमबेॽ खे़ॽनुङ येसुनोॽ छुट्‌कारा पिघुबा हाङ्‌बा ले़ये लुनुङ सुसमाचार खेम्‍मेॽसाङ राप्‍सामि।

मोबा पत्‍रुसडे़ॽ सिप्‍सु, “होउ हननिया, हे़ने़ए़ निवाबेॽ सैतान युङ्‌नुङ इन्‍ढोङ पबित्‍रा होङ्‌निवामि पोम्‍बेॽ रेम्‍डेॽमे़ॽनिङ्‌सिन्‍डुए ? रोपा इन्‍जाबॽआ याङ्‌बाङ ए़डे़ॽवा याङ आम्‍मि लागि इन्‍ढोङ चुप्‍सुए ? मो रोपागो इन्‍जामा याक्‍लोसो हे़निङ्‌मिनोॽ ले़टे़। मोबा इन्‍जानुङ्‌सो माहा याङ हे़निङ्‌मिनोॽ ले़टे़। तर इन्‍ढोङ हे़न्‍जिङेॽ रेम्‍देडाजुए ? हे़न्‍जिङेॽ याॽमिजि ने़ॽनि तर निवाहाङ्‌नुङ रेम्‍डेॽचुए।” पत्‍रुसबाङ इडोक्‍मा खा हननियाडे़ॽ खेम्‍मासोरोॽ मोबेॽनोॽ काङ्‌नुङ सिघडा। मोबा मो खा खेम्‍खुबा चोप याॽमिजि बेॽलो किस्‍सिडामि।

मोडोगे़ॽ के़ॽ हे़निङ लुनिम्‍ने़, इघा याॽमिजिसो योङ्‌मेॽटानुमे। इन्‍ढोङ्‌होङ इघाजिडे़ॽ ले़ःॽपॽआ खा याॽमिजिमि निवाबाङ ले़ःॽहोङ अक्‍खा चोप खोम्‍दाङ्‌बा मे़खे़हा। तर इघा निवाहाङ्‌बाङ्‌नोॽ ले़ःॽपॽआहोङ हे़निङे़ॽ इघा याॽमिजि इमाङ्‌सो ले़ःॽहेसानुम्‍नि। हे़निङे़ॽ इडोॽ ले़टानुमहोङ्‌गो निवाहाङ्‌मि बिरोध ले़ःॽखुबा याॽमि लिन्‍डानिङे।”